¹ "Ma kamanapa kayeyo angelo kavi-itai imatiti kina siti vindi Sadisi miyeta. Nageva piya uwe pindana gava kayekava. Nage nasa ulunduwe seveniwa spiriti Anutu nda seveniwa noli gema. Nageva ago kaganduwe kagaena kaye pembe ndanava. kayeva nogama mikuwema kanane, piya vembepa kambaya ago puwane. ² Agabavo! Meva puma eliyapa punato, o kaye nana eliya puga sambepa amba ugasuga vuwakiya. Kayeva aogima eliyapo nanaviyema Anutu nemba kagaipa kamba eliyapa puyendana. ³ Piyaviya, aogima napiyo Anutu kamana kava taga kamana kwaka avitambeka amalu. kaga yagava aogima avite kaka amo agunda ena pai pugagambe kava. Kaye viya kamba vikibembe kava, Nageva kanakuwe kaye neka kamba napiki vembe ngavala, paviyama ku kina kanai sapuma. Kayeva kamba agama napi kivene nana yagavaya kanama koti enava amba vunata kiyemava. ⁴ Pipa atama, kayeva kaisa imatiti kinapa siti vindi Sadisiva mindaye kamba pagapama ena vunda kinapa. Paviyama iyutasa ena iti kamba inipana pana punda kina keva. Pina atutiva, Ige aogima nagege mikive kava , igeva mikiveye nagege igeva aogima ewasa vuwakiveye kaga aukwaiva, paviyama wasami tave lave iyutasa ena vulesa puma. ⁵ Pi kegivaya Satani winimi pikivekava nayeva tavelave gailasa iyutasa enava poitakuwe kamasa puma. Nageva kamba laka igeva asuwanda pugaikuwe asiasima mikena buku vindisava paviyama kaisa ginamike ige mindi pindisava. pikava, Nageva igepa igavebema igakuwe navanemba agisa vindi mindigipa angelo omake igeva nagenda gana. ⁶ Kaga kina kevaya napima aogima avibeve vikibe kinapa kamana Anutu Spiriti oma isapuma kaga imatiti kina akima mikive pindi." ⁷ Kayeyo ma ngisapa angelo mindi akima miye imatiti kina pindi Piladelpiya isa siti vindi: 'Nageva piyauwe kayekava. Nage nasa Holima yewasa yagara naye, Tagamba ndaye. Paviyama Kini Deviti esegi namba mema kavi- itati wawaya asu ivinda iyoma Jerusalemi siti vindi, Paviyama nagelova esegi enane tasa itakini asu ivinda kiveye nage kindomu vindiva. Nage nasa kave aigikena yagarava minduwe, piyavekana to ka yagara mava kamba akunikiye, to akumba lakuwopa ka yagara mava kambalo aigikiye. ⁸ Nageva ago aganduwe kaga ena kaye puga gambepa. Aogimaye nage kayendaga kave aimala kuwopa ka yagara mava kamba akuni kivino. Nageva agopa paviyama kayeva amana ngesegi enandoga mindiya, kayeva ago avena nanaye vaya nage yopa, kayeva avitegina naye kava kamba kakana kamatiti enagapa. ⁹ Aogimaye! Nage nayekulu vuwa kaisa gina kaye pindisa uma akimalo agaluvaya Satani. Igewipa uma yeye Juda ginatayema, piya yepa igeva kamba tagamba Juda ginapiya. Igeva kambari seya. Nageva igokaye vekana igepa kayeti kanakiveya amba ilaka vima iyuma wipa mema mala atama kagaki veya nage kayeka navuwo ndanava. ¹⁰ Pipa nana viyemaye, kayeva kamana nage yokamanapa avene nage piyavo mayavo yopa kavuki vaki ena vindiba walindana, Nageva aogima katama mikuwe kawima pi kevaya amba ataka vugatakina nage kamana kamba avisana gava. Igeva