¹ Kayeyo ma kamanape mo aki gina pindi angelo mindi imatiti kinamige Efesasi siti vindi: Kawina ayapindi seveniwa noli ulindi aya takandisa aukwai, pi kawina nasinasipi ika pindi seveniwa goli lasa agisa ena vumalanda alamu atakena ayeva piya utaye; ² Nayeva ago agauwe utaye kaga ena pembe ndanava. Nayeva ago agauwe utaye kaga esegi eliya pembepa nayendaga. Nayeva ago kagauwe utaye kaumaga mema mala atama pi esegi enavindi wambepa ,Nayeva paviyamalo ago agauwe utaye ugasuga poitambepa kamba aogi gina, piyavute iviga kamanapa ene kana kina imatiti pekava, pipa kayeva ago agane kaisa kevaya ugamba ige umeye kina aposeli nayema, pipa kambaye. ³ Nayeva paviyama ago kagauwe pavipndi kaumaga mema mala atama kamatiti pembe kavuki vaki enavindi evi evima naye ngeliya pembeka asima esegi vulindana. Paviyama wasanama piyamaya uma kavuki vaki enala ayegatai nage nagalu vambeka. Kayeva evi evima naye ngeliyapa alaku vebema kamana ndepa alakulene paviyama esegi vuwai pindiva. Kayeva kamba itetagaite kamba lakulene, paviyama kaga ena oma esegi vuwai pindiva. ⁴ Ayelana ato, kayeva ago pugasana pagapama enava: Kayeva togeya kavuwa kenanaga towina kayo nage kayoma amalu kanatambe ndaga kauma nageti atatambe, kambalo amalu putambesa ndanava kavuwa kenanava naye pindiva kamba mindiye ivaba. ⁵ Piyaviya, Nageva ugamuwe to napilage vuma ayamba paya kavuwa tambena amalu putambesavo. To nayeka kavuwo amalu putambesa puma, Kamba piya vikivembe kava, Nayeva kanata magi alamu ambema meva pugai kuwe piya vekana tova nage kinapa kamba mikivene agola. ⁶ Piyavipa kayeva ka enava ago aogima pena: Pi Nikolaitansi, wasanama kevayai kayeva uga alotu uma awaga ikivenei kambari gotika voma kau alilaka___kayeva kakasiya voto nanavaya vembepa, paviyama nage nakasiya voto sapuma. ⁷ Kaga kevaya napilage vute nage kamana avikibi aogima Anutu Spiriti oma ikivi kamana wawaya kaga akima mikivi pindi. kana kamanapa piyambane: Nageva atakana mo asu winimi vute nakena yamana amekana nate asiasima mikiye, ya mo Anutu nguga vindi mindi nda." ⁸ " Ma kamanapa kayeyo angelo mindita imatiti kina miyeta Seminai: ' Nage pikamana ugamuwe kayeka. Nageva amalundaye, Nage nasa kaga ena avola toka to atuti minduwema, kaga ena vuma atuta mengatato. Nage nasa puwatoka to nogama minduwe. ⁹ Nageva ago kagauwe ayambaya kavuki vaki vembepa. Nageva ago kagauwe ayambaya kavona enava venema kaga enagava (piyavipa kayeva igoma ndana vindi asiasima mindane kamba megagai kenana vindi). Kayeva ago agandane ayamavaya wasana mava kamba laga kamanapa ugatama kunda enava kamiya Kraisti agalu vambekava. Mo Juda gina ( kamba ayetaka Juda viya) kamba laga pugatama kunda ena kami kina kauwe, igeva pavitu pindi akivuta nase satani kinane, kamba akivuta naseya Anutu kina migeva. ¹⁰ Kayeva a kaye kuruvo nanavaya kaye kavuki vaki ena vugatakena kanakivi kava. Pi taga kamanapa sataniva avama kaisa kina igana vindi itakenaga viya, piyavipa kaye kundaenala ayegata kena ayengavala paya katama ataka vugatakena ayamba paya kamatiti pena suma. Piyavipa uga avagaka kavuki vaki vikiya. Evi evima kaumagapa naye pindi ma atama miyo, paviyama kayepa kayegu kiveye mo naye pindi kaumaga ma atambeka. Nayeva kayetaka atakuwe kundaena kanota pipa amandana asiasima mekenana meki vembeka winimi vutegina. ¹¹ Aogima avo kamana Anutu Spiriti oma ikivi akima imatiti kina kaga mikive pindi. Kaga kevaya winimi vikibi kinapa to tara lapa kamba pulikiveye." ¹² Mangisapa kayeyo angelo mindi akima imatiti kina miyeta Pegamamu: 'Nage ma kamanapa ugamuwe. Nage nasa naya pindi yogi mindiye tara aukwai awana wanda yogi. ¹³ Ago Nayeva agauwe satani nda esegi enawa minditi esegima kaga aukwai eliya puma miyegi. Nayeva agolo agauwe kayeva asima esegima kamatiti pembepa, piyavute kayeva upevema nanavaya nage navuwati ndana tave ena nage agondanava. Paviyama igeva eliya kinandepa ayegutaye aumawa mala atama eliya pugagai ndagara