¹ Pigo Isu va wawaya tave gina igate ginava , ageva amuti itine. Pigo ageva asu mala mitagina , kaga eliya kina ngwapa kanataye age mitita. ² Ageva agovima poiya kitine eliya kina ngwapa piya oimitaye. ³ Kaga wawaya kavona vuma mikivepa Anutu nda enaga pipa igeva imu pikiveye, nana viemaye, inatisa kindomu manda gumapa igendaye. ⁴ Kaga wawaya indara pute kuwe atakive kava pipa igeva imu pikiveye, pipa nana viemaye Anutu va igepa aogi voitakiye. ⁵ Kaga wawaya iyumai mema mala atama migage kinapa, pipa igeva imu pikiveye, nana viemaye igeva aoso mbawi mekiveka. ⁶ Kaga wawaya iga yena ivute ivema asawate vugage kava aogi ena agalu vekana, Anutu nda enaga igeva imu pikiveye, pikava Anutu va pume itakiye. ⁷ Kaga wawaya yumama ena voitagage wasanaga igeva imu pikiveye, pikava Anutu va aumama voitakiye. ⁸ Kaga wawaya inda vindi aogima yewasa vuwa kivekava igeva imu pikiveye,pipa igeva Anutu aga kiveka. ⁹ Pigo kaga wawaya imo kasa uma akemba ndana pikiveke mema mala atama ka iyuma voita kive kinapa igeva imu pikiveye, pipa ige kava Anutu ndagara yema oimiki veka. ¹⁰ Kaga kina wawaya Anutu nda aogi ena mana pugageka kunda ena mekive kava pikava imu pikiveye, nana viemaye inatisa kindomu va igendaye. ¹¹ Pigoya kaga wawayami kalivima kamba laga kamana ulitai gilipela kamba aogi ena pulitai gilipa,igeva toma toma kamba laga kamana uma kambari ndanava pulitate pikivene, nana viemaye pipa mo nage nagalu veka vikibeye, pikava tigeva timu puwaiyo. ¹² Tigeva tavela timu puwaiyo, nana viemaye tave ape taka Anutu va timikiye inatisa gumati. Paviyama kamasa puma ena wawaya miva paipa profeti gina kegava poitatene. ¹³ Tigeva kayo laye mamba vindisa. Piya vikana kana kayo oma kanisigi enawa kamba vikibi kava, ayamalo kana kanisigi ena wapa pikiye? Aeva pipa kamba aogi vuwa kivi kana mevuga sagana wasanama agisa lasa kiki pugai kiye. ¹⁴ Tova tigeva kane taye mamba vindisa, ka teseni guma amuti minda kivikava pipa kamba kaka wakiye. ¹⁵ Kamba kawinava alamu ganipa ulama kaka tagagaye wanugu pindiva, kambaye, aeva ula atama inati alanoma atagagaye, piya vegina kaga nama pindiva ala wagagaye. ¹⁶ Atagana kane kambava asa veno kaga wawaya pindi, Igeva kanara agakiveye kaga kaye aogi ena pikivembe agate kavagamba inatisa gumati mindipa tave agi amiki veye. ¹⁷ Tigeva a napi-iyo nage kanokava alo gamana mema akayo kena kanane mava, profeti ginami kamana kega. Nageva pindana mema kamba lataga vikenava kamba gananduwe, nageva pindana mema aogima kanara pikena kana uwema. ¹⁸ Taga kamana taka ulimuwe inatisa mage mamba geva pagi vuwakiye, piya vikana kamba laka alo kamana pindisava tumu wakiye, aeva kanara puma aogi laka pugaikiye kaga ena vindiba. ¹⁹ Piya vikana kawina kamba aogima agaluva kivi pi alo gamana, pigoya pi to gamana poya kima pi towinaka po-omikivipa kamasa puma, pipa ageva tave agiva kamba mekiye Anutu kindomu vindiva. Pigoya paviyama kawinalo alo gamana aogima agaluvate towinaka kamasa ena venoma omikivi kava, ageva paviyama tave agi mekiye Anutu kindomu vindiba. ²⁰ Taga kamana ulimuwe nageva, tige aogi ena vikibe ndana oma ige aogi ena vune ikive alo gamana kamba aogima agalu vanda, aganda kinake parisi ginake kamba aogima igasima pikive kava kamba laka igakiveye inatisa kindomu vindiba. ²¹ Tigeva ago avindaye kaga kamanapa atalemba giva piya ena vutaya sumava, toginapa a ayegu iyoma wawayapa, pigoya ka yagarama wayo waya noma ayegu kivi kava kotila kanaki yema. ²² Piyambaka nageva ulimuwe pigo kawinaga kagandoka kanda votaki vembe kava kageva kotila kanaki venema, pigoya toga yagara malo agandoka kaeva nakasi yama kavona yagara gaye ikivipa!' Ageva pipa kanisole ginata wakiyema,Pigoya toga yagarama piya ikiye, kaeva aivo kayema!' Pipa ageva piya ikivika yaku pindi wakiyema. ²³ Piya vikana pigo tige ofa vikena vundilipa, alta la wakenava agola pilage vuma agaiyo tigando anda