avaga enaga kaga kina pindiva pikiveye kaga aukwai. ¹¹ Nageva avaga kanakuwone. Piya vukuwa evi evimavo nanaye vaya ugamuto ndanava, mo ugamosa puma a atagana ka yagara mava kagokaye veno Anutu kamikena katandi apeka iteta gai kivembene. ¹² Nageva aogi poitakuwa kegi vaya Satani winimi votekinapa. Igeva asima esegi vikibeya tave alotu nama Anutu nemba ndama wayega gandama,piyavekini igeva mikiveya asiasima. Nageva ala poitakuwa Anutu nemba agelasa siti vindi ikiveka, aoso Jerusalemi vindi, Siti vindi ikiveka inatisa gumati Anutu mi-iti. Nagelova paviyama ala poitakuwe nagene nagelasage, iyakikuwa tigeva nayenda layema. ¹³ Kaga kina miva napima aogima aviyo kamana Anutu Spiriti oma ikamana akima imatiti kina miye pindiva." ¹⁴ Kayeyo ma kamanapa angelo mindita akima imatiti kina miyeta Leodisiya: 'Nageva piya kamana suwe. Nageva nasane kenavaya kaga kamana Anutu promisi vugainda ena mema kamo. Nageye nasa kenavaya Anutu mema paguta atama kaukapa ayeta agevoma kayakivo.Nageva kaviuwe kaga ena Anutu pumalati ndanala. ¹⁵ Nageva ago kagauwe kaga ena vembe ndanava: Kayeva naye nageva kamba kakambe kana naye pindi kamatiti pene, piya vembepa igomatapa naye kava kamba kavuwaye. Kayeva wani ngama pisapuma tani vusuwo mumu pusuwama mi- isamba miyenema. Nage napiyopa paviyamba tani puwo mumu puwoma miyenema! ¹⁶ Pipa pavigo tani puwo mumu puwo maga miyenema, piyaveka nageva pavigo naka gamikena vuwe, paviyama nageva naisa mumu puwanda wani nawamu pindisa tipugata kena vuwe. ¹⁷ Kayeva piya ene, 'Nageva mone kina ndayema igoma ngaukwaisa kotapa meuwema. kamba kavona vuwema!' piya yembepa kamba pilage vene kayeva igoma ngaukwai kavona vuwane. Kayeva piyamba wasanami tavela kamba lagama akasava wesapuma kandara ena vindi mima, kavona vuma, kaolike wama, kauka taka miyene. ¹⁸ Nageva kaunana uwe to mekanama nagetisa kavona vikivembe ndanava ambeyoma, paviyama to nagetisa ika pusuma aogi goli mesu vikivembepa pigo tagamba igoma moneka misu kinapa mikivene. Nataga aogi gina ndana vugatano, paviyama nayetisa tave lave gai ikapega pugatano kauka mima kani pusanagava. Nataga kaopeno napiyoma taga ena vindi, nayetisa ika pusu vega kaova aogi vugatano kao kamba aogi vuwakibi kava. ¹⁹ Pindaga nage iyomana suma aogi voitato mo kaisa navuwave ndakara, kanda awema kamba laga ena vindisa kanatambe. ²⁰ Aogima kavima mi-iyo nageva kaoka kaoka kage uwe kageta kayema avoma piyamba nage asima mima kavela ayegu ekanapa. Nageva kanakuwe kegavaya avite kamana nde, kave ainata kivembepa, naka pindiva ikuwe. Nageva imagi kayege asumikuwe kaokina mage mima naninda nambesa puma. ²¹ Nageva tivama kaga kina kegavaya winimi vikibembe Satani, tivabekili kavi kiveye kaga kinata nagege siya kini neta mima, paviyama nage Satani winimi votategi navanemba siyala miyosa puma. ²² Kaga kina napienawa miyekanava aogima avikiye kamana Anutu Spiriti oma ikamanapa akima miye kaga imatiti kina pindi.