¹ La'okago Izesu nene amina gako lokeme asu o'ake, disaipele la la'a loko lokimimo, ² "Lekelisi nene gelenaoma neve, gamena lo'osi minoko amegesaloka nene pasova uto ino goive, la'okago Omasimini izegipala nene malipo zalo apilita ve ali kimitamo neve." ³ Alika nene muki Het Pris magi ve vena litini Hetman magi keza nene mini numuna napagu viki alegesa amo, agulizala'a nene Kaiapas. ⁴ Mukito niake Izesu ne agisa agizato iki apilita gako lihukamo. ⁵ La'iake la'a lamo, nosa neta ve vena alegesa iki nata gamena lolo aminogoune. Amina alegesa'a gevenalite anigatamo nene lova uto inogoive. ⁶ Izesu nene Betani'ga leprosi gizalekago alemo zoka ve Saimo'ini numuku neigo. ⁷ Tebol lo nosa noko noigo vena mako moni napalo alabasta oil goni aleko oake matunagu leketamo. ⁸ La'okago Disaipele'lalite anigi ake kizapalo molokago la'a lamo, "Moni napalo neta nene nana okago lekiki latila ive?" ⁹ Amina oil goni nene moni napama alekinake lina hanagi gohogo gevena kemesa nemoza." ¹⁰ Izesu nene la gako gele ake la'a loko likimimo," Nanaigo imina vena nene gena nameve? Aisai nene nasahili oko mogona lamana lolo noive. ¹¹ Lina hanagi gohogo gavena nene lekezagi miniva miniva itamo neve, neisi'a nene lekezagi minova minova amitamo neve. ¹² Amina oil nugupelo lekimo nene, helekugo gale zinitata kumu noholonetave. ¹³ Lamanatoti lilikiminogo uve, Amina mono gako liki numuto namato mihina itatoka, amina vena neta lolo iki muki liuto ikago gevena nene aikumu giliminatamo neve." ¹⁴ Alika nene, Gisaipele 12 amauti daisaipel hamo nene agulizala, Judas Iskariot voko Hetpris anigotamo. ¹⁵ La'oake la'a limo,"Neni nene naneta nimitave Izesuni ale likimitoto o'oli ake gatiki silva 30'a amemo. ¹⁶ Lelehi oko amina gamena, Judas nene ale kimiti gapomu ipu zimo. ¹⁷ Gamena api' iki alegesa napa iki bret yis a nomimo nata gamena uto imo, disaipele nene Izesu neito iake la'a lamo,"Hila'a loka ale lamana ogetatune minoko Pasova natani apa?" ¹⁸ Izesu la'a loko lokimimo,"Lekelisi nene taun napau vi'iki ve mako anigimiki la'a liki liamilo, tisa limo la'a live, Gei numuku nene disaipel negi noinake Pasova nene nanogouve." ¹⁹ La'okago Disaipelate Izesu li gako gili ake viki Pasova nene ali lamana itamo. ²⁰ Unaka gamena, 12 a Disaipele lamagi miniki namo. ²¹ La'okago nosa niniago eza la'a limo,"Gako lamanatoti lono lukumuve niakuti nene mako tinimo neni nele moko voko lova galave keme gigizaku inogoive." ²² Mukito miluma napalo gilimi ake hamo pamo lite loka nitake la'a lamo,"Ve napa, neisi neite?'' ²³ Konoto aleko la'a limo,"Disi lapegu e'aho agizani nezagi molati ihe, nene vemo nene neni nelemoko voko lova galave keme gigizaku ino goive. ²⁴ Ve napa mini gipala mota nene vino goive, Amina luhuva aikumu gizaomalo. Ve napa mini gipala lova galave alekimi vemu miluma napa gilitune! Lamana iline izolaho geto tamilini nene." ²⁵ Judas, nene lova galavetini kigizaku molati vemamo la'a li "Rabbi, neisi noitohe?"Izesu loamimo,"Gizaka mota lokane." ²⁶ Nosa niki niago, Izesu bred ale ake lusa molo ake gitegeko nokumuke la'a limo,"Aliki nalo ima nene neni nugupe neze. ²⁷ La'oake wain kap'uu lekeake numuna loko nokimike la'a limo, "Mukito aminauti nalo." ²⁸ Nana mule neni golani legepitimo nene kontrek gosaha nene muki ve venalitini lihima alahulative. ²⁹ Laimoza neisi nene lelehi oko lokikimitove, Neisi nene vain nagami naminogouve, Gamena mako alika nene gosoha wain nanogouve lekezagi, Amenehini Kingdom'ugu." ³⁰ Nama mako liake