1 Alika Farisigi, lo giziaka ve gi Jerusale ga apatoka miniaka ve iki Izesuge gako litune liake amo. Keza lamo, 2 "Nana okako izegipa zuhakate goi-o vegena litini mogona tagana amegetamave? Nosaneta noaka gamena kigizani nagamizisa amave." 3 Izesu kei gakoto la-a loko limo, "Nana igo Omasi-mini gako ale ahuliake goi-o vegena litini mogona tagana amegetiaka niave? 4 Omasi-mini gako limo la-a loko lonoive, 'Lekeza ametipini izotipini gako giliki mino zouliki minalo.' Gako mako giliki, 'Ve mako amelaheni izolaheni gako golesa loketatimo, eza mota hilinogoive.' 5 Lekeza nemika liaka niave, 'Ve mako limo amelahini, izolahini lokimike la-a loko limo, "Lekeli likimitove netala-a Omasi guguni gizo ameaka nouve."' 6 Imane mini ve amelahini gako gelemoko minomo lemeko minamino goive. Goi-o vegena litini mogona tagana ago namegetoko-o mina nogoive, lanoko Omasi-mini gako la-a alemo hanuva gako magitana minanogo-ive. 7 Lekeza soza sazalo vegena ave! Asaia-ni gako nene lamana omo uto-onoive, imane Profet gako lekelikumu lonoive, 8 'Imane vegena kegepatunoko neni mono linemeve, mulu-inia hoto golesa neve. 9 Keza soza saza miliki mono linimeve, nana igove keza lo gako vegenalite ale uto amo, mono mogona ve liake vegena maluga-a kizakiza-iki mono linememo."' 10 Alika Izesu amina vegena seleloko eza noitoka kelemo moloake, la-a loko lokimimo, "Gililo laiki imane gako ali lamana iki alilo. 11 Nosaneta ve makolimo agepagu no agika noi netalimo alemo golotuva amive. Lao-noimoza, ve mo gako noligo agepaguti leme heto noitimo nene, alemo golotuva noive." 12 Alika izegipala zuhate iki Izesuni liameke la-a liki lamo, "Geza gelenape, imane gako laniomamo Farisiti-ni mulu-inigu gena okake mulu-ini zovazekave nene-a anigonape?" 13 Izesu keza gakoto la-a loko lokimimo, "Muki za okulumaku Ameneho zuha onamitimo nene, asutoko ale ahula nogoive. 14 Ahuli-kimikalo, imane Farisitini kogomula likonoize. Eza agomula liko-noitive mako aminamini oko agomula liko-noitive gapo alapizitove loko itimo, losilo galeku alemo zinigasive." 15 Pita eza amina gako geleake Izesuni la-a loko loamimo, "Keza anoza gako lanitimini mogona lamana oko lolimetane 'Nosaneta ve mako limo agepagu no gili itimo alemo golotuva lamino goive."' 16 Mota neve loko Izesu limo, "Lekeza laminamini iki imane anoza gako limini mogona gili alemave? 17 Lekeza nemini iki gililo, nana neta legepagu ite nomolahe, nene-a leme mulutegu o-ake, alika asegu leme heto noive? 18 Gako golesa legepaguti leme heto noimo, muluteguti uto o-aka noive, nene-mi gako limo vegena lelemo golotuve loaka noive. 19 Mulutemo nenemi mogona golesa ale uto noive, ligika lagata golesa, vegena kepele heleaka mogona, pamuk mogona vegi venaki lili e-aka niamo, mako haito pamuk mogona lili e-aka niamo, gumina oka mogona, soza gako gonito loaka mogona, vegena mako gakotunu kelemo golesa oka mogona. 20 Nenemini mogonalite vegena lilimi golotuva liaka niave. 'Gigizani nagami zemoko nosaneta noaka,' nenemo vegena gelemo golotuva amino goive.'" 