¹ Jerusale apa alitoka Izesuge mako izegipala zuhagi vamo, viki Betpas numu apatoka Oliv agoka lo anitemo, alika nene Izesu izegipala lo'osi nokimisilike. ² La'a loko limo, " Volane numu apaku vilizo, niviki Donki hamo naga zinamo izegipalagi nia simo aniga ni'asive. Naga vinasi ahuliki kilimiki alizo. ³ Lili niasi neta kumu vegenalite loka niagoma, nemka lilizo, 'Napate loka imane Donki lo'ositini hozava'a neive,' la'okago amina donkitini ameipo ahulo likimikago kilimiki anigasive.'' ⁴ Imane neta uto oko la oko noimo nene Profetite gozapa toka linamo neve. Izesu nemika loko limo. ⁵ '' Zioni mini mohola nene li amilo, Anigolo King tinima mota okave, eza aguliza ale loko leme ake donki iza koma mini amegesalo ase hize noave. ⁶ Alika nene Izesu lito izegipala zuhate liliamo. ⁷ La'okago donki iza izolahiki ito izegipalagi kilimiki amo, laikake kugupelo luha neta ale ahu liake donki lo'osi gonalisi ikitamo, laikago Izesun gonalisi ito donki amupilo iteko minamo. ⁸ Vegena vauvalikite kugupelo neta ale ahuliake gapolo avilisa itamo, ito vevena luga'ate nene za agizani hukiake gapolo avilisa itamo. ⁹ Alika nene vevena vai iki Izesuni ahulimiake goi iki vamo, la'okago luga'a amegetiki niake, la'a liki sele liki lamo" Napate agepoka litune Devitini gipala noive! Aikumu lokogo liza vizilo nanamule Omasi Napate mini agulizato noave! Mezau vehani Napate mini aguliza eto'oko minative.'' ¹⁰ Eza gamenalo Izesu Jerusale apaku itimo, amina apa napagu nia vegenalite gopanapaga nilake la'a lamo, Imane ve nene e'aho neive?" ¹¹ Vegena gululusi Izesuni amegeta molite nemika lamo, " Imanene Izesu noive, eza Nasaleti numuku Profeti noive Galiliga apa aikalagu." ¹² Alika nene Izesu mono numuku itimo la'oake vevena muku hiziake ahuliake niago mono numukuti kimisele ahulamo. Moni gehani senisim i'aka'a vetini teibol ale tulu lo'ake ito nama luhusi gehato nahula vetini sia magi ale ahulamo. ¹³ La'oake nemika loko lokimimo," Omasimini gako limo nemika lonoive, Neni mono numuni nene numuna lo'ake numu neive, laimoza lekelisi ali guminalo vetini apa liliniave." ¹⁴ Alika nene kogomula lika gevena ito kigisa golesa vegena mono numuku Izesu noitoka ikago kelemo zokamo. ¹⁵ Lai gamenahe keza het Prisigi ito gapo lota gakoto gizapavegi neta lamana loloimo anigiake, ito izegipa koma komate mono numuni aikauti nemika liki selelamo, Devitini gipalamini aguliza eto oko minative, mulu iku golesa imo. ¹⁶ Izesuni nemika liki liamemo," Gako liki miliki niamo nene hila vegenalite nilave?'' Izesu konoto aleko la'alimo, '' O'o! Laimoza lekeza gizina gako gatamahe, Izegipa komakamatini ito aminilo nia izegipatini Kegepauti Ve Napate agepoka lamana inigave." ¹⁷ Alika nene Izesu apa napa ahulo'ake hetoka vimo. Betariga vo'ake numuni hamo akamo. ¹⁸ Neteka gamenahe nene, agisa gapo apa napa loka o'ake, gaunamu golamo. ¹⁹ Fik za gapo nekisaloka anigo'ake vo alito imo, laimoza amina zagu nosala'a minamimo agilamogo imo. La'okago Izesu amina zamu nemika limo, " Alika nosa geiku gihila zemino goive." Lita oko fik zama gulugulu vizimo. ²⁰ Amina gamena izegipala zuhate anigiake, ininaka liki nemika lamo, " Nana netalimo fik za alemo gulugulu vizive?'' ²¹ Izesu konoto aleko la'a limo," Lamanatoti lonolukumuve, lekeza gilizagiki likigika lakagata lo'osi pasi amitimo nene lekeza imane fik zalo uto i neta lili aminigave, laimoza lekeza neta napa imane miniki lili inigave, imane agoka nene liamininilago, 'Ote oko noani apa ahuloko age nagamiku ' lemezo nilago, aminalo uto itimo neve. ²² Lekeza nana neta kumu numunaguti alitune liki loka itamo, lekeza gilizagitakuti nene, amina neta alinigave." ²³ Eza Izesu mono numuni agikaga itiake ito vegena kiza kiza oko lokemeko la oko imo, mono gotolalo gizapave napagi ito mono numuku gizapa vegi aitoka i'ake, loka itamo," Geisi hila aukati ale vole la'a alekanike ito e'aho O'o logemekago lolo noane?'' ²⁴ Izesu konoto aleko limo," Neza loka mako oleketa nogouve, loka noumo lo uto itamo nene, neza lolikemi