¹ Kegavala Jisasi'ta kaumaga aluwagema, akeva Kraistiema pilage pikilambepa, tikeva Goti anende bisuma bikilawe, pigo kegavala Avawambaka kavune-kilambe pa, pigo Anende wakegava kavu mekilane. ² Piya oma amika, kogano Goti anende kava tavuwagagae, Gotika tavumema akewa auma alaga kilombekae. ³ Takeva Gotika tavu mema akewa au-ma alagaune, anaviye otamae, ake au-ma alaga kina navindiva eseginava kamba mindiye . ⁴ Kogano wa-waya Goti kinandaema bieme kinambiva bamba bavindisa eseginava ago agasagalane. Jisasi Kraistinda esegina watasa bamba bavindisa eseginava bema betakilune. ⁵ Kega bamba bavindisa eseginava bema betakilane? Pigo kegavala Jisasi Kraistiva Goti anende nema balo agaveve bikilambe unamagae. ⁶ Takeva Jisasi Kraistika balopilage peno, pigo Gotiva bamba bavindi aisaga tagina tumi tami kuna, Gotiva wani tasa manaya Jisasipa talasitae, kambae, pigo wani tasage kola tasage. Gotinda Aogi Awamusa kina wambava Jisasiva Goti anendenema pagusa gagae. ⁷ Anaviye otamae kakaga naoma pagusama Jisasiva Goti akewa tandisa kanatae. ⁸ Gotinda Aogi Awamusa kina wana, pigo Joni Jisasi wani bemitamina, pigo Jisasi yala ima pulilagina kolawa tumitamine. Pigo kakaga naomava pagusama ulaliye, pigo Jisasiva Goti tandisa kana taema. ⁹ Pigo takeva wasanami kamana wapa pagusama egata avi gagombe ku, pigo Goti kamanapa tavewa kamana tasane. Anaviye otamae, Gotiva akewa pagusama Jisasi Kraisti kava anende tene itae. ¹⁰ Kegavala Goti Anende, Jisasi Kraistita kaumaga aluwage pembe una magava, Jisasi kava pagusa gagawe. Pilavimi kuna, kevala Goti kamanata aumawa kamba aluwage pimimbava pila ikiye, akeva avi kamana iye ikiye, anaviye otamae, ikeva Jisasiva Goti Anende nemava iumaipa kamba aluwage pinda mekuna. ¹¹ Pigo Goti kamana omava, aogima asiasima agola bikinana tamigagae. Kwana aogima asiasima bikinanava Jisasi Kraisti Anende wamba pindi bindiye. ¹² Kegavala Kraistige etokamba bikilambe bagava aogima asiasima bikinanava bekilane. ¹³ Mamba isa kalama aisago mepa, kegavala Jisasi Kraisti'va, Goti Anende nema kaumaga pindi pilage pikilambe unamagava, aogima asiasi agola bikinanave bekilawe. ¹⁴ Takeva pilage peno, anagavala ageuma amakiga kilombe anava, takeva pamba anava bekilune. ¹⁵ Goti'va amakigombe anava ago aviyema pilage pikilombe kava, anagavala amakiga kilombe anava, takeva pamba anava bekilune. ¹⁶ Pigo agagana kandagamba kamba aogina pekina, kwana kamba aoginaoma puwakinana auta kamba kanakinapa, pigo akeva pule uma Gotika amakiga-kina aobeyano. Dakeva kamba aoginaoma wasana alugu kalagina pu wagagami kaya suwe. Kakwaisa kamba aogina omava, pu wakina naomava avola gagamikuna, pigo piyaka pule iyo maya suwe. ¹⁷ Kagona kamba aoginava kamba laganaguna, pigo kakwaisa kamba aogina omava wasana puli kinanava kamba pikiye. ¹⁸ Tikeva pilagema agaiyo, kegavala Goti anende ana pikinava, kamba aoginava apiyo. Kegavala Goti anende bikilombepa, akeva alava pugata kimi kuna, Sataniva kamba laganava kamba pugatakiye. ¹⁹ Takeva pilageveno, takeva Goti tandisa kanatombe kuna, pigo Sataniva bamba bavindi alava pugagae. ²⁰ Pigo pilage peno, Gotinda aogandamu anendewa kanamagina aogi pilagena tami tamikuna, pigo pilagema Gotiva tagamba bindiye ikilune. Takeva Gotige tautepa etokamba bima, pigo anendewa Jisasi Kraistige bikilune. Akeve akelasa Goti guna, akeva aogima asiasima binana bekilune. ²¹ Anende kindu depa pagosa lasa aviginambage bindawe.