¹ Pigo takeva Goti-nda avume kinana-wa, take pindi biye kinava Goti anende kae ulatakilawe, pila vimika Goti anende bindune. Piya oma amika, mamba bavindisa kinambiva ikeva kamba tagandawe, ana-viye otamae ikeva Gotipa kamba aganawe. ² Pila viyo danda-nemba'o, takeva Goti anende bindombekuna, aindiva pila ana puma avola kiyemaya kamba talasiye. Pigo Kraisti paguta kanakimi tapa, takeva a'olapa agate pigo ake kanda puwakilune. ³ Pila vimikuna wa-wayambi Kraisti agakilunema aepasa vugagame kinambiva, ikewipa aogima mimagini kamba aoginava kamba vuma, Kraisti bigaga mimba bikilune. ⁴ Kogano kinapa kamba lagana pugagame kuna, ikeva Goti kamana bema boe-galagagawe. ⁵ Pigo takeva pilage peno, Kraisti-va pagu kanatamipa kamba lagana begalate, pigo akewapa kamba aoginava kamba vugagae. ⁶ Kraistige ekalotamba bimi kinambava, kamba lagana va tova kamba pikiye, anaviye otama kamba aogina bugagami kinambiva Gotipa kamba aganiye. ⁷ Anende dembi'o, tikeva kawinapa a'atai-gina pilage nalipa amba ugasuwa pugalano, kegavala aogi namana puma bikilambe bagava, akevaKraisti bitamisapuma aogima bikilane. ⁸ Pigo kawina kamba-lagana pugaga mimbava Satani kina kuna, akeva kamba-laganava palipa pugagami kuna. Pigo piya oma amitaka, Goti Anendepa paguta kanatami kuna, Satani pugagami eliyapa kepugalatae. ⁹ Goti anende bisuma bimi kinambava kamba-laganava kamba-laganava tova kamba pikimikuna, anaviye otamae, Gotiva ago ikepa ikapume-tami kuna, pigo Goti kamanapa ike pindiva ago mindiye. ¹⁰ Pigo piya oma amika, Goti anende bisu veme kinapela Satani anende bisuveme kinapa paguta amba avolawakie. Kevala aovuloto ana kamba pikimi-bava, Goti-tandiva kamba kana kimi kuna, akeva inamu wamba kava kamba avume-gagae. ¹¹ Pigo tikeva ago palipa avi-tame kamana kuna, pigo kame kava kavu meyoma. ¹² Tikeva Keni kanda mava a-bi-se, akeva Sataninda kamba lagana pikinana alamba inamuwapa alugu kalatae. Anaviye otama inamuwapa alugu kalatae? Keni pitami eliya oamava kamba aogi pitagina, pigo Eboli pitami eliya omava aogi-lasa puwatagina, pigo pimba amitaka Ebolipa alugu kalatae. ¹³ Inamunde-bi'o, mamba bavindisa kinambi tikeka kamba avumeya kitiva, tikeva atalu pilatagenava a-pise. ¹⁴ Takeva pilge peno, pu-wakinana 'omanda esegina wapa ago bema metama taogama biyombepa, anaviye otamae, inamu tembi kava tavu megagom bekae. Kawina wasanaga avume kinana kamba pikimipa, akeva puwanda kina bisu pikiye. ¹⁵ Pigo kevala anamu wambaka kamba avumema mikimi bava, akeva alugu kalama puwanda kina bisu pikimi kuna, pigo tikeva pilage piyo, kevala wasana alugu kala gagami kinapa aogima asi-asima bikinanava kamba mekiye. ¹⁶ Kraistiva aumawapa itaugalama takepa ago ikapumetami kuna. Pigo takegeva tauma lepa itau galama wa-wayapa iyo beyano. ¹⁷ Kegavala atalu kutaka biye kina, pigo kawina'so pa, Gotinda avumekina nawapa tikepindiva aliya anama bikiye? ¹⁸ Pilaviyo inamu anende-dembi'o, takeva tawamu tasa manaya tavugane ite, kambakuna aoginamana puma bite, akelasa kamana uma bite pikilumbe kane. ¹⁹ Pigo piya oma amitaka takeva akelasa anamana pikina kinataguna, pigo takeva pilage'veno,taumalepa akage mindiyema. ²⁰ Pigo take-ao-vuloto ana kamba pikilumbe-pe, Goti Tavelembava tauma vindi vela polage-nale pindivela ago-bo agaglae. ²¹ Dadanemba-gio, tauma lepindi kambala gana kamba mikimipa, pigo takeva pule uma Goti auta uma avaluma biyeno. ²² Pigo Goti'ka kano anaga amakiga kilombe-pa, pigo take pilage pombepa pimba anava beki lune, anaviye otamae, pilama mi-ise kamana wapa alamba mite, pigo ake avimi ana puma bite puga komba kae. ²³ Pilama mi-ise kamana wapa pilamae, takeva taumalepa Anendewa Jisasi Keaisti-ta aluwagema mite, tamekava tavumema pila mi-ise kamanawa tami-tami sa'puma. ²⁴ Gotinda pilama mi-ise kamanawa alamba bikilambe unama gava, kakeva Gotike etokamba biye kana, Goti'va kakepindi bindiye. Pigo Aogi Awamusa kina tami-tami kuna, pigo akeva tauma lepindi mindiye.