21 Alika imane apa Izesu ahuloake, apa napa losi Taiagi Sidoniagi neloka vimo. 22 Amina gapoloka, Kenan vena makolimo Izesu noitoka noake alevole oko sele nolike la-a loko limo, "Napave, Devitini gipala, nezamu miluma geleneto, sikalahu golesamo gena napalo mohone koma namive." 23 Izesu ai gakoto lita oko loamemimo. Eza izegipala zuhate Izesuni liameke la-a liki lamo, "Imane vena lemegetoko noake sele sele napalo loko noamo, geisi loamekako imane vena ahulolimi oko mino hotoitiha? 24 Izesu keza gakoto la-a loko lokimimo, "Omasimo eza nimisele kago umo nene Israel vegenako kelemo lamana ozo lo-ake nimisele neimo neve. Keza lama iza viki halage omamini iki minikave." 25 Laimoza, imane vena oko alapuza hize ake Izesuni agomula loka la-a loko limo, "Venapa-neve, neni nelemo lamana ozo." 26 Izesu eza gakoto nemika loko loamimo, "Izegipatini peleti ale oko gala koma ahulo moloko kemeaka nomive." 27 La-oko imane venamamo la-a loko limo, "Venapa gako gihila-a lane, laimoza gala komate nosa koma koma ameipini tebolloti ale mozi mola-a niaka niave." 28 Izesu imane venalimini gakoto loamike la-a loko limo, "Geza alevole gigika Omasi loka minokaze; gei izegipaka avisi neta zoka nogoive." Amina gamenalo lelehi oko, sikalahu golesa ahulimi kago, imane moho koma lamana gilimo. 29 Izesu nene apa ahuloko Galili nagami alitoka vimo. Agoka koma alitoka neto iteko mikalo minamo. 30 Vegena vauvaliki noitoka amo. Keza kigisa golesai vegena kilimiki amo, kogomula golesaimo, gako lama vegena (negisi), vegena kukupe zova zava imo, ito vegena vauvaliki kivisimo kilimiki amo, Izesunilo kilimiki ikago kivisi netala-a ale ahulokago zokimi vamo. 31 Keza vegena anigamo gako lama vegena-mate gako nilago, ito agupe zova zava vema zokamo, agisa golesa-i vema gapo moloko mohonaimo, agomula golesa-ive ma goha nanigamo. Iraelitini Omasi aguliza ali veleto-ake agepoka lamo. 32 Izesu eza izegipala zuha sele lokemeake la-a loko lokimimo, "Neza imane vegenagumu miluma gele kimikuve, nana igove, keza nezagi minolo oko gamena losive hamole minokunike nosaneta namave. Neza kimisele ahulanogo gelemuve, nana igove, keza nosaneta namave, keza gauna hiliki gapoloka pou-liki akiatave." 33 Izegipala zuhate Izesuni liameke la-a liki lamo, "Eza imane mini numutoka vegena mini alitiki minamatoka, nosaneta vitaga oko amina vegena keme aka mamo leli govisi napalo lepelekave." 34 Izesu loka oketamo, nanaki peleti alinave, izegipala zuhate lake, "7-nia peletigi, lagaha luguhagi." 35 Alika Izesu amina vegena lokemeko limo, mukito mikasilo minalo loko limo. 36 Amina 7-nia peleti-magi lagaha mako luga-a magi aleake, Omasi loka agepoka loake alika amina peletima aleva polotova oko izegipala zuha kimimo. Keza izegipala zuhate amina vegena kimilali amo. 37 Muki vegena niake muluini vai-imo. Alika koma kama nosaneta la-a minamola-a ale nupa amola-a 7-nia basketi guemo. 38 Ve-a amina nosaneta namo mukito, 4-tausen, venaki izegipagi kei gatama. 39 Alika Izesu amina vegena numu itoka kimisele molamo, eza nagamiku lapegu iteake vo helega Magadan apatoka vimo.