¹ Izesu mono numukuti leme hetoka o-ake gapoloka gapo mologo vimo. Izegipala zuhate i-ake mono numu alapizemo. ² La-aliki nilago Izesu nene la-aloko lokimo, "Lekelisi nene muki neta imane anigamahe? Gako gihila lolukumuve, gehani nene amupilo amupilo iki minami nigi ave gululupasiki limi hutili inigave." ³ Nene gamena Izesu Oliv agokalo iteko noigo, izegipala zuhala nene halagiki i-ake la-aliki liamemo, "Lolemezo, gamena asu noiko nana mini aveve zaha uto itimo neve? Ito-o nana mini anosava-a uto itimo neve mikasi asu noive loko anigosa la-aneve?" ⁴ Aminalo Izesu goha lokimike la-alimo, "Lekelisi anigi guni inikive, vegena mako lite iki loko gako viziki gapo golesagu likilimiki vikatave. ⁵ Nanamule, via iki neni nugulizato anigave. La-aliki linigave, 'Neisi nene Kristona nouve,' likiki vegena vai kilimiki gapo golesagu vinigave. ⁶ Gili nigave lova napa nihizeve lago. Nenemu lakagata vai iki gelemilo, nenemini neta nene uto iti kumu. Laitimoza imane mikasi nene asu aminogoive. ⁷ Kantri mako limo oteko mako Kantri lova ale ami-nogoive. Ito kindom mako limo otoko mako Kindom lova ale ami-nogoive. Ito gauna napa no-oko mikasigi imima mako apatoka inogoive. ⁸ Laitimoza muki neta nene vena limo izegipa getanogo noike miluma gili oma mini oko lagavu inogoive. ⁹ Alika nene liki limiki gena napa niviki likipili hilinigave. Ito-o Kantri nenete liki misili ahuliki likilimi golesa itamo nene neni nuguliza kumu inigave. ¹⁰ Alika nene vegena vauvaliki nenito gili alevole amo la-a nene ahulanigave, laiki loko goka viziki vegena golesa tini kigizaku miliki lekeli kumu gele minigave. ¹¹ Soza Profet vai uto ikiki vegena vai kilimi gopa golesagu vinigave. ¹² Nanamu negopa mogona golesa napalo uto inogoive, ito-o monoku alevole iki niga vegena nene goha vi geha geha zinigave. ¹³ Laitamoza vegena emane alevole oko mono gakoto otinago mikasi asu itimo nene, Omasimo ali nogoive. ¹⁴ Imane Kingdom-mini mono gakola-a nene muki numuto namatoka liuto inigave, gilitato muki Kantri uka. Nene lo mikasi asu inogoive. ¹⁵ Nanigako mogona golesa emane golesa alikato kumu, Profet Daniel mota goi oko lonoimo neve, eza holi oko nei apatoka oleneigoma" (eza gatoko anigati timo nene gilitive), ¹⁶ "Judiaga nita vegena nene olouliki agokauka golisi vitave, ¹⁷ numuni amupilo noitanimo nene lemeko numukaukati iteko netaka ale minogo ane, ¹⁸ ito-o mikuka noitanimo nene goha voko hepe-netaka ale minogo ane. ¹⁹ Nemoza miluma napa gele ketatune izegipa-ini mina venakamu ki ito-o izegipa aminito niga kumu! ²⁰ Numuna litune vituni gamena nene hepeki Sapati gamena guki uto amitive. ²¹ Nanamu negopa nene gamena atimo nene gena napagi kugupegi lagavu milumagu vinogoune, nene gena nene goi oko mikasi uto ito anigamuha gena ito alikaki uto amiti gena anogoive. ²² Omasimo gamena, hukoko ale ahulamitimo nene, vegenaki minami nogoune. Laimoza vegena emane Omasimo nenile loko anigonoi vegena nene, Omasimo nene gamena ini hukoko ale ahula nogoive kelemo kuguto vizinogoive. ²³ Alika nene, vegena mako lite linigemogoma, 'Anigozo, Kristo imane uka noive!' o 'Kristo volane uka noive!' kei gako gelemo. ²⁴ Nanamu negopa soza Omasi ito soza Profeti vai iki aveve-zahagi mirakoligi ale uto inigave, vegena kilimi gapo golesagu hilanigave, ito-o Omasimo alenei vegenaki kilimi gopa inigi anigave. ²⁵ Anigalo, uto iti