¹ Amina zupane Izesu numukuti leme ake voko age nagami gahe valoka minamo. ² Vegena vauvaliki Izesu neitoka alimi vigiki alegesa amo, la'okago nagamiku lapegu iteake noigo vegena iki nagami gahevaloka o'temo. ³ Izesu anoza gakokuti vegena kagata aleko loko moloko imo. Nemika limo, '' Gililo! Ve mako mini zuhainogo nosaneta zuhagi aleko novimo.'' ⁴ Zuha neta mikasiku atili noigo, luga'a gapolo alemo zemo, la'okago namate iki namo. ⁵ Zuha neta luga'a gehanimo itoagi ito mikasi napa mina mitoka lememo, aminati lita iki golamo, nanamule, mikasi napalo mina mike gehanimo okave. ⁶ Laimoza eza ho ititi gamena nene, litaiki gulu gulu'vizike alimizitamo neve, nanamule, luhusa ini veleto mino ake nagami alemave. ⁷ Zuha neta luga'a, uheni gihisigu alimizi-ake aminagi itemo, uheni gihisite kilimi golesa amo. ⁸ Zuha neta luga'a mikasi lamana ito limi-ake nosa lamana-iki zimo, ito magaluva'agi nene 100'a ito maga luka'a nene 60'a zimo, ito magaluva'agi nene 30'a zimo. Ve nene agata negoma imane gako nene ⁹ gele'alino.'' ¹⁰ La'alokago alika izepalate Izesuni loka itamo, '' Nana okago anoza gako tunuko vegena nolo kemene?'' ¹¹ Izesu konoto alike limo, '' Lekeza loko liza vizilo, nana mule, okulumaku mino halagenei gako mukila'a leke litoka mino uto'okave. Laimoza imane vegena okulumaku gako gele alemave. ¹² Neminokago neni gako lamana iki gilialiki, ali kigika kagatagu itamo nene, Omasi nenemo keme giki-oko kiminogoive. Laimoza keza vegena neni gako lamana iki gilialemitamo nene, nemi gako mukila'a kagati hita-noigoive lao'oko gozapa utoi netaki kagati hita nogoive. ¹³ Neminoka vegena gako lokimimnogo nouke nene anoza gako tukuko lokemeaka nouve: Nanamule, oko moloko noumo aniginave, laimoza anigi lamana amave ito gako mogona'a gili alemave. Neni gako nigeleve, laimoza amina gakoli-mini mogona anigamave. ¹⁴ Profet Asaia nene imane mini vegena kumu loko moloko ike, nemi kalimo, ' Neni gako gikitanimo neve, laimoza gele ale mitanimo neve ito mogona'a anigamitanimo neve. Lolo'oko moloko itomo anigata nimo neve, laimoza anigo ale gei amitanimo neve ito mogna'a gele ale mitanimo neve. ¹⁵ Aminalo nemika loko limo, nemini mogonamo vegantini muluini gehani hizekave la'okago Omasimini gako gelemave, kogomula lionoimo gekekago neta mako anigamave, ito gakoma gelemave, ito muluiku gilizagemave. Laimoza lihima neta kemegesa amitamo nene kelemo lamana inogouve. ¹⁶ Laimoza lekelisi'a logoliza vizilo nanamule oko molokonou neta anigi lamana ikave, ito gili'ake giki alinave loko molokonou gako la'a. ¹⁷ Lamana tokati lolikimi nougouve, gozapatoka profetigi ito hehe liki mina vegena lite naniga neta anigatune liki gili namo neve, lai moza anigamamo neve, imane gako nigelemo gilitune liki gelemoza, gilinamamo. ¹⁸ Zuha neta miku atili oko zuhai ve mini anoza gako mogona'a gele alezo. ¹⁹ Ve makolimo Omasimini okulumaku mogonamini gako gele ale oko, ale mulunagu oko ito agika minamitimo nene, nemini oko neve, zuha neta gapolo alemozioma minooko neve, ve golesa satlimo mulunaguti gako lamana ale ahulo'aka noive. ²⁰ Ve makolimo lita-oko Omasimini gako agoliza napaguti gele ale aka noive, neminoko neve zuha neta luga'a gehanimo'i mikasilo liminave. ²¹ Amina vemo gemena ahavaisika