¹ Nayeva agatuwe ka yaga alila kayetama kibalu maland ayataka ndisa aukwai kana siya kini la mala mima miti ndagarama. Kana yaga alila kayetama kibalu malandapa kamanapa aveibe andavindibe kaye malandane, kana esegi ena amunga silim potatipa seveni watasa silim potataye. ² Pigo nage agatopa esegi angelo kamana otatipa tave kamana pindisa utaye, "Pindagara kevaya aogi vuwanda yagarama kana ma sili yaga alila kaye malandapa apakonda atama kana pikenana pikiyema. ³ Pigo kanaena isukenava mandalisa ginamayo, mamba vindisa ginamayo, manda pindisa ginamayo mava, kamba atasivama nanavaya kaye malandiye mava kamba agakenaye. ⁴ Nageva tavela ayeuma kuwe atatuwe ka aogimava ke mindi kana piya enava pikiyema. ⁵ Piyavuto gana ka eliya ndagarama piya unamitaye,"A kuwetoma yayelotapa! agoma, ka yagara age unda Laiyoni yema Juda lupindisa, kevaya ayavama Kini Deviti nda, ayeva ago Satani va ayemita pugaiti! Pina atutiva, ayeva kanara aogi vundiyema kana seveniwa sili yaga alila potanda akosama aigikenava." ⁶ Piyavutagi nageva agatuwe ka sipsip awalo asima miti akapindi fowa kina ke tave gina mite siya kini kivepuma. Paviyama ayeva miti mbapa, ayeva abuyaga mitaye kaisa ginami ayegunda. Ayeva seveniwa kao oma awa minda kana, ayeva sevseniwa aolo mite vundipa seveniwa spiriti Anutu nda gana Anutu aisaga tagina kaga aukwai wanoma. ⁷ Pigo sipsip awalo mava kanama kana yaga alila kayetama kivalu atandapa aya takandi siya kini li mala mima mititasa ambetaye ⁸ Kana aye yaga alila kaye malanda ambetipa, fowa kinake tuwenti fowa tave ginakeva yaga yaga pulite agisa vindi wataye. Ige iyoka iyokava pukakina aga ikenanava ulite, igeva goli lasa pumalanda iwale vindiva aogi agunda ena awagitalite, pika amandana putipa pure Anutu kinami ugageka vutaye. ⁹ Kana pi fowa kinake pi tuwenti fowa kina migeva ini utaye iye aoso ngini. Igeva piya ini utaye iye: Kayeva aogi yagara gagana yaga alila kaye malandapa aigi kivenema sili lasa pugaindapa pipa kayepa kayegu gaitegana puwatane, piyavutegana kayeva iwima wawayapa Anutu ndaga ivabutane kaga tupindisa, kaga ngau menda pindisa, kaga kamana pindisa gema, kaga kina, kaga ngaki kina pindi pulitindana koraka alimala tambe. ¹⁰ Kayeva igokaye vumala tambe pikina kanama taye Anuu kavilatai ayenda pristi gina mima awaga yombe; Ige pikinapa kavikibeye mamba vindigeva." ¹¹ Pigo Nageva pavita agavama mitotisa, Nageva avituwe ka kigaye uti igoma angelo gina kive puma siya kini ge mo pavita migage kinake pi tave eliya kinakeva. Pipa miliyoni ginane, pipa igoma kina taka kana kamba wasana mava isukena mane. ¹² Igeva ini utepa tavelasa utaye: Sipsip awalo ige ayegugai tenema___ayetaka tagane tayeva age mema inata pukune esegi enawaka, aogi gutangaka, napienawaka, ayambu enawakama. Pipa tagane kaga poitati kinakeva aye amenda putegita age mema inata pukune!" ¹³ Pigo Nageva avituwe kaga kinama manda guma tisage mamba vindisage mamba amenda pindisage kayo wani pindisage utepa, "Tageva asiasima awaga yenoma, amenda pute, tave agi mema inata pukune pika siya kini la mindi sipsip awalo gava. Pigo igeva kaviki veye ayege esegi enawa pindi asiasima! " ¹⁴ Pi fowa migage kina miva piya utaye, " Paviya vikiyema!" Pigo ige tuwenti fowa kina miva mavindi yaga yaga puma awaga utaye Anutu ke sipsip awalo gegava.