¹ Isu va ka wowale vindi asu payo putine, ageva wama tave teseni gumati wataye. ² Agao, kaisa gina mika aiyena yagara wasilite kanataye Isu ti. Pi ndagarava aiyena wapa ayambu vindisa aiyena avunda yagara gana. Isu va imatiti enawika agate gina pi aiyena yagara gava omitine," Yagara ndo kamupo nana viemaye, aiyena gapa ago megaga suwe omitaye. ³ Agao, kaisa alo vugage kinamilo igewi piya utaye, Ma ndagara mava ageva eliya puma mima Anutu ka akaya suma miyema." ⁴ Isu va ige ndapi ena vindiba ago agagaite gina aeva piya utaye," Aya vika tigeva kamba lataga napi enava peye utaye tinda vindiba? ⁵ Ayambato ayoma gamanapa ikenaye utaye," Nage agunda enagapa ago megaga suwa wo omikena yo o pavigoya asilite wo omikenava? ⁶ Pigoya tigeva aogima agavebe viyo piyamba wama ndagara mava tave esegi enawa mindiyema,mamba vindisa agunda enawi meigai kena kaga kina manda,..." Isu va pi aiyena yagara gava piya omitine," Asiyoma, amaka melite gina namakati wo omitaye. ⁷ Pi kana aiyena yagarava asilite nama ngawati wataye. ⁸ Pigo kaga wawaya miva agate, kaga kina miva agate pami ndami vute Anutu age mema inata putaye, nana viemaye, ageva kaga tave esegi enawapa amiyema wasana miva piya utaye. ⁹ Pigo Isu va pinga kwaiva atate wataye, ageva watiti uma agatine. Pindagarava mala mima mitine takisi mone megage kinami ndama vindi. Isu va piya omitine; Kanama amba nagalu voma,''Ageva asilite wama uma agalu vataye. ¹⁰ Pigo Isu va nama pindi mala mima naninda nakena vutine. Igoma kina takisi megage kinake kaisa agunda ena pugage kinake eliya ndakara wakeva akima nanidava nataye. ¹¹ Pigo ige parisi ginami agateva, igeva mesu esesama eliya ndakarawa Isu ndagava oimitene,''Nana viema woyapa limbava nanindava nayema ma kaga agunda wa wa mige takisi mena kinamigeva?'' ¹² Pigo Isu va pikamana avite ginava, aeva piyamba awema utaye,''Kaga kina aiyena kamba ive kinapa, kamba sota kinapa uma agaga gayema, kaga kina kevaya aiyena ivi kina miga sota ginapa uma agaga gayema. ¹³ Tigeva wama ma yo kamana uma poiyakiyo; Nagepa tavela navuwaye auma akusa wanda enagava, kamba aopu gagaviya; Pipa nana viemaye.Nage kanatopa aogi gina iyopike nava kamba gana tuwema, kambaya agunda gina iyo pikena kanatu wema.'' ¹⁴ Aindiva Joni nda eliya ndakara kanama I su ka piya amba omitaye ,''Nanaga tagege mo parisi kina migeva nanindava kasilama purepa ugagau nema, Piya vuga gombepa kaenda eliya ndakara gambiva kamba vugaga yema?'' ¹⁵ Isu va piya omitaye,''Alaga kaisa gina kegivaya kanakive waya iba kasama wala mengata kive ndaninda la amba indara poitama igege mikive kava? Pipa ka yagava kanakiye pi waya mengame ndagara wagasa kanava, Pigo pindagava nanindava kasilama purepa ikiveyema. ¹⁶ Kamba ka yagara mava aoso kaiva gasama avala gailapa apalata atama paguni kiye, nana viemaye pipa avala gai atugi ndanava aoso kaigeva atutu puma kamba aogi vuwaki yema. ¹⁷ To katova kamba ka yagara mava aoso waini va kamba avala vindi lova mo alutakiye.Piya vikibi kana ano akukuli vuma kaga kamba laga vuwama atiye wakiye.Piya vikana igeva aoso wainiva aeva aoso kungwa pindiga ayela tagagaye tara yaga yaelota miyeno. ¹⁸ Pigo Isu va piya gamana oimima mitagina ka anoga yambu yagara kanama amba alaka vitaye. Aeva Isu ka piya omitaye, alagane pamamba puwaye omitaye, namu pugatauwa kanama auta kaya amba aigaya vegana mesu aoganoma,'' ¹⁹ Piya utagina Isu va asilite agalu vata wataye, eliya kina ngwa ndaga. ²⁰ Pavi ngaukwaiva,ka ngwe kora agaga gai ngwe kaga yuga lumigagai ngwe kana 12 wa ngwa pindi agama minda ngwene. Aeva akaisa kanama Isu autasa enala amba aigaya putine. ²¹ Pipa nana viemaye, pingwe mava age waka piya utine,'' Uga autasa enala aigaya vukuwo kava,kora ndepa kanara puwa kuwema,'' ²² Piya vutipa Isu va me awema agate piya utine,'' Alaganemba oma, a kaekuru voma kamatiti ena gamba ago aogi vugata yema,'' Pigo kana wepa pavi ngavala aogi vuwataye. ²⁵ Pigo kaga wawayapa avei lumbitaye nama pindisava, piya vutegana Isu va nama pindi ima ayata asu uma kana ngala ndoma, piya vutagina ano avaga mesu asitaye. ²⁶ Piya viye gamanapa kaga aukwai nasitaye. ²⁷ Pigo Isu va pitiva atate to aukwailo wataye, ketiva tara isiyo lika yagara lala misi agaluvata watase. Tara misiva kegaye uma piya utase," Deviti ndagara mao, kandara pulasi toma," ²⁸ Pigo Isu va nama pindi itagina, pavi kana tara yagara lala misiva agaluvata itase, Isu va tara gava piya oisimi taye," Tisigeva tisi matiti pesoma nagekava kanara pulisitaku wemava," Pigo isigeva awema omitase," Tave yagara lesi kaye omitase," ²⁹ Isu va aya isiyola malo uma piya utaye, ataisi gina pavi yemesa puma tisi matiti ena oma aogi pulisi tanoma," ³⁰ Pavigo avaga enaga isiyova ala wataye. Aindiva Isu va piya oisimitine," Tisigeva ka yagara gava piya vulasita yemava wasana gava a oimi soma," ³¹ Piya utipa tara yagarava wagasima kaga kina kava uma oimita nasitase kaga aukwai nana vaya isiyuta puma avolati ndana gava. ³² Pigo tara yagara wagai tasiginava, ka awamu akumba kamba laga spiriti minda anda vindi, kaisa ginami avamete Isu ta kanataye. ³³ Pigo kamba laga spiriti avei ilosa mete tumi taginava awamu akuninda yagarama pindisa, kana yagara mava kamana utaye, kaga kinamiva agate piya utaye, tageva paipa Israeli va kamba agando mbe ndana vuma avolaye ute igomata pilatage vutaye. ³⁴ Piya utepa ige parisi ginamiva piya utaye," Tave aeva gina ngamba kamba laga spiriti omanda pingese giyenava amegina pi spiriti va agalu vaye utaye." ³⁵ Isu wama kaga aukwai uma nasitaye, tavepe teseni guma mindati, aeva nasima uma poiya kima kamanapa oimita nasitaye alotu nama ngwi pindi. Aeva nasima aogi gamanapa oimita nasitaye Anutu nda kindomu wa kamana, piya vute kaga toma toma ngaiyena ivunda kinapa mema aogi voitate vutaye. ³⁶ Pigo ageva igatine igoma kina wawayapa, igateva ageva tavela andara poitataye nana viemaye, igeva tavela kunda ena mete napi napa vuwateka. Ige mitepa sipisipi aeva gina kamba minda kina misuma mite vuteka. ³⁷ Pigo Isu va oimitaye eliya kina ngawa kava," Nanindava ago agutama pume laka pume wayema, piya vegina eliya kinaka tavela kavona vuwaye utaye. ³⁸ Piya viya pure igomata iyoma, piya vigina tave yagara kevaya ava wamba ndana vundi ndagarama kana nanindala, eliya kina aisaga kina nanindava ambema akivenoma.