limi heto iake Oliv agokalo vamo. ³¹ Alika nene Izesu la'a loko lokimi, "Ninikumu itina holugu nene ahulini tanigave nanamule gikoma neioma neve sipsip gizapa vi kelemo golesa okugo hutili patili ini gave. ³² Neisi gohaku atomo nene, lekelesi ita niago neisi nene goioko Galili vinogouve." ³³ La'okago Pita la'a loko lo amimo,"Geikumu gopa napa alemozitamo onoive, neisigo nene nemegesa vize geme minogo uve. ³⁴ Izesu la'a loko lo amimo,"Lamana lonogumuve, itia holugu okolo ilo lonamigo, geisi nene la'a lino gane save ohamu ve noive loko gamena lo'osive makole litanimo neve." ³⁵ Pita Izesuni la'a loko lo amimo, Neisi gezagi gilitomo neve, gei la'a anigamuve laminogouve." La'okago Disaipel mukilite hamolimini gako lamo. ³⁶ La'okago Izesu nene Disaipel lagi Getsemani apaku vamo, Disaipel la la'a loko lokimimo,"Imanelo nilo neisi voko volane loka numuna litoze. ³⁷ Pita ki Sebedi ni gipala lo'osigi kele moko vimo, La'oake miluma napa gele ake agupegi gena napaimo. ³⁸ Alika la'a loko likimimo, neisi miluma napamini noguluve heleakato alemoloko. Lekelisi nene nenito gizapa iki numuna lilo. ³⁹ Aisi nene komaisi novike, lemeko agoka hezeneike mono limo. Nemika loko mono limo,"Amenegave, imane kapu genamo vai onoimo nene ale ahulozo, geleko lamana onoigoma, Neisi luto uto amino o'e, Geisi gilitanito ale molokako uto ino." ⁴⁰ La'oake Disaipel la niato amozala kovo aki asu ikago Pita ni la'a loko lo amimo, Lekelisi nene van auva agi gizapa amitamo nehe?'' ⁴¹ Gizapa oko monoki lozo, Geisi nene golesau itek alemozeatanize sikalahuka nenemo agoliza vizeko lolo itimo onoimoza gugupe nene ale vole onamive. ⁴² Gamena lo'osi gohaku vo ake numuna nolike la'a limo, "Amenegave, imane gena neni nivilegemiko aminagu vitomo neigoma, mota neve, Geisi gilitanito ale molozo. ⁴³ Gohaku o'ake anigoma nene kovo akiasu inago ani gamo, kogomula ahihi okago. ⁴⁴ La'okago, gohaku gamena 3a gamena lioma mini oko numuna limo. ⁴⁵ Alika nene, disaipel la niato oake la'a loko lokimimo,"Hanuvago akiki lakavasu nivizehe? Anigalo, Omasimini gipala lihima vetini gigizaku molo aka gamena nene mota okave." ⁴⁶ Otemave mota vitunize. Anigalo, neni lova galave kigizaku molati vema nene mota okave. ⁴⁷ Otemave mota vitunize, anigalo, Neni lova galave kigizaku molati vema nene mota okave. "Amina gako loko neigo, Judas 12a disaipel guti mako inia gevena vauva likigi amo, aminagu nene Het Pris igi vevena litini Het manigi amo. Sopolo igi lova i'aka netaki aliki amo. ⁴⁸ Amina zupaheko amina imane ve nene Izesuni ale oko lova gala vetini kigizaku molati avevezaha'a ike lokimimo, La'oake eza la'a alimo,"Ehaini agoka legeko natahe imane amina vema neive, lekeza agizato etaha iki alilo." ⁴⁹ Lita oko Izesu neitoka o'ake la'a limo,"Tisa holugule!" La'a lo ake izesuni agoka legeko namo. ⁵⁰ Izesu la'a loko lo amimo,"Nigivene ve, nana neta lolo itape lolo ozo, la'a noligo lita iki ake Izesuni agizato kigizani miliki ali ake nene ali etoha iki alemo. ⁵¹ Eza lita oko ve mako Izesuge mako niatimo bainat ale heto o'ake Het Prisi mini hoza lovela agata huka ahulamo. ⁵² Laimoza Izesu la'a lok lo amimo,"Bainatika golagu goha ale guezo, nana igove, geza eaga bainat alemino aka mogonagu minatanimo nene, bainatimini golesa'a alitanimo neve." ⁵³ Geza gelenimo Amenehini loka selelo ame akoto akohemuhe, ito'o eza Agelo napalo vauva loko kimiseleiko iki nilimi vati itakumu? ⁵⁴ Laimoza, nana gapoloti Omasimini gako neni kuti gihila zitimo, neve amina