Sapta 4
1
Aindi pingawa ena oma akaiva, Nage, Joni nava, agatuwe amonda ganda ena agatopa inati mandalisa kave awiwataye. Pi ka kegaye utipa tave pikuli oma usu vutaye, ago ka yagalo kegaye uti ndagarama usu vutaye, nageka piya utaye, "mati iyo utaye! Nageva kayaki kuwe utaye aindi kanakivi ndanaga."
2
Avaga yenaga nageva napi gaituwe Anutu Spiriti oma aota puma nagokaye vutaye. piyavutagi agatopa siya kini manda gumati malo agatuwe, kana siya kini li malo agatopa ka yagara mala mima mitaye.
3
Aye aogangapa yewasa vuwama toma toma Jasipa yava ngama yewasa vuwaisa putaye to paviyama tete vuwama tete yava kaniliyani oma visa puma mitaye. Siya kini kive puma kova kova ayewa natipa asa vuwama yanda yava emerol kanda vuwataye.
4
Siya kini kive puma mitipa tuwenti fowa siyalo mitaye. Pi kana tuwenti fowa siya liva aoka aoka eliya ndakara mala mima mitaye. Kana yakarava tave lave gai vulite gini inotiva golilasa pumalanda hati pulitaye.
5
Kana siya kini lisava paki vaki vutagina tavela andalu andalu utaye. Siya kini oma aoliva seveniwa tosi gani ulavitaye, pipa alandana vutipa seveniwa spiriti Anutu ndaga vutaye.
6
Siya kini oma aoliva paviyama kayo wani mitipa glasi lasa pumalanda mitaye. Pipa tavela yewasa vuwamaye, pavi aoka oka fowa ngaukwai siya kini omapa pavita miyava kina mitaye. Kana aoka aoka aolive akaive aomana sawanda kinane.
7-
8
Amalusa ginapa laiyoni ganda ginane. Pitasa ginapa kao ganda ginane. pita to ka ginapa aowaliva wasana ganda vunda kinane. Pigo taraye taraye kinapa tave tiyo kanda gina palataye. Kana pi kaga fowa kinapa sikisiwa igaga minda kinane. Pingawa agaga pindiva aomana sawanda neiye avovolive amenda ive. Alape asekape asi asima piya ugaga iye: "Holi, Holi, Holi tave Anutu, kevaya kaga aukwai inata taka kavindine. Ayeva asa kaga yaga migagaine, kevaya ma ivaba mindi kana, pavi kevaya kaga yagava miwakiye."
9-
10
Kana pavi kinamiva age inata pute, amenda puma mite, aisa kamana uma siya kini la mala mi-i ndagaraga uma migagaye, pi aye asa asi asima migagaye. kaga yaga piya veganava, mo tuwenti fowa ndakara miva mavindi palokaye wama awaga ugagaye siya kini la mi-i ndagaraga. Igeva alotu uma age inata pugagaye kaga yaga asi asima. Inotisa goli hati wipa akuvuma siya kini oma aoli malo atama piya ugagaye:
11
"Tayenda tavelene Anutu, Kayeva aogi vuwanda yagara gaye kaga kinamiva kage mema inata pikiveye; Kayeva aogi vuwanda yagara gaye kayeka amenda pikiveye; kayeva aogi vuwanda yagara gaye kaga kinamiva kayeka kagavebe vute kayega kasa esegi yagara gaye. Pipa nana viyemaye kaye kasa kaga enava pumala tambene. Meva pumava, kaye vumala tambene kaga kinapa paviyamba miyava mi-iyoma, Kaye vuitatambe kana; atutiva, pigo igeva milite waye."