¹ Neteka go lapana noligo ne, mono gotolalo nalevegi ito mono ve napa gi gako li hukiki Izesuni apele hilitune lamo. ² La okago, naga ziki alemiki gavana ini Pailate nei toka vamo. ³ Izesuni amini oko keme kigezakutive Judas anigamo gena'a nomi ve hanuavama galana alinogoive loko gele ake voko mono gotolalo vegi ve napagi lo zo silva gehani miluma geleku've loko kime'ake, ⁴ Nemika limo,"Lihima mota lolo okuve, hanuvamu'u gena va'a nomi ve lova gala vetini kigizaku molokuve laimozala nemika liki liame,"Leli gena nomive? geza netaka neive." ⁵ Alika Judas i gehani tulu loko mono munuku ale ahulu ake leme heto o'ake voko isagimo. ⁶ Mono ve napate amina silva gehani aliake nemikala "Imane gehani genavagi neve, moni numuku molatune. Golanimini meina'ama neive lamo. ⁷ Alenupa iki gako liake kugupelo ve tini gonosi ale galeziake mikasi meina hizemo. ⁸ Nene mogonamu nene, apa aguliza'a nene, " amina aguliza neive. ⁹ Amena imane neta uto imo nene, Profet Jeremiah lito, " Silver gehani zo'a nene ai meinava'ave" liki Isreal vegenate melamole li gako gihilazi ¹⁰ mo. Aminatunu nene, gonosi apa meina hizemo, Omasimo lonimitimini oko. ¹¹ Gavana mini agomula lo Izesu vo no'o tigo ne, gavana mo loka otake nemikali " Juda vegena tini King no ape? noligo nene, Izesu anoto aleko ''mota nolane'' limo. ¹² Mono gotolalo vegi, mono gezapa vegi gopouka litamo Izesuni keke konoto aliko la'ami. ¹³ Pailatimo loka otake nemikali, gopaguni nigizitamo nene gele nape? ¹⁴ Izesu keke konoto aleko la'amigo, gavana mo agata vai oko gilimo. ¹⁵ Muki gamena Pasova gamena aku nene gavanamo nagato niakuti ve hamo isi golohi o'aka noive, muki vegenate giliki makim ato. ¹⁶ Nene gamena loka, eza ve mako Barabas ave loko mena ve, mogona golesa vai oko lolo i ve minamo. ¹⁷ Vegena alegesato pailatimo loka oketake nemikali,'e'ahini golohi itove? Barabasini nehe, ito Izesu Kristomi ve? ¹⁸ Izesunimu gele make, vegena amisili pailatimini agizaka amo la'a mota anigoko gelekave. ¹⁹ Pailatimo goni gilinogoi gamena loka nene, venala mo gako ahulake nemikali "Imane lelehi onei ve lo nene, neta hamo lolo amo, holugu vamo anigo ame kuke, gena nivisekave. ²⁰ Hetpristigi, mono ve napa te mukito ve gena toka liki Barabasini golahi o ahuloko Izesunia apele hilitune lamo. ²¹ Gavanamo goha loka oketake nemikali ''Ve lo'osi guti nene, 'e'ahini golohi itove noligo, mukito napaga lake Barabasin'ive lamo. ²² Izesu Kristo nia naneta otatune loko Pailatimo goha lika oketamo? "Zohata zalo apele isa gezo lamo." ²³ Loka oketake nemikali 'gapo lota gaka hila'a ale golesa ive, noligo sele napaguti ale voleka lake, malipo zalo apele helezo' lamo. ²⁴ Neta hamo limo vegenatini kigika kagata aleviliga mitimo o'ake lova napa holu inigu uto itimo okago Pailatimo nagami ale ake, aniginago agizani nagami ze nahulake nemika limo "imane vemini golani neni nigizato gimizemi nogoive" lekezatini lili ni iki anigalo. ²⁵ Muki vegenat nemika lamo " Ai golani'a lelito gemize oko ito izegipate zuhalo mina molative." ²⁶ La'okago Barabasini golahi oko ale ahulo ake Izesuni gimisilo aleve tini kigizaku nomolake segi nogesani tuno apiliki zohota za lo isagilo limo. ²⁷ Gimi mageto ale vete alika alimiki gavanali mini alenumpa apatoka ikago nene, lova galave makila'a imi agomulalo amo. ²⁸ La'okago luha neta polotiki ale ahuli ake goloha lavo lavo agupelo luhitamo. ²⁹ Uhenagi naga tunu hakili lili iki luhi tiake, nogosani ali agizaku amo kalapusa hizi nameke nemika lamo"Juda vegenatini king ma noane." ³⁰ Gituhu nitake, alenei nogosani ma ipaiki aleviligiki matunalo gamena vai iki apelemo. ³¹ Aleva letiva iki nilitake, goloha lavo lavo ma apasiki ale nahulake, eza la'a agupelo neta ali luhitiake hetoka laimiki zohata zalo apailiki isaginigi vamo. ³² Limi hetoka niake, Sairini ve mako aguliza'a Simon ave loko minamo anigi ake, zohata za