imane neta uto itikuti?" ⁵⁵ Amina zupaheko nene, vegena vai iki amo Izesu la'a loko lokimimo, "Lekeza nenikumu bainatigi ito lova o'aka netaki guminalo ve alinigi maitana ikave? Neza mono numuku muki gamenahe minoko mono gako lokeme aka nouve, laimoza lekeza nigizato aliki kalabusim initamave. ⁵⁶ Laimoza, imane neta muki uto imo nene nana mule, Profet'te la gako muki la'a omo gihila zitive guti neve."Ito'o alika nene disaipela zuha ahulimiake golisi iki gopanapa vamo. ⁵⁷ Izesuni agizato ale ve nete alimiki Hetpris napa kaifas'ini loka vamo. Amina apatoka nene, keza ve napagi ito'o hetman igi gizapa iki alegesa iki minamo. ⁵⁸ Laniago ,eza Pita nene kemegesa loka kemegetako o'ake Hetpris mini numuni heto la loka minamo. Vike soldia minakuka nene mak minamo nana neta Izesu lili ita tahe aniganogo vimo. ⁵⁹ Amina zupahe nene, keza Hetpris'igi ito'o Kaunsel nete soza saza gako litakumu vitaga amo, Izesuni apele hilitune guti la amo. ⁶⁰ Soza saza gako vauva liki Izesuni mu lamoza keke golesa la hamoki anigamamo neve. Lailiki vake vake nene kezaguti lo'osi to sa soza gako initunu witnes'ma miniki mini uto asimo. ⁶¹ Nene mika liki lasi,"Imane vemo nemika lonoimo neve,'Eza Omasimini mono numuni ale golesa oko nene gamena lo'osive makolegu goha ale hizinoguve lonoioma neve lasimo. ⁶² Eza Hetpris imo ote ake Izesuni la'a loko loamimo,"Geza nene konoto aleko gako lamitanimo nehe olo? Nana mini gako hiligitave? ⁶³ Laimoza Izesu gako makoki lami. Nemini okago Hetpris'imo la'a loko loamimo,"Neza Omasimini agulizato ale vole oko lonogumuve geza Geisi nene Omasimini Gipalama no ape o'e nolane? ⁶⁴ Eza Izesu anoto aleko la'a limo,"Geza aka mota lokane, lo ake lo ali nologumuve, laika nene aniga nogane Omasimini gipala agizani zamagaloka zamuzagi limusigu okulumatoka anogoive. ⁶⁵ Li gako Hetprisimo gele aka eza agupelo luha neta hikele ake la'a limo,''Imane Omasimini ale vo leto vo oko lomikave! Nana mogonamu gohaku witnes vitaga itune? Anigalo ,itinasa imane vaika limo lekeza litinigi mota gilika. ⁶⁶ Nanave liki nigeleve? "Eza anoto aliki la'a lamo,"Mota hilitito omo molokave." ⁶⁷ Agoka agepa loka gituhu itamo, laiake kigiza itunu napeleke. ⁶⁸ Ito'o la'a lamo,"Geza louto oko leli lolemezo, nanamule, geza Mesiaga minokane. E'aho gei gipilihe lozo?" ⁶⁹ Eza Pita nene numuni hetoka minamoza geisa mini agikalagu minamo eza hozalo vena makolimo aisi noitoka o'ake geisi nene mako ini ma noane Izesuge Galili loka muhina i'aka nia oma neve. ⁷⁰ La'okago eza nene vegena mukili tini kogomula o'ee nolike la'a limo,"Nana netakumu nilahe neza save amuve." ⁷¹ Geisi mini gatekuti leme heto igamena nene, eza haito hozavena makolimo anigomiaka ezagi mako mina vegena la'a loko lokimimo, imane ve nene Nasaretive Izesu'ge mako mihina iaka niamave neve." ⁷² Eza soza gako kuti lohukoko la'a limo,"Imane ve neza anigoko save onamu ve neive!" ⁷³ Koma isi nominoko alika nene, keza oti mina ve nete Pita neitoka iake la'a litamo, lamanatoti nolune, amina imane vegi mihina iaka akuti mako inima noane, nana mule gako loko moloko noanikuti mako inima noane loko anigokune." ⁷⁴ Alika nene gako golesaga nolike la'a limo,"Imane ve neza anigoko save onamu ve neive,"La a noligo lita oko isi, okolohomo ano molamo. ⁷⁵ Eza Pita nene Izesu li gako toka agata gele molamo la'a li oma neve, "Velesa okolohomo gamena lo'osive makole ano moloko sele lonamigo, geza neni anigoko save amuve litanimo neve." Alika nene leme hetoka ive golesa imo.