¹ Eza nene gamenahe izegipala zuhate iki Izesuni loka itake la-a liki lamo, "E-aho aguliza napa aleoko mino veleto oko Omasimini kingdom uka minatimo neve?" ² La-a likago Izesu izegipa koma mako sele loamekago amo, okago holuinigu alemo oteake, ³ la-a loko limo, "Gako gihila-a lonolukumuve, lekeza minimi limiki imane izegipa miniki mina mitamo, lekeza Omasimini kingdomga keke ite minigave. ⁴ Laokago, vegena minimi limiki imane izegipa noiti miniki minatamo, nene mini vegenalitego kukuliza napa Omasi-mini okuluma apagu (kingdomguka) minano goive. ⁵ Laokago neni nugulizato, vegena makolimo nene miniki nita vegena kelemo lamana itimo nene, eza neni nelemo lamana o-ake neniki ale ai onoive. ⁶ Laonoimoza vegena makolimo imane mini oko izegipa koma neni kumu geleoko noitimo alemo lihimaku molatimo nene, vati onoimola-a nene amina vegenala-a gehani napa luvanalo nagaziki ahuli age nagami napagu itamo neve. ⁷ Miluma napa imane mikasigu ve vena kumu neve kemeku moloaka gamenahe! Kemeku moloaka gamena vati onoimoza, miluma napa eza vegena makolimo kemeku moloaka ale uto oko, vegena mako luga-a lihimaku limitamo, eza amina vegenala-a golesa napalo gihinogive. ⁸ Keza gigizanimohe gigisamohe kelemoko lihimagu nomilikoma hukoko ale ahulozo. Voko minova minova gapoloka gigizani gigisa hamopamoneko voaka vationoive. Laonoimoza lo apaku ligisa ligizani losi losi nego voaka keke lamana onamive. ⁹ Gogomulamo gelemoko lihimaku novikoma, ale apu oko ale ahulozo. Neta vati onoimola-a voko minova minova apatoka gogomula hamotunu minoaka nenemo vati onoive. Laonimoze lo apaku gogomula losi ne-ego voaka nene vati amive. ¹⁰ Gezaka loka gizapa lamana ozo laoko izegipa koma kama anigo ahulamo. Gako gihila-a lonolugumuve, okulumatoka keza agelo inite neni ameneho okulumaku noito agomulalo vi aniti aka niave. ¹¹ Unidentified ¹² Imanemu geza nana veloko nogelene? Ve makolimo lama iza 100-tia aguti mako aminaguti tolova okago, eza 99-a agokaloka ahulokimi oko amina tolova ikumu voko vitaga inogoive. ¹³ Lamankuti lolikimitove, laokago amina lama iza tolova imo anigatimo, 99-nia hanuva minamola amu agoliza vizekatiha nene avilego imane hamo lama iza tolova imo anigakumu agoliza napalo vizinogoive. ¹⁴ Aminamini mogona aleko, ametipo Okulumagu noi vemo eza imane izegipa koma tolova itakumu gelemive. ¹⁵ Keza gigivekaho lihima lolo ogimikikoma, alemo nekisaloka onoko eza loloi neta anigako golesa imo loame iko, lekeli holutinigu minino. Eza gei gako gele ikoma, neloti lekeza goha gona zinikasive. ¹⁶ Ito gei gako gelemikoma, gigivekahini hamoahe ito losihe kelemoko ano, gei gilimi vati-iki amina gena nene apili hilitave. ¹⁷ Eza gei gako gilinogo gosele apele kagoma, amina gako aliki mono numukuka vilo. Mono numukuka lita gakoki gelemikoma, aila-a takis aliaka nia ve-mamini iki anigalo ito Juda ve noi veliki anigamilo. ¹⁸ Gako gihila-a lolikimitove, nana neta mikasi uga lihukatahe, eza Omasimogi okulumakukagi aminamini oko alehuta nogoive, ito nana neta ali kolo itahe mikasi uga eza Omasimo aminamini oko Okulumakuki ale kolo inogoive. ¹⁹ Gohaku lolikimitove, imane mikasigu, ve lositosa muluini mili hamoiki neta makokumu loka itaimo, neni Ameneho Okulumaku noi vemo amina loka asi neta nene kimino goive. ²⁰ Hilauka vegena losihe ito losigi makoki neni nugulizato mini nupa iki minatamo, neza holuinigu minanoguve. ²¹ Alika Pita oake Izesuni loka otamo, "Guivahanive, nanaki gamena nigivemo lihimaku nelemo molamo ale ahulotatove? 7-a gamena ale ahulotatohe?" ²² Izesu loamimo, "Neza 7-a gamenahe ave lamuve, o-eh, ai golesa-a 77-a gamena ale ahulotozo. ²³ Laokago Omasimini kingdom (agusave) avevezaha-a imane minoko neive, king makolimo hozalo velagi lihima alimi lelehi inigi amo. ²⁴ Eza apioko lihima alemo lelehi noigo, keza hozalo vela mako alimiki amo ten tausen kina gehani lihimala King lokati ali oma apasative liki alimiki amo. ²⁵ Laimoza gehanila minamigo lihimala ale apasami, laokago gizapave napalamo alevole gako like amina hozalo ve venala izegipalagi ito muki eza netala agi gehato gimitove loko limo, amina lihima ale apasogo. ²⁶ Laokago amina hozalo vemo gotola ale gupaze ake alapusa hizeko, amina ve napamini agisauka noike la-a loko limo, 'Ve napaneve, neza miluma gele netozo amina muki lihima ale apasano gouve.' ²⁷ Eza Ve napalamo miluma gelemi ake, lihimala ale ahulomiake amina hozalo ahulomikago vimo. ²⁸ Amina hozalo ve novike anigamo hozalo ve mako 100 kina gehani lihima mola ve anigamo. Eza voko agizato geleha noike luvanalo aleake la-a loko limo, 'Geza lihi makama nezaloti alenioma mota nemezo.' ²⁹ Laokago amina hozalo vema gotola gupazeake agisaloka alemozeake, eza minomo lemeko noike la-a loko limo, 'Miluma gelenetozo, amina lihimaka-a alemo lelehi ogeta nogouve.' ³⁰ Eza hozalove napamamo ai gakoma gelemi. Amina hozalove nagaku ahulotokago noko lihimala apasative. ³¹ Keza mako hoza alimiaka vemate nana neta uto ihe anigiake, keza miluma gelemamo. Keza i-ake ve napaini muki neta utoimo liamemo. ³² Alika hozalovetini venapa-amo imane hozalove sele loamekago aisi noitoka vokago la-aloko loamimo, 'Geza hozalo ve golesa minokane, geza minomo lemeko miluma gelenetozo lokako nasahili ogetoko gimisilu oma neve. ³³ Nana igo mako hoza nalesive miluma geletamane, neza miluma gelegetuti-imini oko?' ³⁴ Eza ve napala mini mulunagu lo-lokago amina hozalo ve keza vegena gugupe kagavu mogona golesa lili-iaka nia vetini kigizagu keme molamo la-okago eza agavukuti lihimala-a apasative loko laimo. ³⁵ Aminamini oko Ameneho okulumaku noitimo aminamini mogona lekeza lolo oleketanogoive, lekeza likigi-vetini lihima ale ahulamoko nene, a-isi lolo onoiti netakumu gagata gelemo."