¹ Pigo anende dembi'o, tikeva kamba aoginava a-piyoma mamba kamanapa kalama uliliwe. Kawina kamba-lagana pikimipa, pigo Gotinda avakwasa yagwala'va, Jisasi Kraistsi akelasa yagwala mindiye. ² Kraisti'va akewapa ami-galama kamba- lagana leka tumba pu-watami kuna, pigo Gotiva tawima tavameyanoma pitamipa, take ta-sa kaya pitae. Kogano mamba bavindisa wa-wayambika pitae. ³ Takeva pilavise kamawa aogima upevema alaga- kilombepa, pigo akegava ago agaunema pilage pikilune. ⁴ Dakeva Gotipa ago agandu-ema, kawina pilama-ite, pigo Gotinda pilavise kamana-wa kamba alamba bikimi bava, avi kamana ikimi kuna, pigo akelasa kamanapa ake pindiva kamba bindiye. ⁵ Pigo kevala Goti kamana avima alagakimi bava, pigo Gotinda ao-gina wapa ake pindi bikiye. Pila vekina, pigo akege eto kamba bi-unema pilage pikilune. ⁶ Kegavala Gotige ago ekalotamba biu-nema pilage pikilambe unamagava, pigo Jisasi mitam- imba bi-ise. ⁷ Dadanemba'o, pilama mi-ise kamana wapa tike tandiva asaya kalauwe. Kambae. Ago pali pilama mi-ise kamana-wapa ago avite, ago palisa kamana kuna ago avindame kamane. ⁸ Pila vimiku, pilama mi-ise kamana wapa asa tike tandi kalama aisagauwe, piyapa Kraisti tandisa kanamikuna, pigo tike tandi wae. Piyapa pilamae, tunu suwanda anava ago waga lagina pa-wanda ana ago avolawae. ⁹ Kegavala pa-wanda anali wauwema ite, pigo kanda gambaka kagwama latakilambe unamagava tunu anavindi misuma bikilane. ¹⁰ Pigo kegavala kanda-gambaka kavumema bikilambe unama gava, pigo pa-wanda anali bisu pikilambe kuna, pigo kamba aogina omava kamba abema be-katakiye. ¹¹ Pigo kegavala kanda-gambaka kamba aogina potakilambepa, pigo piyapa tunu anavindi bi-su pite, tunu anavinda dasisuma biyene. Piti wauwe mava kamba agane, anaviye otamae, tunu ana-oma kao-gaiva igasa wamikuna . ¹² Pigo mamba kamanapa anende kindu dembitandi kalama ai-sagauwe, Jisasi Kraisti agela Gotiva kamba lagana lipa ago beligalae. ¹³ Mamba kamanapa tike tava-valami tandi kalama ai-saga uwe, anaviye otamae, kwana yagwalava ago palipa bitaema pilage pemeka. Tike andama biti-tandiva ago kalama ai-saga tomeku, anaviye otamae, Satani-pa ago bema be-atatame-ku. ¹⁴ Pigo anende kindu de-bitandiva to-kalama ai-sagauwe, anaviye otamae, kwana yagwalava ago palipa bitaema pilage pemeka. Tike andama kindupa eseginali bimitapa, Goti kamanapa tike pindiva esegima biyeno, anaviye otamae, tikeva Satanipa ago bema betame kuna. ¹⁵ Pigo tikeva mamba bavindi-sanaga tivu-mesanava a-pise. Pigo kegavala mamba bavindi-sanaga kavu-wakimipa, pigo Gotikava kauma-gapindiva kamba kavumeyane. ¹⁶ Kogano mamba bavindisa nava pilamae, kaumaga pindi esali puma pikinanage, kao-siembana pikinanage, ka-sasa puwakinanage'va Tavalemba tandisaya kanae, piyapa bamba bavindisanae. ¹⁷ Pigo mamba bavindisa kamba laganava kogano pagi wakiye. Pila pikimi kuna, kegavala Goti avikimi ana puma bikilambe unamagava aogina biwakilane. ¹⁸ Anende dembi-o, iva-va alitalele duga guna pigo Kraistinda agwama gina kanawe kamanapa ago avemeku. Pigo ago amba avola'mekuna, pigo takeva alitalele dugaema bo-agakilune. ¹⁹ Ikeva takepa tatate watawe, ana-viye otamaeikeva take tao-kinayakuna, pigo ikeva take tao-kina sinda, ikeva takegeva bi-ye-sine. Pigo tatate bo-wagalata ganava take kina bisuva kamba pewe. ²⁰ Pigo tikeva Gotinda Aogi Awamusa kina wapa, tikege ago mindembe kuna, akelasa kamanapa tikege mindiye. ²¹ Ba-kalama aisagome kamanapa kamba avindawe maya. Pigo pilage piyo, akelasa kamana pindi'va avi-kamanapa kamba lasa bindiye. ²² Wanama Jisasi kava, Goti anende yane ikimi bava, akeva Kraisti-nda agwama gina kuna, piyaka pigo Goti-ke Jisasi-ke ageva kamba pagu sagagae. ²³ Jisasi'va Goti Anende nema pilage pite, pigo akwa amikimi bava Gotipa kamba agandiye. Kegavala Jisasika Goti Anendenema pagusama ikilambe bagava, pigo tagamba Gotipa ago agandawe. ²⁴ Tikeva pali avindame kamanapa, pilage nalipindi egema atama bi-ise. Pigo pali avitame kamana tikepindi egema bikimipa, pigo Jisasi Kraisti'ge Avawambage etokamba bikilawe. ²⁵ Ba-ege kamana ulilomepa, aogima asi-asima agola bikinana omaka uliluwe. ²⁶ Dakeva ege-vulitakina mamba kamanapa kalama ai-sagauwe, Kraisti-ta tiumali aluwage peme ana ugasuwapuli tasanaga kalama uliluwe. ²⁷ Tavelemba tandisa Aogi Awamusa-pa ago beyamekuna, ago tiuma lipindi bindiye, pila vimikuna wanama puli lenda ana pisa naga kamba tivi -kiye. Pigo aogi Awamusa kinamba aogima, ao- vuloto puma bikinanava puli lenda pugagami kuna, pigo avinava kamba pugagae, anavi-ye otamae akeva Kraisti-ge etokamba biki nanava ago puli lenda pimi kuna. ²⁸ Pika viyo anende-dembi-o, tikeva Kraisti-ge etokamba bikilame tapa, to-kanakimi tapa tanali susu anava kamba pinda egema bikilune. ²⁹ Tike-va ao-vuloti yagwalaema pilage vite, pigo kegavala ao-vuloto anamana piki lambepa, Goti anende biki lawe.