Omasimini gako geleseketi okamoza, la'oake ale mulunaguito agikaku osa'amimo. Nemini vegena lita iki giliseketi inaguti alemo-zeaka nemo, genagu minahe ito ameku milaku nemini o'aka noive. ²² Ve makolimo Omasimini gako gele ake ale agika mulunagu itimo, laimoza gehani molalimu ito henonimu, ito mikasigu netakumu nogeleko, Omasimini mogona amegetamoko Omasimu gelemoko minative. Zuha neta uheni gihisigu lemeko minamo mamini oko noive. ²³ Ve makolimo Omasimini gako gele ale oko ale mulunagu ito agikaku lo oko, amina gako amegetatimo nene, lamana zinogoive. Magoluga'a 100'a nozigo ito luga'a 60'a nozigo ito luga'a nene nosa 30'a zinigave.'' ²⁴ Izesu anoza gako vegena lokimike, la'a limo, '' Omasimini okulumaku nogona nene nemi noko neive, ve makolimo miku zuha neta lamana witi minioko zuha imo. ²⁵ Laimoza miku gizapave akihilinago mini amelahini lovagala vemo gihisi golesa witigu atili o'ake vimo. ²⁶ Eza gamenalo witima goloko ite ake gihila nozigo, aminagu guhisi golesa itimo. ²⁷ Minigu hoza vete mini amelahini iki la'a liki liamemo, 'Ve napateve, nosa lamana mikagu zuha ona noima laimoza gihisi golesa hila'aukati ave?'' ²⁸ Mini amelaho nemika limo, ' Neni lovagala vemo gihisi golesa oko atiliokave, ' La'okago hozavete nemika lamo, ' Imane gihisi golesa asutatune nolunize gelenape o'lo? ²⁹ Ezamini amelaho nemika limo, ' Oe, gihisi golesa viki asutamilo, gihisi golesagi ito witiki asutikataze. ³⁰ Ahulikalo eza witigi ito gihisi golesagi mako mako ititaize, eza gamenalalo nosa alenupa gamena mikaku nosa noaka gamena uto noigoma, nosa alenupa ita ve nene lokiminoguve, '' Gihisi golesa'a asutiki naga'aliki loku gizo akato ali milalo. Alika nene witi alenupa iki neni nosa numuku alikiviki milalo.'' ³¹ Alika nene Izesu anoza gako mako limo. Nemika limo, '' Okulumaku omasimini Kingdom nene neminoko neive, za gihila mastetimini zuhava'a ve makolimo aleko voko minagu zuha imo. ³² Amina mastetimini zuhava'a nene, muki za zuhaguti nene a'isi'a nene zuha komaha neta isi nemo zuha i'aka niave. La'okago eza goloko napaitove liti gamena, muki miku nia za kivilegeko ititimo neve. Ite za napamamini o'aka noive, namate iki mosanaloka numuni giaka niave.'' ³³ Izesu goha anoza gako mako lokimike la'a limo, ''Okulumaku Kingdom nene ist maminoko neve, eza vena makolimo ale aka 'a kap paluaku ale viliga'aliga noigo luluvizimo. ³⁴ Muki gamenahe Izesu vegena gako lokiminogo noike nene anoza gako kutiko lokimimo; ³⁵ Nenemini imo nene goi oko profetimo giza gako nene ale gihila zimo. Amina profetimo nemika limo, ''Neisi anoza gakokutiko linoguve, neisi anoza gakokutiki vegena mono lokemeko neta hito noi gako lokimimo, goi oko mikasigi okulumaki uto inamasigo.'' ³⁶ Izesu nene vegena ahulokimi ake munukuka vimo, izegipa zuha i'ake nemika lamo, '' lamana oko lolemezo gihisi golesamo witi minigu iti timini mogona'a amave.'' ³⁷ Izesu konoto aleko limo,'' Eza vemakolimo zuha neta lamana zuhaitimo nene Vemini gipala anosa moloko neve.'' ³⁸ Mini nene imane mikasi makizeko neive, eza zagihila lamana neve vegena lamana Omasimini gako giliaka gevena makizeko neiva, ito gihisi golesa nene Sata limini mogona lili'aka'a vegena makizeko neive. ³⁹ Ito lovagala vemo gihisi golesa zuha imo