¹ Herot Gavana noike nene, Izesu lolo-oko moloko-i gako gilimo. ² La-oake, hoza vela la-a loko lokimimo, "E-mane ve-nene Joni maneve mono nagami holokimiaka vema, helenei kuti goha oteneitive, imane alevole zamuza ale a-ake haitolimi hoza nalive." ³ Uvolahini Philip-i venala Herodias-ini, molunagu alemo lamana inogo Heroti-nene, Joni-ni nene agisa agizanilo naga aleake naga numuku ahulotamo. ⁴ Nanamu, Joni nene la-a loko likumu, "Omasimi lo limo nene, Herodias nene venaka minoko ale minogo-ane, o-eh neve." ⁵ Heroti nene hanuva Joni nene apele hele akato minamoaza, ahulotamo. Nanamule, gevenalite Jo-ini nene Profeti minoko anigikao, ahelele vizekao ahulotamo. ⁶ Herotini izolaho geta gamena uto okao, nosaneta nake kogoliza vizemo. Amina alegesa-iki niago, Herodias-ini moholamo oko melekeni noigo Heroti nene anigo amu hilimo. ⁷ La-oake Heroti nene mohonene mini mulunagu alemo lamana inogo la-a loko lokimo, Omasimine agovisaloki ito lekeza gevenalita loko govisalo alevole gako lono hukuve nana neta Herodiasini moholamo loka itimo hanuva amino gouve. ⁸ Amina moholimini izolaho Herodiasi nene mohola liti gako loamekago geleake la-a loko limo, "Nagami holokimiaka-ve Jon-ini luvana nene huto-oko lapegu molo-oko aleko-oko nemezo." ⁹ Amina moholi-mini lokakumu nene (King) venapa nene miluma napa gilimo, nanamu alevole gako gevena kogovisalo lohuka-momamu laokao, Jon-ini gotola aliki-iki amitaveloko lokimimo. ¹⁰ Hozalo-ve (Soldia) kimiselekao naga numukuka viake Jon-ini luvana hukamo. ¹¹ Jon-ini luvana hukiake, lapegu miliake aliki-viki Herodias-ini mohola amemo, laikao izolahini alekovoko amimo. ¹² Jon-ini izegipala zuhate nene viki agupea alikake viki galezitamo, la-iake viki izesuni liamemo. ¹³ Izesu amina gako geleake, izegipala zuhagi nagamigu lape (Boat) iteake, ahuliki vegena niamato vamo. Vegenalite gelemo Izesu nene, nene loko vokave liake, apa napa niatoti ahuliaka Izesuni amegetiki aminaloka vamo. ¹⁴ Izesu voake anigamo gevena vai-iki niago anigamo. Muluna agavu-okago miluma napa geleketamo, laoake gevena holu-inigu neta kivisi gevena kelemo zokamo. ¹⁵ Homa lemekao Izesuni izegipala zuhatge la-aliki liamemo. "Emane apato nene gevena niamave, mota homa lemekaze. Kimiselemane, viki nosaneta-ini vitaga-iki hiziki nataze." ¹⁶ Izesu nene Izegipala zuha la-a loko lokimimo, "Keisi viki nosaneta-ini vitaga amitave kimisele milo. Lekelisi nosaneta kimilo." ¹⁷ La-okago izegipala zuhate nene Izesuni la-a liki liamemo, "Leisi nene 5-a bretigi ito lagaha lositaki ale noune." ¹⁸ La-a likago Izesu nene la-a loko lokimimo, "Amina nosaneta nene neisi noutoka alikalo." ¹⁹ Izesu nene vegena nene gihisilo minatave loko lokimimo. La-a loake 5-a bretigi ito lagaha lositaki aleake, Okulumatoka okenavo oko nanigake nosaneta nene nasahili amimo. La-oake amina breti nene apiloko izegipala zuha kemekao vegena kememo. ²⁰ Muki nia vegena nene niake kagatupa imo, laokago nosaneta luma-a ali nupa iki 12-a gosuveha guemo. ²¹ Amina nosaneta na ve nene 5,000. Ito, vena izegipa nene gatama. ²² Nosaneta niake, litaoko izegipala zuha Izesu nene kimiselekao nagamigu lape (Boat) oli-i tiake goiki helegaloka vamo. Izegipala zuha vikao, Izesu nene vegena nene kimisele numuitoka molamo. ²³ Vegena kimisele asu oake, Izesu nene agoka makoto itimo numuna linogo. Homa nene lemeake limugusi zekao, Izesu nene aminoloka eza ago minamo. ²⁴ Nagamigu lapegu izegipala zuha minamo nene age nagami (sol wara) holutoka novigo-nene una napa nene oteake keisi vinigi nia apatokati amo. Laike age nagami alemo otekao age nagamigu lape nene alemo ligi tagani-ike kehelu imo. ²⁵ 3-kiloki ito 6-kilok holula-alo go loaka gamenalo nene, Izesu nene mina agoka ahuloake age nagami (solwara) veleto liso liso izegipala zuha niatoka vimo. ²⁶ Laoko age nagami veleto liso liso noago anigiake, izegipala zuha nene kehelele novizike kagata gopaimo holosi-nene noaze liki gelemo. ²⁷ Lita oko Izesu nene lokimimo, "Lekelegesa vizemo, alevole-iki oti minalo, neisima nouve." ²⁸ La-a loko noligo Pita-nene la-a loko loamimo, "Venapa-neve, geisi noitanimo nene, lonemekako neza nagami veleto liso liso noanitoka vitove." ²⁹ Izesu-nene la-a loko limo, "Ano." Loakao Pita-nene nagamigu lapegu (boat) olio lemeake nagami amupilo liso liso Izesu noitoka vimo. ³⁰ Pita-nene una napa noago anioake, ahelele vizekago nagamiku apioko lemeko vimo. Nagami-limo alemo amunauka inogo noigo Pita-nene gopaga napa like selelimo, "Venapa-neve, nelemo nuguto vizemane!" ³¹ Lita-oko Izesu-nene agizani ahuloake Pitani agizato alimo, la-oake la-a loko loamimo, "Geisi nene bilip-ika koma-isi minokave, nanamu nenikumu bilip amane?" ³² Izesuki Pitaki nagamigu lape itikasigo, una napa nene asu-imo. ³³ La-okago Izegipala zuha nagami lape mina mola-ate Izesuni nene agepokalake la-a liki lamo, "Geza lamanatoti Omasi-mini gipala noane." ³⁴ La-iake age nagami helega-loka Genesareti apa neito vamo. ³⁵ Aminaloka ve-mate Izesuni anigi vevesiake, gako ahulikao muki apa halitoka netoka vimo, laokago neta kivisi vegena noitoka kili miki amo. ³⁶ Kivisi vegena nene i-ake Izesuni loka itamo, gugupelo luhonani neta nekisaloka ale gilitune la-a liake, Izesu luha netato ale gele vegena-nene zoko-asu amo.