¹ Dao kinambi'o, tikeva kogano awamusa kina tapa tiumalipa, a-aluwage viyo,pigo tikeva kwana awamusa kinapa Goti tandisa vala kanaema etama-uma agaiyo,anaviye otamae, ivi kamana ugagame kinapa kogano bavindi ago wavita kalawe. ² Pila vikimikuna Goti'nda aogi Awamusa kina wambava Jisasi Kraisti-va Goti Anendenema pagusama ekita avikilune. ³ Pigo kogano awamusa oma Jisasi kava Goti anende nema kamba pagusama ikimipa, piyapa Kraisti'nda agwama gina, mamba bavindi amba avola kiye itamipa pigo amba avolae. ⁴ Inamu anende dembi'o, tikeva Goti kina tagu, pimba anava ago bema metave, anaviye otamae, tiumali pindi bimi kinambava mamba bavindi sanava ago bema metae. ⁵ piyapa ikeva mamba bavindisa kina kuna, pigo ikeva mamba bavindi-sana-oma kamana oiligina ikeva avima migagawe. ⁶ Takeva Goti kina biyombeka, pigo Goti aga-gagami kinamba-va kamana tepa avigagawe, pigo Goti kinaya biyeme biva kamana tepa kamba avigagawe. Pigo pimba kigetili akelasa kamana ikina Aogi Awamusa-ke avi kamana ikina awamusa keva bo-aga-gagawe. ⁷ Da'o kinambi'o, takeva tamesoga tavulusa tavuwamipa anaviye otamae, tavu wakinanava Goti tandisa kanatamikuna, pigo Goti anende bikimi bava Goti'pa ago agandembe kuna, avume-kinanava avola atagagae. ⁸ Goti-'va takekava avume gagamikuna, pigo kegavala avume-kinana kamba mikimipa, pigo akeva Goti'pa kamba agandiye. ⁹ Pigo Goti-va avumekina nawatasa ago paguta amba avolawa tamikuna, Goti'va aogandamu Anendewa Jisasi Kraisti aisagatagina mamba bivandi'va tumi tamipa, pigo aogima bikinana bekina pitae. ¹⁰ Pigo piya pitami anaomava Goti'nda avumekina nawapa amba avolawatae. Goti'ka tavume kinanva bukapa takeya pitaune. Kamba kuna, Goti'va buka tasapa takeka avuwama, pigo Anende'wa Jisasi Kraisti'pa aisagatagina kamba laga naleka tumba pu-wama tawimetae. ¹¹ Dao kinambi'o, pigo Goti takeka avume kimipa, pigo takeva kamba sapuma tame sogava tavumeyano. ¹² Kawinagava Goit'pa kamba aganda bekuna. Pigo tame soga tavu mekilombepa, Goti'va takege bikimi kuna, pigo avume kinanawapa takepindi mikiye. ¹³ Takeva akege etokamba biyombe-kuna, pigo akeva takepindi bimagina Aogi Awamusa kinapa tami gagae. ¹⁴ Pigo takeva agate pagusama, Goti Tavaleba'va Anendewa Jisasi Kraisti aisagatagina wa-wayapa tumba tawima tava metae. ¹⁵ Wa-wayamba Jisasi Kraisti'va Goti Anendenema pagusama ikimi bava, akeva Goti'ge etokamba biye kina Goti'va akege bikiye. ¹⁶ Goti'ta tauma aluwage vokana, avume kina nawapa take pindi bigagae. Goti'va takekava avuwaga-gami kuna, pigo kagavala avumekina navindi bikilambe'pa, Goti'va akega mikiye. ¹⁷ Pigo piya oma amitaka Kraisti'va takeka pagu amba avola watami kuna, pigo Goti kamana belatakina tave nuga amba avolakimi'pa, takepa kamba ulatakiye. Takeva mamba bimi sa-puma takeva Goti'ge ekalotamba biyeno. ¹⁸ Takeva Goti'ka tavu mema bikilombepa, akegava taekulu nava kamba pikilune, anaviye otamae, taekulu naoma kambalaga pulata sanagava, tavume kinana omava agaluva kalagagae. Goti'ka akuluwama bikilombe kinapa, Goti'nda auma manawa pindiva akeva kamba bikiye. ¹⁹ Bukatasapa Goti'va take kava avumetamika, pigo takeva Goti'kava tavu megagaune. ²⁰ Dakeva Goti'kava davu waema ite, pigo inamu kambaka kamba kavume kilambepa, piyapa kakegapa kavigai umeyane. ²¹ Pigo pilama bi-ise kamanawa Goti-tendisa beyom bepa pilamae, kegavala Goti-ka kavu meyambe unama gava inamu kamba kava kavu meyase.