¹ Izesu, izegipala zuha mono keme asu o'ake, nehelo, ahulo kimi ake apa napaloka voko sukulu gakoki ito'o mono lokimi tove loko vimo. ² Jon Baptaisinene naga numuku noike Izesu lolonoi mogona nogilike nene, hozato veto gako mako loko kimisilimo. ³ Nemika liki lilo, "Geisi nene amina vema noape ito leisi ve mako atikumu guzapa osa neve?" ⁴ Izesu la'a loko limo," Leke lisi vikiki nene Jon Baptizine nene nana neta nanigahe ito nana gako nigelehe nene viki li amilo." ⁵ Kogomula lika ve vegena goha anigi kave, ito kigisa golesa i ve vegena gapo lelehi iki vikave, halame i giziale vegena lamana o'kave, kagata mola vegena lamana gilikave, ito hele vegena oti kave haito vegena mogona lamana alikumu aveto ikimikave. ⁶ Lusa lekelito minimo vegena e'mane neni tokati mino hetoka onamitanimo nene. ⁷ Amina vegena mota vikago nene, Izesu Jon Baptais, " aikumu goko lokimimo," lekeza mikasi gomopalalo viake nana neta anigave, nagamiku gihisi mako hepelimo alahulahe olo? ⁸ Lai moza lekeza viki nana neta anigave, Ve mako lavo lavo lamanatunu gonalisi ihe? Vegena e'mane gonalisi lamana a vegena nene venapa(King) tini numuku mini aka niave. ⁹ La-onoi moza vanioma nana neta anigane - Propet mako nehe? O'o lonolu kumuve, aisi nene Propeti kivilegenie ve neve. ¹⁰ Nene ve nene aikumu mota luhuva netaku gizina ve neive, anigalo, hozalo ve nene ale goi oko hozalo namisuluhe aisi nene gei gapo veleko ale lelehi inogo'ive. ¹¹ Gako gihila loti lono gumuve, vena lite izegipa getatamo nene Jon Baptaisia aviligiki geta minigi ave, la-onoimoza e'mane kuguliza emane Omasimini apa (Kingdom) minati vegena nene ai aviligiki minaigave. ¹² Nagami holokimi aka ve Jon Baptaisini, gamenaloti omo itina igo nene, Omasimini apa (Kingdom) nene amuza moloko ale vole lagi vono imo neve, vegenalite ale lolova nigake ahelu iki vinamo neive. ¹³ Muki profeti ito profetini gako alemo lo lolo amo nene Jon Baptaisini gamenalo oko asu imo. ¹⁴ Amine gako ali nogoma, nene profeti Elaiza goha ano goive. ¹⁵ Geza gagata nigoma, gelezo. ¹⁶ Imane vegena nana mini oko kelemo eto itove?" Izegipa maketi apatoka zohi iki mini iki seleli volane i'mane iki minaka. ¹⁷ Nene mika lamo, helolopani zohi o'getuhama melekeni amanike, miluma geleko'ive agetuhamo'ive amanive. ¹⁸ Joni amo nene nosa netaki ito nagamiki namigo la'aliki lamo, 'Aiku sikalahu golesa neive liki lamo. ¹⁹ Ve mini gipala amo nene, nosa neta noka nagami noka okago la'aliki lamo, 'Anigalo, nosa vai oko nonake nagami ale vole la'agi noka gapo noive, aisai nene takisi a'liaka vegi ito lihimalo veteni zogoini noitive. La'onoimoza mogona lamana nene gigiga gagato lamana kuti leme heto o'aka neive. ²⁰ La okago, Izegu ale vole oko apa napa loka nene mogona golesa ahulilalo limo, neta napa lolo igamena lihima ini apasaki kigika ale vili gamago nene mika limo. ²¹ Miluma nogele ketune , Korasin miluma nogele ketune Betsaida. Muki neta napa Tairzi ito sidonigogi uto nei neta lekeli toka uto itimo nene, keza lihima inimu miluma giliki ito gine gane golesa luhi ito lo situna'a hiliki mina nikave. ²² Omasimini goni napa loka nene, Tairegi, Sidongi Lagasoisi ma vati inigasive, lekelitoka nene hamolimini aminogoive. ²³ Geisi Kapenum, geisi gelenimo guguliza ale otitave Okulumatoka nogelepe? O'e gilimi mikasigu inigave. Ito gei Sodom neta napa geito uto i oma, hanuva hamo kolimini oko itinagi mina nogoive. ²⁴ La- onoimoza la'a loko lonogumuve Sodom mikasi loka nene hana-onoitimoza e'mane Omasimini joni gamena napa loka ito gei toka nene mini amitimo neve o'e." ²⁵ Amina gamena nene Izesu nene la'a loko limo," Guguliza ale no-otuve amenigave, okuluma toka ito imane mikasigu napa ama noane nana mule imane neta lamana nene matuini kolo onoi ve loka nene ale halagekanike ito kagata lamana gele matoka izegipama miniki nigatoka ale uto o'aka noane. ²⁶ O' o amenegave imane a nene gei lamana mamu neve. ²⁷ Muki neta nene Amenoho nemenimo neve, ito ve mako litegi gipala aniginama ve amelahogo anigonoive ito vegena litegi amelahini aniginamave gipala mogo anigonoive gipalamo kelepize aka noive e'zala'a lonamigo. ²⁸ "Alo neneitoka ve vena genagu noitanimo ito gena napalo nali tanimo nenisi laga vagu hamanala'a neisi ligiminogouve. ²⁹ Neni malipo gihigi nemegetigi alo neza minomo lemeko minouke ito hana oko isi minoaga la iki legesaiki minanigave. ³⁰ Nana mule neisi nerta gimitomo nene hanuva gihitanimo neve.