gamenamu mota lolekemekuve. ²⁶ Nene mini okago, la-aliki linilikemegoma, 'Anigalo, Kristo mikasi omopalalo omane noive.' Ito, 'Anigozo, emane rum agikagu noive,' lekeza mikasi mikasi omopala loka vamilo, lekeza lita gakoto gelemilo. ²⁷ Hamo kolimini oko gomeleza no-oko homa noitike lapanala hize sata i-omamini oko homo nolemekogi aminamini noiko ve mini gipala anogoive. ²⁸ Nanamu negopa makotoka heleniti netatoka nene, sio napa napa iki alegesa itamo neve. ²⁹ Milumau ito lagavuku novoko lita oko homamini lapanala asunoiko limugusi lapali nozeko ito ikani mogi nene lapanalagi nene halagi nogoive, sonohiki Okuluma kuti alimi zinigave, ito Okulumaki nene zigini inogoive. ³⁰ Nenelo alika nene vemini gipala ai avevezaha uto inogoive Okulumato, nenelo muki vegena milumagu niviki ive inigave. Nenelo, vemini gipala Okulumato atimo limusigu lapanalagi anogoive. ³¹ Agelola kimigilitimo nene Pikuli napalo niziko, ano napa mola nogoive nenemini no-oko Omasimini vegenala zuha mikasi asu itimini kona 4-a lokati ito Okuluma nekisalokati voko mako nekisalo vo-omolago kelemo nupa inogoive. ³² Lekeza fik za loti nene neta anigalo. Emane fik za-mini izana-a agila nomolago nene, giliki anigatamo neve ho-olati gamena nogave liki anigalo. ³³ Nene mini okago, nene mini neta nanigikima, gililo vemini gipala ati gamena halitokave, numuni gatenilo. ³⁴ Gihila loti nololukumuve, imane gamenalo vegena hili namago nene neta muki la-anene uto inogoive. ³⁵ Okulumaki mikasigi nene asu itimoza, neni gako nene asu aminogoive. ³⁶ Nene gamena a-nene ve makolimo geleko anigona mive, Okuluma toka agelo litegi nene gilinamave, ito vemini gipala mogi nene gelenamive, Omasi mogo nene geleneive. ³⁷ Noah-ni gamenalo uto i-omamini, hamo kolimini oko uto noigo ve mini gipala anogo ive, vegenala kelemoko vinogoive. ³⁸ Nagami veleko mikasi loka omonamigo, vegena nene nosa neta nake sipaki nagami nake velo voka vena aleka iki niago Noah-nene nagamiku sipiu itimo, ³⁹ nene mini-iki niago nagami veleko ake muki neta aleko vonoimo neve hamo kolimini oko ve mini gipala anogoive. ⁴⁰ Mikuka ve losi niasi kuti, magala-a alinogoive ito magala-a nene mina nogoive. ⁴¹ Vena losi vit hutuva-a ale ahuliki niasigo, makola-a vokago magala-a hanuva minamo. ⁴² Nenemu nene lekeza ale vati iki minalo, Ve napa ati gamena gelenamune. ⁴³ Gili guni ilo, eza numuni amelaho ato nene gamena holugu nene gumina lo ve o-aka noi-oma neve loko gilitimo nene, gizapa okiko gumina lo vemo oko numuna epetoko ite minogoive. ⁴⁴ Nenemu nene gezagi gizapa ozo, vemini gipala atimo nene amitihe litani gamena lo atimo neve. ⁴⁵ Nenemu eza hozalo ve gizapa velamini gako geleko numuni gizapa notatimo nene, nosa neta nene gamenalo aminogoive? ⁴⁶ Hozalo vemo nene mulunagu lamana gilitimo neve emane gizapa vela atimo, oko neta lolo ititoka anigoko. ⁴⁷ Gako gihilaloti noluve, gizapa velamo nene muki neta gizapa onetozo loko ami nogoive. ⁴⁸ Ito hozalo ve golesamo mulunau la-aloko gilitimo, 'Gizapa vene lita oko aminogoive.' ⁴⁹ ito hozalo vemo mako hoza ali aka ve kepeleko sipaki nagami mako luga agi natimo, ⁵⁰ alika nene hozalo vemini gizapa vela nene amitihe liti gamena lo atimo neve, ito gamena agi gelemiti to atimo neve. ⁵¹ Gizapa velamo oko hukoko koma koma inogoive gako losi liaka nia omamini oko nene loka nene kegepalo akohiki ive golesa inigave.