¹ Sabati gamenagu Izesu gapo moloko wit miku izegipala zuhate gauna kogolokago witi izegipala aliki namo. ² Farisite anigi ake, Izesuni la-aliki liamemo, "Anigozo, nanamu izegipaka zuhate lihuka gako Sabatimu ale golesa nigave." ³ La-aliki likago Izesu lokimimo, "Lekelisi gatiki gelemahe neta mako Deviti lolo onoimo vegenaki minake gaunaini golokago ma? ⁴ Emane Omasi mini numuku ite ake o-eh liki lohukake milina bret nonoimo neve, ezagi niga ve a nene keme miti ma kemeneive. Nene bret nene Prist matego natamo neve. ⁵ Geisi gako gatamane lihuka gako Sabatigu Prist nenete mono numuku lihuka gako emane ale golesa iaka nigaoma Sabatigu ito-o golesa onamive liaka niga omave? ⁶ La-onoimoza la-aloko nolo lukumuve mono numuku napa-a nene imane noive. ⁷ Nene gako limini mogona-a gelenokoma, 'Gele-ameaka kumu gele nouve ito guguni gizo-aka nomive,' gena ini nomi vegena goni oketa minogo ane. ⁸ Nana mu negopa, vemini gipala nene Sabati mini napa-a neve." ⁹ Alika nene Izesu nene apa ahulo-ake Juta vetini mono numuku itimo. ¹⁰ Nene loka, ve mako agizani golesa onoi ve minamo. Farasite Izesuni loka itamo, "Vati onoive Sabatigu kivisi vegena kelemo zoko aka nehe?" Izesu lihima lolo itive uti hiziaminigi lamo. ¹¹ Izesu la-aloko lokimimo, "Ito-o ve mako holutiku sipsip iza hamoko minatimo, ito Sabati gamenagu gale makoku limitimo, voko alemo hetoka amitanimo nehe? ¹² Vegena nene sipsip avilegeko neve nene mu nene Sabat gamenagu nene alemo aguto vizilo." ¹³ Izesu nene amina ve nene la-aloko lo amimo, "Gigizani ale pehe lozo," ¹⁴ lokago Izesu liti minoko ale pehe lokago agizani vo lamana imo. Nemini ikumu Farisite gapo vitaga amo Izesuni apele hilitune liki. ¹⁵ Izesu kei muluinigu anigo ake mina apa ahuloko makotoka novigo vegena vai amegetiki vamo, voko kivisi vegena kelemo zokamo. ¹⁶ La-oake alevole gako lokimimo vegena likememilo neni kumu eahina nouhe, ¹⁷ nene a-nene Profet Asaia lioma minoko lonoimo, ¹⁸ "Anigalo, neni hoza vema neve, anosa moloko anigo numu helenouve muluneuti. Neni sikalahu nene molomi kugo gako lelehi lokimitive Juda ve hetoka niga mola-a. ¹⁹ Gopanapa gako hoho-holo loko laminogoive ito-o gapolo gakoki lami nogoive. ²⁰ Hata nene leta minogoive alevole onamive, ito livi apele lihami nogoive liha nogo noitimoza hoza aleloko vitimo mogona lamana kivilegeko ali nogoive. ²¹ Ai agulizato zuta vegena nigamitamo la-agi nene gele seketigi inigave." ²² Nene lo nene ve mako agomulo likave ito agepagi apigimo alimiki Izesuni lo amo, okago alemo zokamo agomulagi agepagi lamana imo. ²³ Muki vegena inina i-ake la-alamo, "Imane ve nene, Devit-ini izegipala nei tihe?" ²⁴ Izesu mirakol loloi gako farisite gili ake, la-aliki lamo, "Belzabal nene sikalahu golesa tini napa-ama nenazo ai alevole laloti sikalahu golesa ale nahulave." ²⁵ Laimoza Izesu nene kei matu inigu anigo ake lokimimo, "Muki Kindom nene houlo lo-si itimo nene mota golesa itimo neve. Ito-o muki apa napa loka houlo lo-osi itamo nene ale vole iki minamitamo neve. ²⁶ Ito-o Sata ezala-a Sata-ni, amisele ahulatimo nene ezala-a houlo helega, helega itimo nene ai kindom nene nana mini oko alevole oko otitive? ²⁷ Neisi sikalahu golesa Belzabalni ale voleloti ale ahulono itomo nene lekeli izegipa-a matenene e-ahini alevole laloti sikalahu golesa ale ahu linitave? Nene mogonamu nene lekeli mili giliki anigi likita nigave. ²⁸ Ito neisia Omasi-mini alevole loti sikalahu golesa ale ahulatomo nene, Omasi-mini apa mota lekelito okave. ²⁹ Nana onoive guminalo vemo oko alevole vemini numukuti gumina netala ali timo nehe? Agisa agizato naga alenoko oko numunaguti netala gumina ali nogoive. ³⁰ Ve mako nezagi minami tanimo nene, neni lova galave nogane, ito-o nezagi ale nupa oko mina miti imo nene, nene ve nene hoto golesa noive. ³¹ Nenemu nene lono lukumu lekeza muki neta kuti lihima lili itamo nene Omasimo, lihimatini alahula nogoive. Ito sikalahuni aguliza aleva letova itanimo nene lihimaka ale ahula minogo ive. ³² Ve mako limo ve mini gipala, gako golesa lotatimo nene, lihimala ale ahulotano goive. Nemoza ve mako lite sikalahuni gako golesa litatamo nene litani gamena loti voko mikasi asu itito vinogoive. ³³ Za nene alemo guni ozo gihila lamana zitimo neve. Ito-o za nene alemo golesa itanimo, gihila golesa zitimo neve, za gihila loti nene anigatanimo neve. ³⁴ Lekeza gosiha golesa mini izegipave, golesa onani vegena lika, nana oko gako lamana litane? Vegena emane mulunagu nana oko neitihe amina mini oko leme heto itimo neve. ³⁵ Ve lamana nene mulunaguti neta lamana ale heto itimo neve neta lamana vai onoi omauti ito-o ve golesa nene mulunaguti neta golesa ale heto itimo neve amina mini oko vai onoi omauti. ³⁶ Gihila loti lolikimitove, vegena nene oko moloko i-oma nene goni napalo lo uto inigave muki gako golesa nehe lamana nehe. ³⁷ Gako kaloti nene, vegena lamana mina nogane, ito gako kamati nene vegena gelesa mina nogane." ³⁸ Alika nene lihuka gakoto gizapa vegi ito-o Farisigi aminalo la-aliki Izesuni loka itamo, "Tisa, geitokati avevezaha (sain) mako aniganogo noune." ³⁹ Izesu la-aloko lokimimo, "Lekelisi vevena mogona (pamuk) golesa aliaka vegena mate loko nigahe. Anigamitamo neve, Profet Jonani avevezaha mago gili mina nigave. ⁴⁰ Hamo kolimini oko Jona lagaha mini, agatupau gamana losive makole mina oma minoko ve mini gipala gamena losive makole mikasigu mina nogoive. ⁴¹ Goni gamena nene Nineveh vegena viki gonito otitamo nene tinasa niga vegenaki otinigave. Jona mono gako ligo mulu ini ale viligina moza, itina nene Jonani avilege nei ve ama imane noive. ⁴² Homa nolimi tokati (Kuin) vena napama ezagi nene gonito otinigave ito vegenaki ne gamena lo-otinigave nene gamena nene (Kuinimo) vena napamamo oko Solomo ligako gele neimo neve itina nene Solomon-ini avilegeko noive ama imane noive. ⁴³ Sikalahu golesa ve mako limini agupe guti leme heto itimo nene, voko gunuha onoiti toka nene minatimu neve, nemoza apa lamana toka mina mitimo neve. ⁴⁴ Nene lo la-alokoli, 'Goha vitove loko vitimo neive.' Goha voko anigatimo nene, numuni ale guni ake mumusopa giteke muki neta ale lelehi ikago nene. ⁴⁵ Nenelo vike sikalahu golesa 7-a nene kelemoko amo goi oko mina oma mini oko minami, o-ake vegena agupegu minamo halika nene imane ve nene goi oko mina omamini oko minami nogoive, itinasa niga vegena mamini oko mina nogoive." ⁴⁶ Nene gamena Izesu vegena vai-iki gako lokemeko noigo agunala ito-o izolaho i-ake hetoka iki otemo, gako lo amitune liki. ⁴⁷ Makolimo Izesuni la-aloko loamimo, "Anigozo, izokaho magi ito gugunaka magi nene gei kumu vitaga iki emane hetoka nigasive anigigi-tanigi." ⁴⁸ Iezsu la-aloko loamimo, "Izoneho e-aho neive ito nugunane e-aho neive?" ⁴⁹ Izesu nene aigzani ale no-otike la-alimo, izegipala zuhalo agizani gisuma noike lokimimo, "Anigalo, imane nigamo nene izonege ito nugunane ma nigave! ⁵⁰ Vegena emane Amenehini Okulumaku geleneito amegetata mo nene vegena nene nugunane, mohone, izonege minani gake."