¹ Izesu vegena vauvaliki niago ito izegipala zuha-lagi mako niago gako lokimo. ² Nemika loko limo, "Lekeza lo limini tisala-a ito Farisigi Moseseni mino aka noi siamalo mini aka niave. ³ Laonoigo, nana neta lili ilo liki lili kemehe, lekeza amina neta lili iki amegetalo. La-oniki hoza inia amegetamilo, keza-a gakoko liake aimina-a amegetisa ama. ⁴ O-o, neta napa gena o-noi neta namana oko aleko vamoaka neta nene, keza vegena makola-a likemeke liki ginalo aleotiki gihilo. Keza ini-a keke kigizani koma hamo amina genalo miliki ale mitamo neve. ⁵ Muki hoza aliki miliki niamo nene vegenalitini kogomula lo keisi anigatave. Keza ginegane ini nekisaloka ale hana i-ake, aminalo lavolavo negisa'a hukiake gonalisi amina gine gane inilo milamo. ⁶ Keza-a vegena napate mini aka nia apatoko minatune liki giliake, nosa napa niaka gamena ito Judatini mono numuku agovisagi sia toko minatune liki giliaka niave, ⁷ ito keza maketilo nia vegenalite gako lamana likimiki mogona lamana lili elimitave liki giliake, ito keza-a 'Rabai' ('tisatemave') litave liki gili ake amo. ⁸ Laonoimoza, lekezamu 'Rabai' laminikiave nana igove, lekeza tisa la-a hamoisiko noive, laokago lekeza mukito gounago niave. ⁹ Imane mikasigu ve mako amenegave loko lamo, nana igove, lekeza ametipo hamo noimo okulumaku noive. ¹⁰ Lekeli kumu 'tisa-ave' liki laminigia, nana igo, lekeli tisa hamoisiko noimo nene eza Mesia ko. ¹¹ Laokago, e-aho lekeli holutiniguti napa-a noive, eza-a lekeli hozalo vetini lolo oleketatimo neve. ¹² E-aho eza-a aguliza alemo titihe, Omasimo alemo limitimo neve, ito eza ve makolimo minomo lemeko minitimo, Omasimo alemo loko ititimo neve. ¹³ E-he, lekeza lo-oto gilinave ito Farisigi, lekeza lekegepa lo-osi onoi ve niave! Lekeza vegenalitini okuluma apa aleaka hize li-iaka niave, lekezatini-a ai-kagu ite minigi ave. Mako vegena luga-a ite agikagu amitave liaka niave. ¹⁴ Unidentified. ¹⁵ E-he, lekeza lo-oto gilinave ito Farisigi, lekeza lekegepa losi onoive niave! Lekeza age nagami liki ake muki mikasiuka viki vegena hamolimini muluna ale viligi aka niave, ito vegena makolimo muluna ale vili goka goma, lekeza alimi lo apaku izegipa lili-iaka niave lekezatini minoko. ¹⁶ E-he, lekeza loko gomula hilika vegena lite makotini-a gapo nikeli pizeke nemika liaka niave, 'E-aho Omasimini mono numuni agulizato gako lohukatimo nene, latila inogoive. Laonoimoza geza ve makolika lamanatoti noluve loko gol gehani mono numuku noitimini agulizato lohukata nimo nene, lohukani gako alevole oko aleminozo.' ¹⁷ Lekeza loko gomula hilikamo likigika lakagata lamana amimo! Nana neta limo napa onoive? Gol gehanimo napa onoihe ito gol gehani mono numuku minatimo alemo Holi onoihe? ¹⁸ Ito, 'E-aho alta amupiloti gako lohukatimo nene neta mako nomive. Laonoimoza eza ve makolimo gako lohukatimo ofa altamini amupilo neigo nene, amina imane vemo nene gako lohukamo ale minanogoive.' ¹⁹ Lekeza loko gomula hilikonoi vegena niave! Imane presentimo napa onoihe ito altamo amina imane present-nene alemo holi onoive? ²⁰ Laokago e-aho alta lo gako lohukamo nene, eza amina altamu ito neta amupilo niaku muki gako lohuko aka noive. ²¹ Eza e-aho Omasimini numuku gako lohukahe, eza amina lohuka gako nene eza altama muki ito keza Omasimini numuku nia vegenaku muki neve. ²² Eza e-aho okulumato lihika gako lihe, eza Omasimini