gihitive liki galavizemo. ³³ Golgota ve la apaku anitemo, Amina apali mini aguliza la'a "Vegenatini gotoini helizave apaku." ³⁴ Lova galave nete alevole nagem ale ekesa i'ake amemoaza agepalo laga amigo ahulamo. ³⁵ Zohota zalo Izesuni isa gimi iake, gineganela hiki liki ale luga luga liki asi casi zohi niake, ³⁶ Gizapa iki amina loka minamo. ³⁷ Gotola veleto luhuva giziki ateke nemika la,"Ima nene Izesu, Juda tini King mave." ³⁸ Guminalo ve lo'osigi zohata zalo isa iki tamo agizani lamaga loka maga'a mino akago ito agisani soga loka maga'a minamo. ³⁹ Viga iga 'a' vegenate aliva letiva iki matuini goke nizeke. ⁴⁰ Nemikala ''Olo, geisi mono numuni ale golesa oko gamena losive makole novigo ale otitove lani oma noape, geza akamu gele oko, Omasimini gipa nokama zohota zaloti leme mane.'' ⁴¹ Hetprist mategi, mono numuku gizapa ve napategi ito'o itiki mina vetegi Izesuni gopauka litake la'alamo, ⁴² Vegena haito la'a kelemo vati o'aka noimo aza eza amu gelemive. Isreal vegenatini King ma neinazo ahulinago eza'a nolimigo gele amitune. ⁴³ Omasimu gele ale vole onoinazo, ahulinago Omasimo ai kumu gele okoma, zohota zaloti alemative. Nanamule "Neisi Omasimini gipala nouve lo aka nei omana." ⁴⁴ Zohota zalo mina guminalo vemoge amina mika lokagi gopauka lotamo. ⁴⁵ Holinaka napa, pelo gamena lo nene, limugisi napa lemeko imane mikasilo hitokago mino unaka 3 kilo imo. ⁴⁶ Unaka gemena 3 kilok noigo ne, Izesu geke like nemikali ''Eli,Eli,Lama Sabaktani?'' mogona 'a' nene nemini oko nei, "Omasineve, neni kumu nana igo gahati hitave?'' ⁴⁷ Alito otimina vegenate gili ake nemikala, '' Elaija nimo sele nolive." ⁴⁸ Gimi mageto alive mako limo lita oko ulou loko vokake lavo lavo nekisa'a' ekesa nagamiku molo ake, nogosani lo ale oteko Izesuni native loko amimo. ⁴⁹ Lova ve maga luva ate nemika la " Gizapa oko anigatune, Elijah oko alemo lamana itihe." ⁵⁰ Alika nene, Izesu geke nolike sikalahu ahulamo. ⁵¹ Litaokosi, mono numuku lavo lavo napama, vele toti leme asevola molago hikeleko ale luga luga noike imima napagi uto noike gehani kolo omo novigo, ⁵² Matmatima kolo noike, ale iki monoku mina vegena otimi vamo. ⁵³ Izesu gohaku oti gamenahe limi heto iki vegena va ito uto imi vamo. ⁵⁴ Lova ve tini napa inigi, gimi mageta aleve Izesuni lo gizapa ave mate mikasi imima ike netamate uto itoka ni geleke nemika lamo,"Imane ve nene Omasimini gipala lelehi oko neive." ⁵⁵ Vena moho Izesuni amegetiki Galili ga wamoki amina loka mini hoto iki gonu iminamo. ⁵⁶ Holuinigu nene Maria Magdalaki , Jemsiki Joseski izoipo Maria ito'o Zebedini izegipala zuha tini izoipamagi minamo. ⁵⁷ Ito mino unaka gamena noigo nene, Arimathia ve eza henonila minave Josep nene anitimo, ezagi Izesuni amegeto aka noimo neve. ⁵⁸ Izesuni gonosimu nene, Pailatini loka voko loka otamo la'okago Pailatimo gimitove loko o'o lo amimo. ⁵⁹ La o'ake Izesuni gonosi aleko guluvita lavo lavo tunu lilike ake alemo lamana o'ake. ⁶⁰ Ale moko matimati gosoha eza la'a gehaku gehe molaku nene voko alemo molo ake gehani napa napa tunu nene gateni lo molo li oko molo ake vimo. ⁶¹ Matimati helega loka nene, Maria Magdalaki Maria aki mito minaismo. ⁶² Azo a nene pasova gamena minanoigo nene Hetpris igi Faris igi viki Pailati mini numuku alegesa amo. ⁶³ La i'ake nemika lamo " Ve napateve, sozalo ve mati velesa hele namike ama, nene mika li omaneve, "Alika gamena 3'a oko noivigo nene, gohaku otinogouve." ⁶⁴ La'okago Izesuni matimati lo nene e'toha iki gizapa iki niago gamena 3'a oko vitive lozo. Disaipel late holugu iki ai gonosi gumina iki aliki viki nemika linigave," Helenei omaguti ote ake voka ve" nilago soza gako vo napa inogoive. ⁶⁵ Pailati mamo nemika limo, '' Gizapave mota mini kamozala, lekelisi gilinate gohaku viki mini geisa hizalo. ⁶⁶ La'okago viki matimati lo gehani napa napa mili ake gimi mageto aleve ahuliki tamo.