Antipasipa, Ayeva evi evima oimi gagaye nayeva kena vayaya igendagava nanavaya pugagauwa sumava. ¹⁴ Pigo, Piyavipa, Nayeva to kaisa enalo agauwe kaye nanavaya vembe kamana yekana pi ndama ambema kamana avembe amba walalo vugatakena vipa. Kaye kaisa gina atakana kayega kinami poiyakeye pai Balamu poiyakiti sapuma. Ayeva poyakitine Balakipa naninda nanoma kamba laga gotita ofa vunda naninda nate kupiyo enage iyutasa kamba laga ena pugage ndanage Anutu kinami piyoma. ¹⁵ Pingaukwai, kayeva itakini kayenda kaisa ginakapa atakama veye Nikolaitanisi poiyaki tisapuma, pi iyunkwi tasa pugage kamba laga enava peye, ayene, tagane, pipa kamba vunda enaye. ¹⁶ Pindana lakulo awevo kaye nasembeki, o nayeva avaga kanakuwe yendana nayeva kanama kama ena amba vukuwe nawamu pindisa yogitasa, Anutu kamana tasa gauwe. ¹⁷ Aogima avo kamana Anutu Spiriti oma ikamanaka akima imatiti kina miyeta. Kevaya winimi vikibi kinapa, nayeva imukuwe kakama mindi mana naninda, pinava kagayepa katama kayambuva esegi pugatakiye. Nayeva paviyama tavelave yavapa amukuwe, piyavutegi ageva aoso ngagi amukuwe, pi amukuwo ngagiva ayewake nageneke agakuse." ¹⁸ Kayeyo ma kamanapa angelo mindi akima imatiti kina miyeta Taitara isa siti vindi: 'Nage, Anutu ndagara naye, kenavaya naovindiva kane yewasa vuma yaku abusa lama miyo kenavaya me nagisaliva kane yewasa vuma yewala puwama bronisi oma visa puma miyo, pi ndagara manava piya uwe. ¹⁹ Nayeva kagauwe kaga aogiena vembepa. Nayeva ago kagauwe kaye nayeka kavuwate me kaisa ginaka kavuwate vembepa, piyavundana kaumaga naye pindi atambe kegava. Nayeva kagauwe kaisa gina aopundana asima esegima igoma kundaena vindi asima esegi vembekava. Nayeva kagauwe kaye vembe ndanava meva puma ma iva vembe kava pai putambe agasima. ²⁰ Ayelana ato, kayeva pagapama ena pugasana: Kayeva ago agasana pi ngkwe tigeke kaga wawaya miye pindi pi kamba laga we kuwini Jesibeli miti paitaka. Aye pi ngkwe piya utaye propesi wendayema. Ayamaye, pipa ayeva paviyamba poiyakitine, ayeva naye ngeliya kinapa kambari kamana oigaitine. Ayeva piyamba oigaitine iyutasa pugage kupiyo enava pute naninda kambari gotika ofa vunda nanindava nate viyoma. ²¹ Piyavipa Nayeva ayepa kuna amigaituwe pindawa pindisava awe venoma, piyavutopa ayeva minasa nagava kamba aviye. ²² Atutisa enava, Nayeva kundaena atakana aiyena avikiye. Nayeva paviyama kamasa poitakuwe mo kegivaya ayege kamasa ndana pikive kinapa yukisanava tavela mekiveye, ige kamba gainda evi evima pikive kava. ²³ Kaisava pavi aye visapuma yagara wambi vesandanalo paviyambato poiyakiye, piyaveka pavigo nayeva iyegu yegaikuwe. Piya vekana kaga akima imatiti puma miye kinamiva pitasa agakiveye naye nasa aguyosama nanavaya vendanave napiye ndanave agavena suma. Nayeva apepa imukuwe mo nanavaya pekanala uma mema. ²⁴ Pigoya nageti kaisa aogi ena mindi ikena vuwa kaisa timatiti kina miye siti vindi Taitara. Pipa aogi vikiya kamba mekibe kava pi pagapama ena. Pikeva aogi vikiya tika amigai kivekava pi kaisa ginami kambari ndana poiyakita nase kinami 'kakama ena atakama vuta' nase kina satani poiya kegini. Nageva kamba kunda enava kamukuwe piyayema kaisa kamana tasava. ²⁵ Uga pavigo kamatiti puma miyo evi evima asima esegima kamanapa avima agaluvo avaga nayeva kanakuwa ²⁶ Pigo mo kaisa ginami satani winimi votategini evi evima vutawe nanavaya nage poiyako ndana agaluvata uma vulikibepa, Nageva esegiena imekini igeva kaisa ginatapa ayeva mikiveye. ²⁷ Igeva esegiena melima igokaye vikibeye ayeni akala iya uma asisuma. Igeva kamba aogienava mema ugasuga vugai kiveye me kaumba lasa pumalanda tini iwapu gasesa pumava. ²⁸ Pindana vukuwopa navanemba esegiena namiti tasa vukuwe, piyavutegi Nageva imukuwe avayasa noli mo kaisa nagege kavikibe kinapa, piyavute gita tave tamuena vukune wini vukunombe kava. ²⁹ Kevaya agama napikenava aogima agama avima kamana Anutu spiriti oma isapuma imatiti kina akima mikive pindi kaga."