¹ Farasigi Sadyusigi i-ake Izesuni ameku miliki loka itake la-a liki lamo, kavozane okulumatoka avevezaha o-iko anigatune. ² Laokago Izesu keza konoto aleko la-a limo, "Unaka gamena okulumato goloha lonoigoma, lekeza la-a liki liaka neave, azo gamena lamana mina nogoive. ³ Netekala-a, legeza nemika liaka niave, 'Golini zinogo noive, nana igove, goloha lonoi okulumatoka limusimo hitokago.' Lekeza okulumatoka anigiake gako la-a liaku niave, nana mini gamena azo uto itihe, laonoimoza lekeza itinasa utonoi neta anigiki alika uto iti neta la-a li uto aminigi ave. ⁴ Keza ve vena mogona golesa lili i-aka nitamo ito pamuk mogona lili i-aka nitamo nene, vegena litego avevezaha uto iti kumu vitaga i-aka niave, laimoza avevezaha mako uto amini goive, Jona lotoi avevezaha go-nene uto inogoive." Laokago, Izesu ahulo kimiake vimo. ⁵ Keza izegipala zuha vi helegaloka aniti-ake, keza kagati hitokago bretima ale make amo. ⁶ Izesu la-a loko limo, gizapa iki anigi lamana ilo, lekeza Farisigi Sadyusitini yisima alikataze. ⁷ Keza izegipala zuhate holuiku lika milika niake la-a lamo, "Leza bretima aleko amuko lelikumu imane gako nolive." ⁸ Izesu kei gako mota geleake la-a loko lokimimo, "Lekeisi Omasi-loka gele aleaka tinia koma isi minokave, nana igove, lekezatini holutinigu amina gako liki niave, 'Izesu imane gako limo la-a nene leisi bretima aleko amuha kumu lihe?' ⁹ Lekeza gelemahe, 5-a bretunu 5,000 vegena naoma, nosa luma-a nanaki basketi goema neve? ¹⁰ Ito 7-a bretunu 4,000 vetenamave, aminaguti basket nanaki gu-i namoma neve? ¹¹ Lekeza nana igo gili lamana amave neisi bretimu lamuve? Anigi lamana iki gizapa lamana ilo Farisigi ito Sadyusitini yisimamu." ¹² Laokago alika izegipala zuhate Izesu gako limo la-a gili aliake keza gelemo nene yisi bretigu moloaka kumu lamive liki gelemo, laimoza lekeza gizapa lamana itamo neve, nanamule Farisite ito Sadyusite gilialitave liki lilikimita gako gili-ale milo. ¹³ Izesu Sisiria numuku, Filipai apatoka omo halito o-ake, izegipala zuha nemika loko lokaimo, "Vemini gipala nene vegenalite anigiake e-aho neive liki giliaka niave?" ¹⁴ Izegipala zuhate la-a liki lamo, "Mako luga ate lake Joni nagami holokimi o-aka-i vemave, makolite lake Elaija ito makolite lake, Jerimaia ahe profetimaguti noane." ¹⁵ Izesu lokimike la-a loko limo, "Laonoimoza, lekeza lakagata gelemo neisi eahina nouve?" ¹⁶ Simon Pita ai gakoto nemika loko loamimo, "Geisi Mesiagama noane, minova minova Omasimini gipalama." ¹⁷ Izesu eza gako loamike limo, "Saimon Jonani gipala, geza gogoliza vizezo, nana igove ve makolimo imane gako lanimo logememive, neza Ameneho okulumaku noitimo amina gako ale uto oko logemekave. ¹⁸ Gako makoki la-a loko litove, geisi Pitaga noane, neza mono numune gitomo amina gehani veleto ginogouve. Hele gakalimini alevole la-amo aleloko lememino goive. ¹⁹ Okulumaku kingdom, gahe segeaka neta gimi nogouve. Laokago nana neta imane mikasigu ahulatanimo, Omasimo eza amina mini oko okulumakuka ale ahula nogoive." ²⁰ Neisi Mesia nouve liki vegena likememilo loko Izesu izegepala zuha lokimimo. ²¹ Amina gamena, Izesu apioko izegipala zuhamu Jelusale apatoka vinogouve loko lokimimo, mono gizapave, mono gotolalo gizapave ito gapo lota gakoto gizapave tini gigizaniloti gena vaouvaleko alinogoive, keza apili hilinigi ave, gamena losive makole minogo goha ote ego agomula gizano goive. ²² Pita alemo nekisaloka onoike, Izesuni alevole gako la-a loko loamimo, "Venapa, imane neta gei halitoko uto aminogoive, amina neta gei gugupelo uto aminogoive." ²³ Izesu mino viligoake Pitani loamike la-a loko limo, "Sata! Keza nenitoti mino olove ozo, geisi neni gapo zeli itanimo okaze. Geza Omasimini netato gagata napa gelesa amane, gagata napa-a nene vetini neta kumu gele aka noane." ²⁴ Izesu eza izegipala zuha lokimike la-a loko limo, "Eza mako neza nemegetanogo noigoma, ezala-amu geleiko liminogoive, laoko malipo zala geheko neni nemegetano goive." ²⁵ Eza amuko napalo gele oko agupe agutovizeko minatimo, eza agupe alemo ahula nogoive, ve makolimo nenikumu gele noko agupe alemo ahulatimo, eza minogo alekoa lamana inogoive. ²⁶ Eza ve makolimo agata vaioko gele oko muki neta, imane mikasigu nei netakumu oko eza minoko aleko oka alemo ahulatimo, nana neta lamana mako alitimo neve? Nana neta ve makolimo amekiko minoko aleko la-a goha alitimo neve? ²⁷ Vemini gipala, eza Amelahini siligake nalagu ite molokiko keza ageloki mako anigave. Laiki muki ve vena meina kimitimo neve, keza mogona lili ato anigonoko kiminogoive. ²⁸ Gako gihila-a lokimitove, "Lekeza mako lugatinia imane lo otinamo, velesa hilinamiko Vemini gipala atimo kingma mini oko noigo aniganigave."