¹ Okuluma apa (kindom) nenemini oko neive, gosoha moho 10-ate lamu ini aliki vena aliti ve anigatune liki vamo. ² Ito 5-a moho nene kagata lamana iki gelemamo ito 5-a nenete kagata lamana iki gelemo. ³ Ito keza 5-a moho kagata lamana gilisa-amaomate lamu inigo aliki vamo, ito kalasini ini a aliki vinamamo neve. ⁴ Ito 5-amate kagata lamana giliake kalasini gonigi ito lamu inigi aleke vamo neve. ⁵ Laimoza vena aleaka vema lita oko amigo, keza muki moho nene kogomula ahihi igo kovo akamo. ⁶ Holugu akoveve, gako napa guti lamo, 'Aniglao, vena aleaka vema okave! Viki gapoloka hotulitalo.' ⁷ Imane gosoha mohoma nene inina inake lamu ini ale guluma amo. ⁸ Kagata lamana gelema moho mate iki kagata lamana gele mohotoka la-a liki lamo, 'Kalasinima limilo, lamutema lihanogo ize.' ⁹ Kagata lamana gele moho mate likeme la-a lamo, 'Kalasini napa nomize, lekezatini viki meina hizilo lamo.' ¹⁰ Keza meina hizinigi vikago, vena alinogo ive nene amo. Okage ezamu gizapa iki mina moho nene gelemoko mariti nosa napa nanigi aku itimo, laokako gahe kemo. ¹¹ Alika nene 5-a mohoma kalasini lo vaomate i-ake nemikala, Gizapave, gizapave, gahe sege letozo.' ¹² Laimoza keza gakoto lokimike la-alimo, gako gihilaloti lonolukumuve, lekeli save onamuve.' ¹³ Nene mini okatize gizapa lamana ilo, gamena-a gilinamave. ¹⁴ Nene mini oko neve, vemako apa makotoka (Kantri) vinogo noike. Hozalo vela sele lokemeake ezalokati neta lamana kimimo. ¹⁵ Vemako nene 5,000 kina moni amimo, ito mako nene 2,000 kina moni amimo, ito makonene 1,000 kina moni amimo, ve hamo hamo nene hoza alitato anigonoike keme ake, ito hoto gapo vimo. ¹⁶ Nemini okako 5,000 kina moni ali vemo nene voko hoza alike goha 5,000 kina moni profitia loloimo. ¹⁷ Hamo kolimini oko, 2,000 kina moni ali vemo vike hoza alike 2,000 kina moni profetia loloimo. ¹⁸ Ito 1,000 kina moni alivemo nene aleko vike gale lege ake gale zimo amina gizapa velamini moni. ¹⁹ Eza nene gamena hana minoake, hozalo ve tini gizapave nene goha o-ake hoza aletoka gehani-a nana iki hoza lehe aniganogo amo. ²⁰ Eza 5,000 kina moni ali vemo nene 5,000 kina moni profiti agi aleko amo. O-ake gizapa vela la-a loko loamimo, 5,000 kina moni nemeni oma neve. Anigozo, mota 5,000 kina moni profeti agi lolo oko aleko nouve. ²¹ Gizapa vemo la-a loko loamimo vati okove, hoza lo ve lamanale. Geisi neta kama gizapa lamana okanize itina nene neta vai oko gizapa itanimo giminogouve. ²² 2,000 kina moni ali hozalo vemogi amina moni aleko o-ake la-alimo, 'Gizapa ve, 2,000 kina nemeni oma. Anigozo, goha 2,000 kina moni profiti agi aleko nouve.' ²³ Gizapa velamo loamike, 'Vati okove, hozalo ve lamanale! Neta komama gizapa lamana okanize, nenemu neta vai oko gizapa itanimo gimitove. Ano, nezagi logoliza vizeko minati-ive.' ²⁴ Ito 1,000 kina moni ali hozalo vemo o-ake la-alimo, 'Gizapa ve, neza gele nouve geisi nene alevole vema noane. Nosa neta zuha amani tokatiki, nosa alenupa o-aka noane ito atilioko zuha amani tokati geheko aleaka noane. ²⁵ Nehelele golesa vizekago moni nemeni oma-nene