¹ Pindaga Isu amutisa lumitagina, igoma wawayapa agaluvata wataye. ² Piya vutegana pigo, ka yagara alepa aiyena avuwanda kanama amba alaka vite piya utaye." Tave yagara, kaye kaumaye yekanapa, pigoya kaeva mema tave lave vunatoma." ³ Isu va aya mesu asagayoma malo alakulite omitaye," Nageva nauma lasa paviya vugata kena vuwema, pama iva aogi vuwo omitaye, " Avaga enaga alepa aiyena wapa atate wagai tagina ageva ano kanara puwataye. ⁴ Isu va piya omitaye," Kaeva ka kamanapa a yoma ka yagara gava. Kaeva wamagina prisi yagara mati ofa ga uma voma pai Mosese ugamiti sapuma, paviyama piya ena vunataye gamana ngoma aindiva igetiva wakiyema. ⁵ Pigo Isu va wataye Kapaneamu, ka komanda yagara ile gina minda kanama amba avigataye ageka. ⁶ Pigo ageva piya omitaye," Tave yagara, ka eliya ndagarane aupindi tani puwama kavagina avana gina tavela yaguma awita mindi yema namapindi," ⁷ Isu va age kava omitaye," Nageva kanama aiyena wapa amba aogi votaku wema. ⁸ Pi kana ami lisa komanda yagara mava awema piya omitaye," Tave yagara, nageva aogi yagara naya kana kamba namande pindiva kana kivenema, pamatasa kamana malo otagana eliya ndagara nepa aogi vuwano omitaye ⁹ Pipa nana viemaye, nagenepa tave nagi minda yagara nayema, nageva piya maga ami ginande mindega igeta ayeva migaga uwema, nageva oimigaga uwema ka ami yagaraga pita wo yoganava pavigo avite wagaga yema, pigoya to ka yagaraga mati kano yoganava pavigo kana gaga yema. ¹⁰ Isu va pi kamana avite ginava, ageva amu putaye tavela piya vute wawaya agalu vata wate kinakava piya oimitaye,' Tagamba taka, nageva ulimu wema, nageva kambaka agaga uwema piyama amatiti punda kinapa ma Israeli gina pindiva. ¹¹ Nageva ulimuwe tigeka, igoma kina wawayapa kana gana viki veyema pa i-itisave pa mo lumiti save mala mima minakena Abramu ge Aisaki ge Jekopi gema kindomu vindi inatisa gumativa. ¹² Pigo igeva isaga yoma mome vugai kiveye kaga kina kindomu vindisava, pipindiva tavela ase uma tunu suwanda pindi, igeva pipindi sava kuwe atate iwala upavama kinani siki veye. ¹³ Isu va omitaye pi komanda yagara amilisa gava," Kaeva pigo wo omitaye! Nana gavaya kamatiti pembe ndanava, kanara puma avola kiya,' Piya utagina pi kana eliya ndagara wapa pavi omiti ngavala aogi vuwataye. ¹⁴ Pavi ngavala Isu va Pita ndama pindi itaye, aeva ima asu agatipa Pita ngema anowambava aiyena avuma mitagina, awu yaku tama aiyena avutagina awita mitaye. ¹⁵ Isu va ayata malo ulitagina pavi ngavala aiyenava avaga ata wataye. Piya vutagina ageva ano mesu asilite wama naninda kaoputaye Isu kindaga. ¹⁶ Pigo atami sataginava, wawaya miva igoma kina kamba lataga spiriti indavindi minda kinapa ivabute Isu ti kanataye. Ageva kaga kamba lataga spiriti mindapa agalu vate vutaye kamana tasa, piya vute aiyena ivunda kinapa aogi voitate vutaye. ¹⁷ Ivaba pavi kitasaga, pavigo aeva amba kanara putaya nanaye vaya profeti aisaiya ugaindi ndana," Agewa tage kunda melima aiyena lepa melagaite kunda enalepa kaga melagaite vutaye. ¹⁸ Pindagava Isu va agatipa igoma wawayapa amba agive putegana, ageva pavita itategina malo ngaukwai Galili kayo wani ngamapa awali wagai taye. ¹⁹ Piya vutagina ka yagara kanataye alo gamana pindi aganda yagara, aeva kanate piya utaye," Tisa, nageva kagalu vakuwema omitaye ayeta paya wakivembe tiva." ²⁰ Isu va agekava omitine," Ige kavu gala miva yaba ngawa vindi iwiva wigagaya, pigo ige kavala ngomava inati pamete nasigate giniva ina pindi iwiva uwigaga yema, pigoya wama ndagarava nama ngapa kamba mindi yema age awike nanava. ²¹ Ka eliya ndagara wapindi salo mesu asima piya utaye," Tave yagara, nataga nageva wama navanemba kava uma agategi aindiva me kananoma." ²² Pigo Isu va omitaye piyamba," Kaite gina amba nagaluvo omitaye, atagana pulinda kinama agewa pulinda kinapa kaima miyenoma. ²³ Pavi ngavalapa Isu va wowale vindi asu vayoputaye, kaga eliya ndakara wapa asu vayopute putaye wowale vindi. ²⁴ Pavigo avaga enaga, tave iguguyake kage vutaye kayo wani pindi, piya vutagina kayo wani ngama wowaleva ilalike wataye, piya vutipa Isu va aeva awiwa tikaye. ²⁵ Pigo ige eliya ndakara kanama amba apage pute utaye," Tave yagara oma taopo utaye, tageva pavigo pulikena vunema. ²⁶ Isu va piya oimitaye, tigeva nanaga tiyekuru veyema,timatiti pendanava amana ando lakanoma a? ,"Piya ute pigo iguguya kava omite kayo wani kava omite vutaye pavigoya ayoma mala tumisoma, piya utagina kaga ena omava melu mala putaye. ²⁷ Ige pi ndakara miva imupute utaye," pipa aeva nana yagaara gana iguguya ngomage kayo wani ngoma geva aye ikamanapa avesema?" ²⁸ Pigo Isu va kanama kanataye to ka aukwai amana teseni gumata Kadarinisi yema, tara yagara lala kamba laga spiriti minda tara amba pavu isitatiye aeva. Isigeva mekana tase wasana alu vindisa tasigega mindusema inata nasite kamba lataga gamana uma mitase, piya ute ginisi makitiva wasanava kamba ganate wate vikibe kala yema. ²⁹ Pigo, isigeva kegaye uma piya utase," Tasigeva nana kagepa pugata usema, Anutu ndagara va? Kaeva mata kanambepa kamba aogi vulasi takena kanane, tasige ndagava kamba gana ndiya?" ³⁰ Kana pingau kwaiva, pagasa laka nane, ma yaga ndaga igayena nama mitepa. ³¹ Kaga kamba laga spiriti omava eliya puma mimagini Isu kava piya omitaye,"Pigoya kage tagaluva ndanapa, tagalu voma male yaga ndaga vindi," ³² Isu va utaye, kanama atawa iyoma!" Kamba laga spiriti omava mo tara vindisa ilosa mete yaga ndaga vindi wataye. Pigo mo kaga yagava pigosu mete watepa kaga kayo wani pindi uma naisuma puye wataye. ³³ Ige kana yagala kavi gage kinapa iyegaka teseni gumati wama uma pagusa taye kaga ena vuti ndana gava. pipa nana viemaye pindana vutipa tara yagara lalava kamba laga spiriti omaisinda vindi pume wanda tara gana. ³⁴ Pigoya kaga wawayapa pi teseni vindisa ginapa wawama Isu uma avigataye mamba lasava atate gina wagasoma.