¹ Imane buk, eza Izesu Mesiani ozaha amelagini mogona-a, Izesu eza Devit-ini gipala, Devit eza Abraham-ini gipala minamo. ² Abraham eza Aisak-ini amelaho, Aisak eza Jekop-ini amelaho, Jekop eza Judani agunalatini ame-tipo minamo. ³ Juda eza Peres-igi Sera-gi ame-ipo. Izo-ipo'a Tama. Peres eza Hesron-ini amelaho, Hesron eza Ram-ini amelaho minamo. ⁴ Ram eza Amminadap-ini amelaho, Amminadap eza Nason-ini amelaho, Naso eza Salmon-ini amelaho minamo. ⁵ Salmon eza Boas-ini amelaho. Rahab eza Boas-ini izolaho, Boas eza Obeti-ini amelaho, Ruth la-a Obet-ini venala, Obeti eza Jes-ini amelaho minamo. ⁶ Jesi eza king Davit-ini amelaho, Davit la-a Solomon-ini amelaho, Solomon-ini izolaho-a Uraia-ni goi-o venala. ⁷ Solomon eza Reoboam-ini amelaho, Reoboam la-a eza Abisani amelaho, Abisa la-a eza Asa-ni amelaho minamo. ⁸ Asa la-a eza Jehosafet-ini amelaho, Jehosafet eza Joram-ini amelaho, Joram la-a Usia-ni amelaho minamo. ⁹ Usia la-a Jotam-ini amelaho, Jotam eza Ahas-ini amelaho, Ahas eza Hesekaia-ni amelaho minamo. ¹⁰ Hesekaia la-a Manase-ni amelaho, Manase eza Amon-ini amelaho, Amon la-a Josaia-ni amelaho minamo. ¹¹ Josaia la-a Jekonia-ni agunalatini asizoipo minamo keza Babilon-iga nagato viki mina gamenala-ga. ¹² Alika Babilonigaloka nagato viake, Jekonia nene Sieltel-ini amelaho minamo, Sieltel la-a Serubabel asizolaho minamo. ¹³ Serubabel la-a Abiudini amelaho, Abiud la-a Eliakim-ini amelaho, Eliakim la-a Asorni amelaho minamo. ¹⁴ Asor la-a Sadok-ini amelaho, Sadok eza Akim-ini amelah, Akim eza Elud-ini amelaho minamo. ¹⁵ Eluid la-a Eleasa-ni amelaho Eleasa eza Matan-ini amelaho, Matan eza Jekop-ini amelaho minamo. ¹⁶ Jekop eza Josep-ini amelaho, Josep eza Maria-ni vana, Maria eza Izesuni getoake, aguliza la-a liki milamo Mesaia-ave lamo. ¹⁷ Muki ozaha Abraham-ini loti vogo Devit-ito vomolako 14-a ozaha minamo, Babilonigati omo Mesia-to igo, aminamini oko 14-a ozaha minamo. ¹⁸ Izesu Mesiani mogona Maria getatoti la oko neve. Eza izolaho Maria, eza Josep-ini lo anigi militamo, velesa ve vena inamasige, Josep anigamo sigalahulimo Maria-ni mulunagu izegipa alemolo gako. ¹⁹ Maria-ni vana-a eza Joseph, eza mogona lamanagi ve, eza Maria-ni vegena gogomulalo alemo agoza helemitove loko gele ake, eza halageko Maria-ni ahulotatove. Maria-ni alemo venane amitove loko agata gilimo. ²⁰ Eza amina netagumu agata keleko noigo, eza Omasi-mini agelo vamotoka o-ake la-a loko limo, "Josep, Devit-ini izegipala, geza gehelelevize mino Maria-ni vanama minoko ale gugupelo ozo, imane izegipa mulunagu nemo, eza sigalahu limo ale molonoive. ²¹ Eza izegipa hamako geta nogoive, la ogiko agulizala-a Izesu ave loko mola nogane, nanaigove eza ve vena ale aitoka inogove lihima mogona iniguti." ²² Muki neta uto noimo eza Omasimini gako limo lito alemogo uto noive keza goi-oko monove napa alika uto iti neta li-uto i-aka vete lato uto ino goive, keza la-a liki lamo, ²³ "Gililo, gosoha vena magolimo eza ve magogi akigi la-onamitimo, eza izegipalagi minoko, alika gipala mago getano goive, agulizala-a "Imanuel-ave ligi milanigave. Imane agulizalimini mogona la-oko neve, "Omasi mago lezagi noune." ²⁴ Joseph agonoitoti ote ake, Omasimini agelo loami neta loloimo, vogo Maria-ni eza venalama minioko ale tamo. ²⁵ Eza keke imane venagi akigi la-a masi hanuva miniligi vasike, imane gipa getamo. La-okago eza guliza-a Izesu ave loko molamo.