galezenoumo, mikasiu. Anigozo, imaneve moni kama! ²⁶ Laokago, gizapa velamo nemika loko loamimo, 'Geisi hoza golesa olekane hakitamani hozalo ve mino kane, keza anikonane neisi nosaneta zuha amukiti alenupa oka-a ito-o zuha amukuti geheaka nouoma neve. ²⁷ Moni nene peni numuku hoza nale vegena kemeioko, moni-mini profitia lolo noiko ato gamena oko profit agi alito oma. ²⁸ Nene mini okago 1,000 kina moni aleaka 10,000 kina ali hozave ame molamo. Vegena e-aho netala vai oko aminogouve. ²⁹ Laonoimoza e-aho netala nomitihe, ale ahulo kinake neta vai alina vegena kimitomo neve. ³⁰ Limugusigu imane gohogo ve ala hulalo, voko ive oko agepa gohalo akoheko minatize.' ³¹ Vemini gipala lapana lagi, ito muki agelo lagi, alika alevole lapanagi sia king lo mina nogoive. ³² Anogo no-oko, muki vegena kantri loka minamo iki agomulalo alenupa amo, laiko eza a nene vegena hamopamo hutiza inogoi ito lam izatini gizapa vemo lam izagi ito memekigi hutiza oka noitimini oko. ³³ Oko lama iza agizani lamaga loka kelemo mola nogoive, ito meme iza a nene agizani sogaloka kelemo mola nogoive. ³⁴ Laoko nenelo kingmo agizani lamaga lo ka niamo la-a nene alo linogoive, 'Alo, ameneho lekeli kumu muluna lamana geleneimo neve. Laoake ai kingdom ale lelehi onoimo nene lekelikumu imane mikasigi apioko lolo noike. ³⁵ Gauna nougo nosaneta neme omave; nagami kumu golesa nougo nagami neme omave; ito vemo vema mini oko nougo numuku nilimi vila omave; ³⁶ lavolavo nomigo ma neme omave; nivisekago iki gizapa ini taomave; ito naga numuku nougo iki anigini taomave.' ³⁷ Ito lelehi ina vegena lite nene nenemika lini gave, guivahaniteve, nanahe gauna noako anigoko nosaneta gumune? Ito nagami kumu gigika gunaha noigo nagami kumu gigika gunaha noigo nagami ihe gumune? ³⁸ Nanahe haito kati ve noako numukuka gelemoko vune? Ito lavo lavo ka nomigo lavalava gimune? ³⁹ Ito nanahe givisekago ito naga numuku noako oko anigoge tune? ⁴⁰ Alika nene kingmo konoto aleko linogoi, 'Gihila loti noluve, neta mako nugunane lo lili amo, nene nenito lili inave.' ⁴¹ Alika nene agizani soga loka minamo lao nene la-a loko lokimnogoive, 'Nogomula loka minamilo, lo napa asu amiti loku vinikave sataki ito agolola kei kumu lili iki tina loku vinigave, ⁴² nana igo, gauna minokuko, nosa neta neme mave; nagami kumu nigika ganaha imoza, nagami neme mave; ⁴³ mako tokati ve minokumoza, numukuka nilimiki vamave; ito lavo lavo ne nomigo, lavo lavo nememave; ito nivisekago nougo, iki anigini tamave ito naga numuku (Kalabus) nougo, iki anigini tamave.' ⁴⁴ Alika nene la gakoto la-aliki liami niga, 'Guivahanitave nanahe gauna heleko noako gei anigune, ito nagami kumu golsesa nogeleko ito mako tokati ve nogako, ito lavo lavo ka nomigo ito givisekago, ito naga numuku noako voko gizapa ogetamune?' ⁴⁵ Alika nene gako lato loaloko lokimi nogoive, 'Gako gihilaloti lonolukumuve, muki neta lili amo nene imane anigi la-ina vegenato lili amamo nene nenitoki lili inave. ⁴⁶ Lekelisi nene lo emane asu amiti loku vinigave ito lelehi ina vegena nene minova minova apatoka vinigave."