1 Amina gamenagu Izesu gako loasu o-aka nene, Galili apa ahuloake vimo, eza Judiatini distrik loka vimo Joden nagami helega. 2 Gevena napalo Izesuni amegetiki vamo, eza kivisemovi vegena kelemo zokomo vimo. 3 Mono gizapave Farisi Izesu noitoka amo, ameku milanigi nemika liki lamo, "Lamana nehe lo limo like luhuva veka gizoko vena ameko amiseleko ahuloaka nehe keza geleto?" 4 Keza lato Izesu namika loko limo, "Lekeza luhuva gatiki gilinave, goi-oko gana Omasimo ve loloimo, ve hamoisi loloake vena hamoisiko loloimo neve? 5 Eza Omasimo limo, 'Nene mogonamu veka izokahiko amekahiko ahulo-oko venakagi mini apizi-minata-imonene keza mini hamo ita imo neve.' 6 Keza goiki miniaka ama minoko nomive, o-eh, mini hamo ikasive. Naneta Omasimo ale apizihe, gevena makolika ale huka mitanimo neve." 7 La-aliki Izesuni liamemo, "Nana okago Moses lolimive ve aleve hukalizo luhuva gizoko vozo loko vena ameaka?" 8 Nenemini onoive loko Izesu lokimimo, "Nana neta kumule lekeza mulutini gehani hizeake alo vole okave, nenemini onogo Moses, o-o (Yes), lo lekemekave, hukatamu neve ve aleve, vena luhuvaneta kimiki ahulikita tave. Goioko nene mini oko nomioma neve. 9 Neza lokimitove, vena vegi gopa amiku geza veka luhuva neta vena ameaka ve aleve hukati-ive loko. Laoko veka vena mako alitanimo mota ve aleve gopa onane, geza ve makolika, luhuva aminita vena alitanimo, nene venagi mota gopa onoive." 10 Nenemini onoigo Izesuni izegipalate gako nemika liki lamemo, "Nenemini onoitimozo, neta lamana mako nene ve nete vena alemitave." 11 Izesu la-aloko lokimimo neve, "Nene gakonene muki gevenalitini gako nomive, imane gako nene ve hamo pamo litini neive. 12 Keza gevena mako ve vena ale apiziki miniki izegipa getamamo. Mako nene izoipo getakuti gohuna niave, mako nene kugupe hukiaka niave, gohuna minatune liki. Mako nene mota gohuna minatune liki niamole. Naneta kumule Omasi mini hoza alitune liki. Gevena e-aho vena aleaka gako gilitove litive, ahuloika gako lamana alitize." 13 Amina alika ve venalite izegipa koma koma kilimiki Izesu neitoka amo. Izesu agizani gotoito moloko numuna loketative loko, izegipa zuhalite gaha kememo. 14 Laokago Izesu la-aloko lokimimo, "Wasaziki o-eh likitamilo, ahuliki mikalo izegipa neisi noutoka ataze, Okuluma zagusave nene miniki nia vetini neive keza izegipa komate niatimini oko muluka ale zouloko Omasi-loka gelezagezo." 15 Eza Izesu izegipatini gotoito agizani moloko numuna lokimiake nene, amina apa ahuloake vimo. 16 Izesu novigo aminaloka izegipa gosohave mako o-ake nemika limo, "Tisa, neisi nana mogona lamana lolo okinake minova minova apa alitomoneve?" 17 Izesu la-aloko loamimo, "Nana igo neta lamana kumu loka nonetane? Omasi hamo aisigo ve lamana noive. Laonoimoza, geza minova minova (Laip) alitove lokoma, Omasi-mini muki gako amegetozo." 18 Amina venemo lokaimo, "Nana gako lohukamo amegetatove?" Izesu la-alo loamimo, "Ve kepele helemo, vena ale gopa amo, gumina amo, soza loko gevena kelemo gonito molamo, 19 izokahini ito-o amekahini gihinauka minatanimo neve, gevena mako anigo gumu helezo geza akamu gelemo." 20 Gohaku gosoha vemo Izesuni gako loamimo, "Neisi Omasi-mini lohuka gako muki amegetokuve. Nana neta makoki loloinake minova minova apa lamana alitove?" 21 La-alokago nene Izesu gako nene minoko loamimo, "Ve lamana heheva-a minano goma, voko netaka muki meinalo ahuloko ito-o gohogo gevena kemozo, la-oko neta lamanaka Okulumatokati alitane. Nene minioko oko nemegetozo." 22 Amina gamena ve gosoha nemo Izesu ligako geleake mulunagu gena heleake, megusa agokagi vimo nanetakumule eza gehanivagi henonivagi ve minokave. 23 Izesu la-aloko lokimimo izegipala zuha, "Lamatoti nololokumuve, henoniamo vai onoitive Omasimini okulumatoka zagusavegu iteakato gena hilinogoive." 24 Gohaku nololokumuve, "Eza (Kamel) hana oko isi nakasi-mini agomulau itinogoive, laonoimoza Omasi-mini Okulumaku zagusavegu henonia vai omina vemo iteaka kumu gena hilinogoive." 25 Izegipala zuhalate gako giliake, amina ligako kumu ininaka lamo, "E-aho minova minova apa alitive?" 26 Izesu gonu kepele neike la-alimo, "Ve vena kezaini kilimi vati amitamone (laip) aleakaku, Omasimogo ve vena (Laip) kiminogoive, nanetakumule Omasimogo muki neta ale uto onoive." 27 Nenemini onoigo alika-a Pita Izesuni gakoto amegetoko nene mikaloko live, "Geisi nene gelenape, lelisi muki netate ahulo kunike gei nogemegetune. Naneta alesaneve gei nogemegetuha kuti?" 28 Izesu lokimive gako, "Lamanatoti nololokumuve, goioko Omasimo gosoha mikasi loloike, ve-mini izegipa king sialalo lapanalalo noigo. Lekelesi nemegetiaka ve iki 12-a siato, kingma miniki 12-a Israel gevena gona milani gave. 29 Gevena muki eage numuini ahulahe, gugunaka atokaegeni, ito-o izokahini amekahini, izegipaka, mikasika neni nugulizato ahulatanimo nene. Omasimo vauvaloko gimitimo 100-a avilegeko gimitimo, amupilo (Laip) minova minovagi kimino goive. 30 Nenemini onoimoza, gevena goiki vamo mini alika niago, alika va gevena vi go itamo nene.