¹ Izesu nene izegipala zuha 12-a sele loake alevole kimimo, sikalahu golesa alahulatave loko ito haito paito neta kivise akanomo ale lamana ita veloko. ² Imanene 12-a izegipala zuhalatini kuguliza goiominamo nene Pita (aguliza mako la-a Simon) ito agunala Andru ito Jebedi-ni gipala Jems-ki agunala Jon-ki, ³ ito Pilip, ito Batalomi, ito Tomas, ito Matyu goi-oko takis aleakaive ito Jems Alfiusini gipala, ⁴ ito Tadius; ito Judas Iskariout aisi alika Izesuni lovavetini kigizaku molamo. ⁵ Izesu nene izegipala zuha 12-a nene kimiselekao vamo. Laoake kiza kiza oake la-a loko lokimimo, "Lekeza nene hetoka (haiden) vetini apatoka vamilo, laiki Samaria vetini apa (taun) agikauki keke itemilo. ⁶ Neimozala, Israel-tini lama ize tolova ina mola-a lokako vilo. ⁷ Amina lokama niviki nene, la-aliki likimilo, 'Omasimini Kingdom nene mota o-alitokave.' ⁸ Laikimanene kivisi vegena kilimi zokalo, ito hele vegena kilimi otilo, ito halame neta (leprosi) gizale vegena kilimi lamana ilo, ito sikalahu golesa mina vegena ale ahulikitalo. Lekeza hanuva alinamo nenemu lekeza hanuva kimilo. ⁹ Gol gehani ito gehani neihe kekeki gasa goku gu eko aleko vamo. ¹⁰ Henoni gu eko voakago alemilo, ginegane neihe, sandal neihe, hanusagi nene keke alemilo. Hozalove hozalamini meina alinogoive. ¹¹ Ito apa napa mako netoka ito apa makotoka nivikima nene, lekelemo molative ve nene vitaka ilo, ai numukuko ni-iki ahulitata gamena okaoma nene ahulimiki vilo. ¹² Numuni makoku nitikima, nita vegena gemeseseka likitalo. ¹³ Ito numuku nia gevenalite likilimi aikau ikao manene, lekelitoka hulu nene kimilo. Ito numuni amelage likilimi numuku amagoma nene, hulu nene lekelito goha ino. ¹⁴ Ito gevena liki limiki vamake, ito lekeli gako gelemamo nene, amina numu nehe ito apa napa nehe. Ahuligiki niviki nene, liki gisaguti mumusopa usagama ziki ahuliki vilo. ¹⁵ Neza gako gihila-a nolokumuve, Omasi-mini goni o-aka gamena napalonene, gena napa napa alinigave Sodom apaki ito Gomorrah apaki alesi gena aviligeko alinogoive. ¹⁶ Anigalo, neisinene hela gala holuiku lama izama (sipsip) minioko no likimi suluve, laokago, lekelisi nene gosiha limo o-aka noi mogona aliki gele seketigi iniki neta lili-ilo, ito namama mini mogona aliki hokoliza amilo. ¹⁷ Gevena kumu gizapaiki minalo! Keza nene iki liki gizato alikiviki mono numuni agikau liki pili nigave. ¹⁸ Neni kumu nene, alika nene liki limiki viki gavanagi ito king-mini govisalo liki limiki vinigave, laiki lekelesi nene neni nuguliza iki, hetoka vetini kovogisaloki louto inigave. ¹⁹ Lekeli amina vetini kigizanigu milikao nene, lekeza lakagata gopa gelemilo. Nanave lituneliki, laimoazala, lita gako lekelitoka ano-goive. ²⁰ Nanamu, lekelisi gako liminigi ave ametipini sikalahu limo lekeli lekege-pauti gako lino goive. ²¹ Ito uvolaho nene agunala agizato aleko voko lovave kemekao apili helenikave, ito amelaho nene gipala alemo golesaive laokago izegipa- inite otiake ameipiki izoipiki nene kepele hilinigave. ²² Ito vegena mukilite nene, lekelikumu gosele kipilinogoive, nanamu neni nuguliza lekelito minokao. Laonoimozala alevole oko minative minova minova apa linigave. ²³ Imane apa napa likilimi golesa niagoma, golisi iki apa napa makotoka vilo, nanamu neza lamana nolokumuve, vemini izegipala atimo lekeza nene muki Israel apatoka vi asu-inamiko anogoive. ²⁴ Ito izegipala zuha-uti makolimo tisala avilegeko noamive, ito hozalove makolimo nene gizapavela avilegeko noamive. ²⁵ Izegipala zuhati nene tisa limini oko uto inogoive, ito hozalove gutinene gizapave laminoko uto inogoive. Ito amina miniki numuni amelahini Bezebul lamo, ito golesa inogoive nenemi aguliza iki numuni amelahinimu litamo! ²⁶ Laonomoazala lekelisi lekehele vizimino hitonoiti neta nene mino tolova amino goive, ito hala geneiti neta mino uto asu inogoive. ²⁷ Nana gako holugu gilini tamoma nene holisaka li-uto-ilo, ito musika liki lago gilinita gako numuni amupiloti gako napaguti li-uto-ilo. ²⁸ Lukugupe apili hilita vemu golisi amilo, sikalahuki ito lugupegi apele hilitive loku ai hamokumu golisi gililo. ²⁹ Nama koma lo-osita gehanilo (moni) ahulisa amave? Laonimoazala nama koma makola-a hele mitimo neve eza ameipo gelemigo. ³⁰ Ito ametipo muki gototini zopova gato asu onoive. ³¹ Lekeza lekesavize mino nanamule lekelisi nama koma lo-osii kiviligiki niave. ³² Nenikumu gevena kogovisalo li-uto itamo nene, neza nene amenehine agovisalo nene lo-uto inogouve, Okuluma apatoka noimo. ³³ Ito ve makolimo neni nuguliza ale halakitimo vegena kogovisalo, ito neza nene amenehini agovisalo aguliza ale hala inogouve. Okuluma apatoka noitoka. ³⁴ Neisi omonoumo nene hulu mikasiloka aleko omonamuve liki gelemilo. Neza hulu alekamuve, neisi lova amita aleko omonouve. ³⁵ Neisi omonoumo nene gipalamo amelahiki lova leta inigasive, ito moholamo nene izolahiki lova leta inigasive, ito anohuvolahiki avolahiki nene lova leta inigasive. ³⁶ Ve makolimini lova gala ve nene, ai numuku niavete lili inigave. ³⁷ Ito lekeza ametipinihe ito izotipinihe likigika kimi-iki, ito nenitoka koma nimitamo nene, neni izegipa zuha minamita moneve, ito gipalagi moholagi agika kemeoko neni koma nimitimo nene neni izegipa zuha mina minogoive. ³⁸ Ito ve makolimo zohota za ale oko nemegeta mitimo nene, neni izegipa zuha minami nogoive. ³⁹ Ve makolimo minoko alekola ale namana itimo nene alika toka nene mino gopa itimo neve. Laonomoza neni kumu geleoko minatimo nene, alika mino lamana inogoive. ⁴⁰ Ve makolimo lekeli alitimo nene neni ali nogoive, eza ve makolimo neni alitimo nene eza neni nimisili ve nene nalive. ⁴¹ Ito Ve makolimo Profet nasahili itimonene, Profeti-mini meinava-a alinogoive. Ito geleseketigi onoive nasahili itanimo nene, ai meinava-a ali nogane. ⁴² Ito ve makolimo geha nagami izegipa koma gihe kimitimo nene, meinava ali nogoive, nanamu izegipa komanene neni izegipa zuha minikave."