¹ Pigo pingava lapa Spiriti Anutu nda oma Isu pa avamete wataye wasana kamba minda mavindi, satani oma ataka ena potakena. ² Pigo age wate ginava uma kasi la-agaitaye nanindava 40 wa ndaga alake aseka kema, pavigo agepa agayenaga avutaye. ³ Pinda garava pavigo kanataye ataka ena age potakenava,kanama piya amba omitaye ageva," pigo kageva Anutu ndagara naye undanapa, pigoya male yabaka omegana breti ena venoma." ⁴ piya omitagina Isu va awema omitaye piyama," Anutu kamana ngamava piya iyema,' wasana mava kamba breti laka manapa kamba aogama mikiyema, kamba yema. Piya vipa kaga kamana Anutu awamu pindisa kanai tasaga aogama mikiyema. ⁵ Aindiva satani va Isu pa avamete wataye Jerusalemi, pipa Anutu agewa teseni gumati avabute inata tave alotu nama ato vindi mesu atatine. ⁶ Pigo piya votate omitine, pigoya kageva Anutu ndagara naye undanapa, payopu lite mavindi lumo omitine, paviyama Anutu kamana ngama isapuma,' Ageva angelo kina ngwa aisaga kana tumba kavi gataki yema, piya vekana igeva kavamete ayoma melu kata kiveyema, yaba ngamava kagisa vindi asa kava sanagaba." ⁷ Isu va satani kava omitine, Anutu kamana ngamava piya iyema, kaeva a ataka votomaTave yagaraga Anutu pa." ⁸ Satani va Isu pa avamete ginalo tave inatasa amu pindi laka mesu atama aya kitine kaga kantri mamba vindisa enage kaga aogi ena mana keva. ⁹ Satani va piya omitine, nageva kamu kuwema pi kaga kayako gana agambe ndanava kage melu kalaka vima nageka alotu ikivembe kava. ¹⁰ Pigo Isu va omitaye, " Satani kava, kaeva ayewo omitine, Anutu kamana ngamava iyema ," Kaeva Anutu ka asa alotu yoma tavega amenda poma age asaka." ¹¹ Pigo Satani va Isu pa pita atataye, piya vutaginakaisa angelo ginami tumima tumba aoputaye. ¹² Piya vuti ngavala Isu va avitaye Joni pa alakuma kalabusi vindi ataye gasava, piya gasa avite ginava ageva Galili wataye. ¹³ Isu va Nasareti va atate wama Kapaneamu va Galili wani kotu awala mindi kana pimbava Sebulani ginake Napatali ginamike maye. ¹⁴ Kana pindana amba vuma avolatipa profeti Aisaiya pai ugaindi ndana amba vuma nagalitaye. ¹⁵ Sabulani ginami mbavindige Napatali ginami mbavindige, kepa pikiti wama wani kotu pingau kwai Jodeni va wakena gana. Galili va aeva to gaisa ginami mbavindi gana. ¹⁶ Kaga kina kevaya aseka ndana vindi mite kina miya agataye tave ganipa, pi kaga wawaya puwanda kinapa Spiriti vindi igeva pagasa laka mitene Anutu pa, pi kani mesu latina avovoliva. ¹⁷ Pigo pingava lapa Isu va ageva agovima eliya ngwapa puma pagusama oimitine, Anutu kamanapa piya oimitine kaga kina kava,"Kasiyoma kamba lataga enalipa, Anutu kindomu va ago amba wakala sawaya." ¹⁸ Pigo Isu va watine Galili wani kotu tisa aukwai, ageva uma agatine tara agana lala Saimoni ya to ka agiwapa Pita, pigo anando ageva anduru ge isigeva umbeni gu mema mome vuma mitasi gina wani pindi, pipa igeva pisi mena ndakara lala ginisi. ¹⁹ Isu va mesu asima oisimitine tara agana gava,"Kanama nage amba nagalu vaisoma, piya visigi nageva pulisi yakenoma wasana ivabike na gina ndana," ²⁰ Avaga enaga, isigeva umbeniva atate ginisi Isu uma agaluva ulite watase. ²¹ Pigo aindiva Isu va pitapa atate wataye mongau kwai, piti lova ageva to tara agana lalalo uma isigataye, Joni ageva Sebedi ndagara gana anandova Jemisi ke. Igeva wowale vindi mitaye isiva wisimbage Sebedi ge mima umbeni gu aogima mite gana. Kana Isu isigegaye uti ndagava. ²² Pigo isigeva avaga taka wowale ge isiva wisimba keva atate Isu uma agalu vatase. ²³ Isu va nasitaye kaga aukwaiGalili poiya kita nasima wawaya Juda ginami alotu nama pindi, pigo ageva pagusama aogi kamanapa oimitaye Anutu kindomu va piya ena yema oimindana kamba lataga aiyena ivunda kina ika pindi mitepa aogi voitate vutaye. ²⁴ Pindaga vuti iguguya kamana piyama Isu wawaya toma toma aiyena ivunda kina Galili isa agovima Siriyai pagasa wama kava itata waye gamana avitegini. Ige Siriya gina wawayapa toma toma ngaiyena ivunda kinake wawaya kamba lataga spiriti inda vindi minda kinake kaga iyake igisage kamba aogi vunda keva, Isu va kaga aogima kava itataye. ²⁵ Tave gina taka wawayapa agalu vataye Dekapolisi ginake, kaga Jerusalemi ginake mo kaga Judiya ginape, kaga mo ngau kwai Jodeni isa gina kema.