¹ Holisi gamena asu okago, Sategu netekala-a ho noitigo Maria makola lagati ito mako Maria-iki mati mati anigati-ive likasike asimo. ² Amina gamena loko, imima napa uto imo, nana igo, eza guivahanimi agelo mako Okulumakuti lemeake gehani mati matimini gatela-a lo milamo ale ahulamo, laoake amina amupilo iteko mikalo minamo. ³ Amina ageloni agupeloti go meleveza oko noigo, agupelo neta luhatotiki mokona hezohezo loko minamo. ⁴ Keza gimisilo ale ve (Soldia) Izesuni matimatilo gizapaiki minave kehelele napa vize kago limiki mikasilo akamo, ito hele vegena mamini iki akimi vamo. ⁵ Imane ageloma keza vena matimati loka amo la-a loko lokimimo, "Lekeza leke helele vize mino, nana igo ve, lekeli anigonouve Izesunimu vitagaiki niave malipo zolo apiliki i-sage vema. ⁶ Eza imanegu noamive, goi-oko lolikimi, omaneve mota otekave. Lekeza iki anigalo imanelo guivahanimini agupe milamo neve. ⁷ Lekeza lita iki viki izegipala zuha nemika liki likimilo, 'Guivahanitini mota matimatiguti otekave. Eza goi ogo Galiliga loka vokave. Lekeza aminaloka viki anigitanigave.' Giliminalo, nana ve loko lolukuhe." ⁸ Geza vena losima lita ikisi nene loka ahulikasike kehelelegi ito kogoliza napa vizigi vasimo, keza olouliki vasike viki Izesuni izegipala zuha likemisimo. ⁹ Izesu gapoloka anigokimiake la-a loko lokimimo, "Lekeza holinakave!" Vena losi iki galapusa hizikasike agisalo alinasike mono lasimo. ¹⁰ Alika, Izesu la-a loko lokimimo, ''Lekeza lekelehele vizemino. Viki neza nigivene ginima likimilo galililoka viki nenelo neni aniganigave." ¹¹ Amina vena losima gapoloka hanuvago nivasigo, keza gimisilo ale ve (soldia) luga-a, Izesuni matimati lo gizapa ave, apa napaloka viake mono gotola lo gizapave (het pris) muki neta utoimo likememo. ¹² Keza mono kati aka ve (Pris) ito vegena napagi (hetman) miniki gako lihukiake, gimisilo ale ve gehani napa meina kememo ¹³ nenemini i-ake la-a liki likememo, "Vegena magaluva-a nemika liki likimilo, 'Leza akonouko Izesuni izegipala zuhate holugu iki agupea gumina aliki vikave.' ¹⁴ Gavana amo amina gakola-a gilitimo, leza amina gako eza-gi alemo lelehi inogoune eza-a meina golesa lekeme-ative. ¹⁵ Keza gimisilo ale ve (soldia) amina gehani (moni) ali ake keza mono gatiaka vegi (pris) ito ve napagi (hetman) la gako amegetiki liliamo. Amina gako Juda-tini kagatalo vokago ito amina gako la-a minoloko oko itinasagi neive. ¹⁶ Izesuni izegipala zuha 11-a Galiliga vamo, Izesu lokimi agokaloka vamo. ¹⁷ Keza anigimi ake, mono liamemo, keza mako lugua-a Omasiloka giliseketi amake kigika kagata lo-osi gelemo. ¹⁸ Izesu nia-toka viake la-a loko limo, "Neza Ameneho muki zamuza Okulumaku ito mikasigu nei netato gizapa ozo loko nemeneimo neve. ¹⁹ Lao noigo lekeza muki apatoka imane mikasigu viki ve vema kilimi neni izegipala zuha lili ilo. Mono nagami hili kitatamo nene Omasi, Ametehini izegipala ito Sikalahu nene kugulizato nagami hilikitalo. ²⁰ Muki neta lolukumumo nene kizakiza ikimiliki amina-a amegetino. Gililo, neza muki gamena-a lekeza igo nouko, imane gamena voko asu inogoive."