nene, Satani makizeko neve. Eza miku nosa neta ale nupa o'aka gamena utonoimo nene, mikasi asu itikumu makizeko neve. Ito nosa alenupa o'aka ve nene agelonimu nolive. ⁴⁰ amina mogona minoko nene gihisi golesa alenupa iki lo gizamo, Omasi jasi minoko mikasi asuiti game gona molanogive. ⁴¹ Ve mini gipalamo agelola kimiseleiko viki lihimaku alimizi'aka nia neta ale ahulanigave, la'okago vegena e'age Omasimini gakokumu pelevesava nizehe. ⁴² Agelolite lo napa latiku kilimi ahulanigave, aminagu nene kugupe kagavu noigo'ive ni'iki, kegepa gohalo akohitamo neve. ⁴³ Laimoza hehe liki minata ve vena nene kugupeloti lolivi legeoko ho'o lapana liomamini inogive ai Omasimini zagusavegu(Kingdom) Ve neneka gagata nitimoma imane gako gele alezo. ⁴⁴ Omasimini lapa nene meinava'a iteko mina neta napa napa neive, eza ve makolimo mini aikauti vitaga imo, goha mikasi gehe ake alehalagimo amina neta, alika nene vike muki neta la gehanilo ahulamo, la'oake amina mikasi hizeko alimo. ⁴⁵ Amina minoko okulumaku lapa nene meinava'a iteko neive, amina minoko eza ve makolimo nene pel gehani lamana meinava'a iteko minamo hizimo. ⁴⁶ Eza peli gehani minava'a iteko minamo anigo 'ake, vike muki netala gehanilo ahulamo, la'oake pel gehani hizeko alimo. ⁴⁷ Goha nene, okulumaku lapa nene nemiko neive eza ve makolimo lagaha alitove lo'oko nagamiku gotalaha moloko haitopaito lagaha alinogive. ⁴⁸ Eza gotalaha vai'iti gamena nene, lagaha alitove vemo nene gotalaha gelehao nagami ahevaloka imo. Legeza oko minake lagaha lamanala'a basketigu guimo, ito lagaha golesa'a nene ale ahulo nagmiku imo. ⁴⁹ Mikasi asuiti gamena nene, aminamini mogona vevenatoka uto itimo neve, agelolite hehe liki nia vevena holuikuti, vevena golesa'a ale ahula nogoive. ⁵⁰ Amina vegena lo napagu ahuli milanigave, kagavu napagu ni'iki itoive ni'iki ito kegepa gohalo akohinigave. ⁵¹ Alika nene Izegu izepa zuha nemika loko lokaimo, '' Imane anoza gako li'imini mogona'a gilinalehe, olo?'' Izegipala zuhate nemika lamo,''O'o''. ⁵² Izesu nemika loko lokimino, '' anoza gako lamana iki giliale vegena nene okulumaku zagusave mini(kingdom) izegipala zuha niave, numuni amelagema miniki niave. Numuni amelaho nene linaha neta gosoha neta eza nosa numuni napaguti aleko anogoi. ⁵³ Izesu anoza gako vegena lokeme asu o'ake, izegipa zuhagi mako apatoka vamo. ⁵⁴ Izesuni goto apatoka Nazaleti vamo. Juda vetini mono numuku vo'ake Omsimini mono gako lokimimo. Eza vevena lite loko moloko imo gili'ake ito mirakol loloimo anigiake, ininaka lake la'alamo, '' Imane ve nene agika agata lamana ito mirakol lolo'oaka zamuza nene hila'aukati alive?'' ⁵⁵ Gako gihila'a imane ve nene kamuta limini gipalama nehe? Izolaho nene Mariama nehe, agunala zuha'a nene Jems, Josep, Simion ito Judas? ⁵⁶ Ito moho agunala zuhagi, mukito lezagi mako minoko aleko noupe olo? Laimoza imane agika agata lamana ito mirakol lolonoitimini zamuza nene hla'aukati alive?'' ⁵⁷ Izesu oko moloko ikumu muluiku giligolesa amo, la'okago, Izesu nemika limo, ''Keza haito vegenalite profeti nene gizapa lamana itamo neve, laimoza eza profeti mini vegenala zuha ito goto apalaloti nene, gizapa lamana amitamo neve." ⁵⁸ Mirakol amina apatoka vauvaloko loloamive nanamu, aikumu gilizage mave.