sia kinglo nene ale moloko lihuka gako loaka neve, eza e-aho amina sia kinglo minoaka noihe nene aikumuki neve. ²³ E-he, lekeza lo to gilina ve ito lekeza Farisigi lekeza lekegepa losi onoi ve niave! Lekeza 10-hap amiaka niave amina imane koma anuva o-aka noi minti-mini zuhava-a, dil-mini zuhava-a ito kumini-mini zuhava-a laimoza lekeza neta napa-a lo limo li netala amigeti sa-amave nene lelehi onoi mogona ama, ito miluma geleaka mogona Omasiloka ligika molo aka lekeza amina imane neta lili itamo nemoza lekeza hamola ama ahuliake maga ama lili niave. ²⁴ Lekeza loko-omula hilikonoi vegenalita vegena mako gapo aliapiziaka niave, neta koma ale ahuli aka niamoza kamel iza nene mikili-iaka niave! ²⁵ E-he, lekeza lo-oto gilinave ito Farisigi lekeza lekegepa losi onoive! Lekeza kapu-mini hetola-a alimi lamana i-aka niave ito lape-mini hetola-a go alimi lamana i-aka niave, likigikagu nene lekezatinimu ko giliaka ito lekezatini lokogoliza vizitakumuko giliaka niave. ²⁶ Lekeza Farisi lokogomula hiliko noive, kaputinigi lapetinigi agika-a alimi lamana iki ito heto la-agi aminamini oko lamana ino goive. ²⁷ E-he, lekeza lo-oto gilina vegi ito Farisigi, lekeza lekegepa losi onoive! Lekeza matimatigu mokona penimamini iki miniake, hetola-a loko lamana oko minokamoza, aikalagu gonosi helisamo vai-oake ito golotuva netaki vai-oko neive. ²⁸ Aminamini oko, vegenalitini kogomulalo lekeza lelehi iki niamo giliaka niave, laonoimoza likigikagu soza gako vai-okave ito la-iake lekeza lo-o amegetamave. ²⁹ E-he, lekeza lo-oto gilinave ito Farisigi, lekeza lekegepa losi neve! Lekeza profetini matimati ale miliaka niave, la-iake vegena lamana litini matimati gonalisi i-aka niave. ³⁰ Lekeza la-a liaka niave, 'Leza goi-oko ametegini gamenaloka minuha minatilina, leza keke ligizani molo hamo oko profetini golani lekemutiline.' ³¹ Laokago lekezatini gako li-uto-ake la-a liki lamo, leisi profeti kipili hele vemotini izegipa inima noune liki laoma neve. ³² Lekeza ametigini mogona golesa-a lekezagu vai-o-noive. ³³ Lekeza gosihaki ito zahametalo gosiha limini izegipala niave, nana gapoloti lo apaku goni aviligitamo neve? ³⁴ Laonoigo lekeza anigalo, neza profet nokimisulumo, ito vegena kigika lamana onoimo, ito lo gilina vegena. Mako luga-a, lekeza kipiliki ali isa giaka niave, mako luga-a Juda vegenalitini mono numuku kilimiki viake nogosani kimiake apa napaguti kimisili hetoka ikago apa napa makotoka viaka niave. ³⁵ Amina mohonautiko vegena lamanalitini golani imane mikasilo lepinamo neve, Abel-ini golani loti apioake vike Sekaraia-ni Barakai-a gipala mini golani lo vomolago, lekeza Omasimini numunigi ito alta-gi holuinigu e-ahini apili hilinitamo nene-a lekeli lugupelo ite mola nogoive. ³⁶ Gako gihila-a lolikimi tove, amina muki neta uto itimo itiasa nia vegena litini gamenalo uto inogoive. ³⁷ Jerusalem, Jerusalem, lekeza profet kipilihili ake ito gehanitunu kipiliake neza kimiselekugo lekeza niatoka a vegena! Gamena vauvaloko neza lekeli izegipatini kelemo nupa itove loko imane minoko gilumo, okolohomo izoipo izegipala-a kelemo agokenauka kelemo nupa i-oma minoko, lekeza aminamu gelemave! ³⁸ Anigalo, lekeli numunima hanuva-a neive. ³⁹ Laokago neza lonolukumuve, lekeza neni anigaminigi ave itiasati voko imane gako lita gamenahe, 'Agoliza vizino e-aho Guivahanimini agulizato ahe.'"