nogouve imane ale vole la'a hila aukati ale uke lolonouhe. ²⁵ Eza Joni'i ve vena nagami holoketamo nene, hilaukati ale vole la'a alive?'' Okulumakuti alihe ito mikasigu ve loti alive?" Keza ini holu iku liki miliki niake la'a lamo," Leza la'a losa, Okulumakutile losa,' eza nemika litimo neve, 'Nanamu Jonni gakoto gili alemave?' ²⁶ La'okago leza nemika losa, imane neta ve loti neive, 'leza lehelele vizekave nana mule eza Jonne nene Profetimave liki aniginave.'' ²⁷ Alika Izesuni anoto aliki la'a lamo," Leza gelemune." Izesu la'a loko limo," Nezagi amina minoko lolekeme mito neve imane ale vole hila aukati oko moloko nouhe." ²⁸ La okago lekeza nana ve liki nigeleve? Ve mako gipala lo'osigi minamo. Gana gipala loka vo'ake nemika limo,' Gipa neve, waini mikuka woko hoza alezo.' ²⁹ Gana gipalamo nemika limo,'Hoza gaza alinogo gosele nepele kave,' laimza alika nene goha agiko ale vili go'ake wain miku voko hoza alimo. ³⁰ Alika nene amina ve mo gipala maga'a la'amiti minoko eza gipala koma'a lo amimo, Eza gipa koma amo nemika limo, " Ve napa, voko hoza alitomo neve,' La'a alimoza waini miku voko hoza alemimo. ³¹ "Gipala lo-osiuti nene, e'aho ameipini gako gele alive?'' Keza nemika lamo," Gana gipala move. " Ito Izesu la'a loko lokimimo," Lamanatoti lonolukumuve, takis ali aka nia vegenaki ito pamuk vena mohoki lekeli ahu liki Omasimini zagusavegu voi iki itinigave." ³² Nanamule mogona lamanatoti Jonii lolekeme kamoza gilizagemave. Laimoza takis aliaka'ave ito pamuk vena moholite gilizagikave. La o'noigo amina neta la'a anigi namoza, lekeza mulutina alivili gisa'amave ito gilizagisa'amave. ³³ Anoza gako mako gililo, eza mikasi amelaho mako nene wain mini zuhaimo. Geisa hize ake, ito wain liso lanaziti apa ale lelehi o'ake, ito gizapa ita veteni numuni aleko iteko veleto gimo. Amina wain mini gizapa iki nia vegena keme molo ake apa makotoka vimo. ³⁴ Nosa aleko noaka gamena uto noigo, eza hoza vela luga'a kimisele kago vamo, wain mini gizapa ina vegenalite nosa luma'a amita kumu. ³⁵ Laimoza wain mini gizap iki mina vete hoza vela kigizato aliake, mako inia apili golesa amo ito magala'a apili helemo, ito maga'a gehani ahuli miliki apelemo. ³⁶ Alika nene, mikasi amelaho hoza vela kimisele kago gohaku vamo, itinasa nene vegena vouva loko kimisilimo. Laimoza wain mini gizapa avete goi iki lili ikita mogona lili amo. ³⁷ Imane mogona oko vokago alika nene, mikasi amelaho nene gipala lelehi oko minamo amisele kago vimo, eza la'a loko limo,'Neni gipane anigi lamana itave.' ³⁸ Laimoza wain miku gizapa vete, ve napa mini gipala noago anigiake, keza holuiku gako nilake la'a lamo,"Imane ve mini gipala nene amelahini henonilo gizapa itioma neve. La o'neize apele helekinake ai amelahini henoni a ale asu itune. ³⁹ La'okago wain mikuti alimiki hetoka viake apele helemo. ⁴⁰ Eza wain mini' mini amelaho atimo nene, wain mini gizapave'a nana oketatimo neve?" ⁴¹ Keza nemika liki liamemo, " Amina gizapave kelemo golesa oko ito wain mina haitove kemeiko gizapa ita nigave, keza amina vete nosa luma'a amini igave eza nosa aleko noaka gamena ati zupahe." ⁴² Izesu nemika loko lokimimo," Lekeza Omasimini gako gatiki gilinamitave. Imane gehani numuni kia ka'a ve litine kogomula lo golesa onoive ito kumuhele mive, amina gehani nenemo vegena makolitini numuni lapusa'a minanogoive. Imane nene Napatemo geleneito uto okago ito leli logomula lo nene eza haitolimini oko nei neta neve. ⁴³ La'okago lonolukumuve, Omasimo zagusavela nene lekeli likigizakuti alehula nogoive la'oko nosa'a ale uto ita vegena haitola'a kimi nogoive. ⁴⁴ Vegena e'aga lemeko akatanimo amina gehanilo lanahana inigave. Laimoza imane gehani vegena kumupilo lemeko mizitimo nene golesa asu inigave. ⁴⁵ Keza hetprisma ito Farasi mate Izesu anoza gako lioma gili ake, imane gako kei kumu noligo gili alemo. ⁴⁶ Agizato alita gapomu vitaga amo, laimoza kehelele vizimo vegena vai ike minikago, nanamule keza vegenalite Izesuni a eza profet mako noive liki aniki namo.