¹ Gamena 6-a novigo Izesu, Pitani, Jemsini ito Jon eza Jemsini agunala, kelemoake agoka mako hanahana neito itemo. ² Izesu senisi imo, agupe-a alemo haito limini imo. Agoka agepa, homa mini oko sata imo, agupelo luha netama lokatiho silikekena molamo. ³ Moseseki, Elijah litaikisi imi anitikasike Izesuge gako liki minamo. ⁴ Pita imane neta nanigake Izesuni la-a loko loamimo, "Guivahanite maka, leza imanelo minosa vatioko oko neve. Geza lailo loko litanimo, neza hepe aliaka numuni losive makole ale otinogoune, hamola-a geza, ito makola-a Mosesini, ito magala-a Elijani." ⁵ Pita gako loko noigo, mokona hezohezo loko mina lumusi limo oko zehito ketamo, amina lumusi agikaguti agepa mako molake la-a loko limo, "Imane neni izegipa noive, neza nigika napalo ameaka nouve, eza neza guluto ale moloko amegetoaka noive. Laokago, lekeza ai gako gililo." ⁶ Izegipala zuhate amina gako giliake, keza kehelele vize kago kogoka hiziki minamo. ⁷ Izesu oko kelemo oteake la-a loko lokimimo, "Lekeza lekehelele vizemino." ⁸ Keza anigi veletoka amo, ve hamoisiko noigo anigamo, Izesu hamoisiko noigo anigamo. ⁹ Keza agoka-lokati nilemeke, Izesu alevole kuti la-a limo, "Lekeza vegena mako likememilo nana neta uto igo anigamo, voko ve mini gipala hele vegena niakuti otekagove." ¹⁰ Izegipala zuhate Izesuni loka itake la-a lamo, "Nana igo gapo lota gakoto gizapavete la-a liki nilave Elaija nene voi oko anogoive?" ¹¹ Izesu keza gakoto la-a loko limo, "Elaija la-a oko muki netala-a alemo lelehi inogoive. ¹² Neza la-a loko lonolukumuve, Elaija mota okave, laimoaze, keza venapa-ate ai la-a anigi guni amave. O-eh. Alimi golesa-ave. Amina mini mogona aliki ve mini gipala kei kigizatoti golesa alinogoive." ¹³ Izegipala zuhate giliki anigamo nene, Izesu nene Jon nagami holokimi o-aka i vemu nolive lamo. ¹⁴ Keza vegena vai-iki niato vi-nanitego, ve mako oko alapusa hizeake Izesuni agisaloka la-a limo, ¹⁵ "Guivahani-neve, gipanemu miluma geletozo, eza okele neta gizaleakeve agupe vauvaloko ale golesa o-aka noive. Gamena vauvaloko loku ahe ito nagamiku ahe pou loko lemeko akoaka noive. ¹⁶ Alemoko izegipala zuha niato vumoza, keza alimi zokamitamo okave." ¹⁷ Laokago, Izesu ai gakoto la-a loko limo, "Lekeza mogona golesa lili i-aka niave likigika Omasiloka milamave, nanaki gamena lekezagi mako minatune? Nanaki gamena lolikimitove? Amina izepa alimiki neisi noutoka alo." ¹⁸ Izesu sikalahu golesa gaha kimimo, noligo sikalahu golesa amina izegipa ahulimi ake vamo, amina gamenalo lelehi oko izegipala zokamo. ¹⁹ Alika, izegipala Izesu noitoka i-ake la-a lamo, "Nana igo sikalahu golesa-a leisi ale ahulamune?" ²⁰ Izesu la-a loko lokimimo, "Nana mule, lekeza giliza geaka tini a komaisi minokave. Neza gako gihila-a noluve, lekeza giliza geaka tini a, koma mastetimini gihila minoko minatimo, imane agoka, 'Oteko vozane loka vozo,' litanimo ote oko vi nogoive laonoimoza neta mako lekelitoka gena onamive. ²¹ Unidentified ²² Galiliga niake, Izesu izegipala zuha la-a loko lokimimo, "Eza Ve mini gipala nene vegena makolitini kigizaku milanigave, ²³ laiki apili hilinigave, gamena losive makole minoko goha otino goive." Keza izegipala zuhate miluma giliake gopanapa kagata gelemo. ²⁴ Kapenaum apatoka niago, eza takis ale aka i vemo Pita noitoka o-ake la-a loko limo, "Tisatinimo takisi hizeaka noihe hizesa-amive?" ²⁵ Pita eza la-a limo, "O-o." Laimoza Pita la-a ite numukuka noigo, Izesu loka otake la-a loko limo, "Simon geza nana veloko nogelene? Imane mikasiku kinate nene takis aliaka neave, nana mini vegenaloti aliaka niave? Keza ini vegena ini loti aliaka niahe ito haito vegenatoti aliaka niave?" ²⁶ Pita la-a loko limo, "Haitokati vegena liteve," Izesu loamike la-a loko limo, "Laonoigoma, keza vegena inite takis hizeminigi ave. ²⁷ Laonoimoza keza takis aliaka nia vegena la-a lihimato alimiziatave litune. Keza age nagamitoka voko huk ahulo moloko lagaha alezo. Lagaha goi oko alenitani lakaha ale oko mako luga-a ahulo ikaze, agepa ale ateleko anigatanimo meni gehani mako neigo aniganogane. Amina geha ale oko voko gezagi nezagi takis teve loko takis nale vegena kemezo."