¹ A yetamito piya ena viyemava kaisa gina kava, piya veganava Aanutu va kaepa kamba yetami gatakiye. ² Pi kaga enaga kaga kina yetami takivembe kava, paviyama kamasa puma, Anutu lova kaetova yetami gatakiye. ³ Nana viema kaeva kame ao vindiba agavebe vuma miyene ini amana ndanando kanando aovindi mindi kava, piya vembepa kamba agama kaeka kaovindi tave ya awate ndama ilapa vundipa kamba agana. ⁴ Nana viema kanando kava piyambapa omene, nataga nage malo kaovindi amana ini ando mindipa megaga sano ikivena, piya ikivembe kava kaegapa kamba megainda ikivene tave ya awate ngoma kaovindi ilapa vunda kivipa. ⁵ Kaeva kambari yagara laka kaye! Kaeva agolata megaite pi ya awate ndama kao vindi tavalata ndipa, pigo kaegapa agavebe vulindana, pigoya pitasa kagando kava omikivene kaovindi ini ilapa vundika megagai kuwe mava. ⁶ A amo aogi laka puwama esegi vuwanda enagapa kala omapa, paviya malova aogi vuwanda yaba kapa a malo mevo yaga oma aoliva. Ayugu kaga yaga oma agisa uwe pagasima ayasa kaga kiya. ⁷ Kaye naviga kivembepa kamukuwe, kaye aguyo saga kivimbe kava agakivene, kaega kavela ayegu kivembe kava kaveba aikata kiye. ⁸ Pigoya mo kaga kina kevaya avigagai kinapa megagaye, paviyama kevaya aguyo sakagai kina mava aga-gagaye, to paviyama kevaya kavela ayegu gagai napa,kaveva aiata gagaye. ⁹ Tige kegita, yagara limpa breti ga tiviga gilipa, me yabapa mema amigagaye? ¹⁰ O paviyama ageva pisi galo tiviga kilipa, tigeva amiki veya kuyava a? ¹¹ Pigoya, tige kamba aogi ena pugage kinamita, tige aogi enava imigagaye yagalipa, pavi kamasa puma tivalimba inatisa gumati mindi ndagara mava timikiye, aogi ena mana timikiye kegavaya aviga kivembe kina mitipa. ¹² Piya vikana, nanavaya wawayama pugata kivi ndanava, paviya malo kamasa ndanalo poto agepa, pipa Anutu nda alo wake profeti ginami kamana keye. ¹³ Tigeva amana kavindo minditi agalu vama waiyo, pi tave kavi minditiva kamba aogi gitiye pitiva a waiyo, piya vikana pikitiva tave gina wayava miye kine. ¹⁴ Piya vegina aogama mikena kaviba amana ando lakane . Kana pi ki agaluva mete wakenava tavela akigi yambo vuwanda kine, piti wakenava ka ka kina andomi agalu vamete wagagaye. ¹⁵ Pigoya aogima kavima mi-iyo kambari profeti gina kava, Mevi kevaya sipisipi ayatasa pumalanda autasa ena aveisa auta pulite kana kivi kina kava, piya vikibipa taga taga enava inda vindiba igeva kavu gala kanasuma kana kivene. ¹⁶ Kaeva agaki vena ige nana enavaya pikive ndanava, piya vikivepa kanara wawayami naninda waini ana ngoma iganawa asalele vundano o piki ya yo yoni asalele vuma aga aenda noma?. ¹⁷ Pavi kamasa kitasa, kaga aogi yava, aogi anapa ayekiye, piya vikibipa mo kamba aogi ya anapa aeva kamba aogima aye gagaye. ¹⁸ Kaga aogi ya omava kamba aogi anapa kamba aekiye, paviyama kamasa puma, kamba aogi ya omava aogi ya anapa kambalo aekiye. ¹⁹ Kaga nda oma kamba aogi ana aegaga kivipa, pipa ilaku gasima yaku pindi kaegasi gagaye. ²⁰ Piya vekana aindiva, kaeva agakivene pavi ananga aekivita piya ya yemava. ²¹ Kamba kaga wawaya kevaya nage ugagai tave yagaraye, tave yagara yema ugagai kina wakive yemava kindomu vindi inatisa gumati, a napiyo kamba lakane, piya vikibipa kevaya kaga wawaya navanemba auma agalu vakagai pikinaka wakiveye inatisa gumativa. ²² Igoma kaga wawaya miva unami gakiveye piyandaga, tave yagara, tave yagara oma, tageva kaye kage laka profeti eliya putunema, paviyama kaye kage laka kamba laga spiriti va agalu vatune, paviya malo kaye kage lakava tavepe eliyapa putunema amba ikiveye.? ²³ Pindagava nageva alagasima pagusama oimukuwe, kamba liga nduwa! ayewa nata iyoma, tigeva kamba laga ena pugage kinata yema! ²⁴ Piya vikana kaga kina kevaya kamana nde avite agalu vakivi kinapa aeva piyambane, kevaya aogi napiena menda yagara mava yaba avovoli kiga gaye nama ngwapa. ²⁵ Pigo alupindi ka aelite lumima gina tave wani ivabamete tume kivi kana, piya vekana tave iguguya pulite kana namata kanakiye, piya vikibipa kana namapa kamba akasa vawakiye, pipa nana viemaye namapa yaba avoavoli esegima kima landa kanaye. ²⁶ Pigoya kaga kina kamana avite kamba agaluvai kinapa, aeva piyambane kamba aogi napi enawa minda kina kana ageva nama ngwapa uga kepiyati kitakiye. ²⁷ Pigo ka aendana tave iguguya pulite lumi kivipa, pipa pindamapa tumba akasava kasima kamba laga laka pugaikiye. ²⁸ Ageva kanataye pingau kwai Isu kamana uti uma pagi vuti pindi, tave gina taka wawayapa pami ndami vutaye kamana poiyakima uti kamana kava. ²⁹ Age kamana utipa ka tave agi minda yagarama usu putaye, ageva esegi kamana utaye mo alo vindi aganda kinami ugagesa pumaya aota puma laka.