¹ Betlehem numutoka, Judia apaku Maria, Izesuni getamo King Heroti mina yamenaku minave. Sonohi mogona-a geleve, ho ititokati imi Jerusale i-ake loka-amo, ² "Nenegu izegipa gosoha uto-i-oma, Juda vetini Kingma hila-agu noive? Leza ai sonohi ho ititokati anigo-kunike noune, aito gupaze amekinake mulute amitune." ³ King Herot amina gako gileake, Jerusale vegenaki kagata vai-iki gelemo. ⁴ Herot Juda apaku mono gizapave ito lo oto gelevegi kelemo nupa oake loka oketamo. "Hila-a apakuti mesiama gevena ale aitoka oaka ve uto itimoneve?" ⁵ La-a liki liamemo, "Betlehem apatoka Juda-ga neve, Profetite nemini iki gizinato neve, ⁶ 'Ito Betlehem geisi, Juda mikasigu apa koma noamane, laimoza guguliza napa Juda apaku nomive. Oo-ee. Nanamule, geikuti mono gizapave napa uto-oko Israel vegenatini gizapave mina nogoive'" ⁷ Heroti geleake halageko selelokimike sonohi mogona gatiakave lamanakuti lokaoketamo sonohi nanahe uto-igo anigave. ⁸ Kimiselekago Betlehem apaku nivago, la-aloko lokimimo, "Viki anigi guni-ilo amina zegipa koma anigiki manezo iki linimilo, nezagi voko aito monolitove." ⁹ King Herot-ini gako giliake, mota vamo, Sonohi Ho ititokati anigamoma vo goi noike voko izegipa akonoi numuni gotolalo minamo. ¹⁰ Amina Sonohi anigiake, mulu-ikuka kogoliza napa vizemo. ¹¹ Vi numukuka iki anigamo, izegipa izolaho Maria-ki niasigo kalapusa hiziki gotoini mili mikasiloka miliki monolitamo. Bokis-i gahesigiki aikagu neta napa gol monigi amemo, netupa lamanaki amemo anuva lamana oaka-i lanigi amemo. ¹² Vamotoka Omasimo nemikaloko lokimimo, Herot-i neitoka vamilo. Laokago haito gapo aliki vi numu-itoka amo. ¹³ Sonohi mogona gatiakave vikago Omasimini hozalove agelo limo oko Josep-ini vamotoka loamimo. "Otezo, izolahiki gipalagi kelemoko golisi Isip-iga vozo. Isipiga noako goha oko logimito-moneve, nanetakumule, Herot-i izegipa kepele hilatimoneve." ¹⁴ Amina holugu Josep-i oteake izolahiki gipalagi kelemoko Isip-iga vimo. ¹⁵ Aminaloka niago Kin Heroti-i hilimo. Nene neta uto-imone Omasimo ligako oko gihilazimo alika uto-iti netakumu loa-kave agepau mola gako, "Neisi gipane selelame nouve, Isip-iati atimoneve." ¹⁶ Heroti geloko anigamo sonohito anigiakave ho ititokati venete agoka vizemo, izapalo molamo. Gimisigi ve nene kimisele kago viki Betlehem numuku izegipa melekeni losita minamo kipililo limo. Heroti lokao guni-imo sonohi mogona-a anigia vegenatoka naneta kumule melekeni losita mina izegipa kipilimo ike lokaimo. ¹⁷ Nene alika uto-iti netakumu loakave Jeremaia vigako gihilazeko utoimo, ¹⁸ "Selegi, ivegi, Rama numukiti uto noive. Resel izegipalamu ive noive, eza ve vena makolite iki mulunegu ali guni-itave loko gelemive, naneta kumule eza izegipala muki hili asuikave." ¹⁹ Mota Heroti hili gamena, Omasimini agelola mako oake Josep-ini vamotoka oko gako loamimo Isipiga, ²⁰ "Ote-oko izolahiki gipalagi kelemoko Israel vozo. Izegipa apili hilitune la vema hilikave." ²¹ Josep-i oteake, izolahiki gipagi kelemoko, Israel-iga vimo. ²² Kin Herot-ini gipala Akilaus amelahini numuni apa naligo Judia apaku Josep geleake, vinogo ahelele napalo vizimo. Alika nene Josep-ini vamo toka Omasimo lo-ame kago, Galili apatoka vimo, ²³ vake Nasaleti apaku minamo. Imane gako nene alika uto-iti netakumu liaka vete la gako gihila zimo. Nenemika liki litamo neve Nasaleti ve noive.