vulitanda sanagava. ²⁴ Pigo agai gina piya ena minda kilipa pavita atate ofa lipa alta la. Amalupa tigeva wama uma tindala puma ka tiyuma pugaite tigando geva, pigo aindiva ofa ena lipa pikiveye alta litapa. ²⁵ Tigeva avaga ena ago ka tiyuma viyo ka wama yo wayama yoma kavabute kotila wakena vekanapa, piya kamba veganava aeva kavamete kiyape ta wakana kiyape lo kavamete ile ginata wakiye, piya vekina kaeva kalabusi vindi wakivene. ²⁶ Nageva taga kamana taka ulimuwe, tigeva aveiba kamba laka kanaga kiveye kalabusi nama vindi sava pipa tigeva kaga mone tipa mo agetisa metepa amigaite gili kane. ²⁷ Tigeva ago piyamba nema avigaitene, tige mareti gina mitava kupiyo enava a piyoma. ²⁸ Pika nageva ulimuwe tige kava, pigo tige ka ngwe agate gili tiyo iye potakivepa, pipa tigeva ago vugai kiveye kupiyo ena pingwe mage tiyuma vindi. ²⁹ Pigo tiya taka ndisa tiyu oma pikivi ndanaga agunda ena vugaite gilipa, pigoya pi tiyova akiyona kasima mevu gasiyo, tige kamba piya viginava kaga tiyu tivama yaku pindi moligai kiya, aeva piya vusana gava meva puma ka aukwaisa tiyu akiyona kasiyo pipa aogi vikiya. ³⁰ Pigo tiya takandisa tiye ngoma pekili agunda ena vundilipa, pigoya akivi gasima mevu gasiyoma, kamba piya vigina kaga tiyu mema yaku pindi mome vugai kiya, pipa meva puma aogi vikiya ka aukwaisa akivi gaikivepa. ³¹ Kamanapa piyamba mindiye, pigo ka yagarama waya ngwa agalu vakivipa, ageva isa kaetama amenoma mareti apako vuwe otama. ³² Pikaga nageva piyamba ulimuwe, wama waya ngwa agalu vakibipa, kana wayama kamba kupiyo ena vunda kivi kava, pipa kana wepa age kupiyo we kanda votaye. Pigo kana we ka yagarama metakivipa mo agaluva kasi ndagarama akai, pinda garava kupiyo ena vugasaye. ³³ Tigeva ago avagai ndene paitaka piya ena yemava,' kambari kamana ute gilikipa taga kamana nemava a asiwama esegi vuwaiyo, piya vundilipa melite waiyo tave yagara mata. ³⁴ Pigoya pika nageva ulimuwe, a inatisa gumatapa malo esegi viyoma kamana undilipa, pipa nana viemaye inatisa gumapa Anutu nda siya kini wana. ³⁵ Togema ulimuwe mamba oma kava a ageuma esegi vute viyo kamana undilipa, pipa nana viemaya mamba vindi geva Anutu va agisa mavalo suma migagaye, togema ikena vuwe, Jerusalemi gegava a ageuma esegi viyo kamana ti undili keva, nana viemaye, pipa Anutu nda tave teseni guma ngwane tave kini nda. ³⁶ Tigeva a togema tinelapa tiyapa malo atama taga kamana uwemava a esegi viyo, pipa nana viemaye tigeva kamba laka ka tino viyapa mema tunu pute tave lave vute enava pikiveya. ³⁷ Pigoya kamanaka taga kamana undanapa pavigo yeyo taga kamana nema o kamanaka ngama kambarine undanapa pavigo kamba yeyo pavigo kamba laka nema,pigo kamana uta waki vembeti kaisa kaega avovola piki vembe kava pipa satani tisa kanakiye. ³⁸ Paisa gamanapa ago avigai ndaye, pigo ka yagarama kao ivakaye gasa kanapa, pavi ao ivakaema ayegu yoma, paviyama ka yagarama kawa ivaku gasa kinapa pavi awa ivakuma ayegu yoma. ³⁹ Piyamba kana nageva ulimuwe, nana vaya pulita kive ndanava a awemalo poitaiyo pavi kamba laga vulitai gilikeva, piyamba kauwe ka yagarama katamala iye kanapa pavi ka katama lova awe votagana iyenoma. ⁴⁰ Pigo ka yagarama saketi gaka kaviga kanapa pavigo amo, amite ginapa ka sioti gatova mema amegana puleno. ⁴¹ Paviyama ka yagara malo kana gala ka maili wayo yekanapa, kamba kala tara maili wakuse omima waiso meva pumalo. ⁴² Amiyo kevaya ka enaga yesulita kivi ndanava,tigeva kamba yeva a iyo, kawina ka enagalo yesuma aindi novalaka timu kuwa pindana namo yekilipa pavigo amiyo. ⁴³ Tigeva piyamba tova ago avigai ndaye, tigeva tiyo kinaka tivuwate gili, tigama ginapa kamba laga voita iyoma. ⁴⁴ Pigoya nageva ulimuwe tige kava , tigeva tigama ginakava tivuwama purepa uma iyo piyoma kamba laga pulitai gilipa. ⁴⁵ Pigo tige piya vikibe kava tivalimba ndagara yena pikiveye inatisa gumati mindi ndagara. Pipa nana viemaye aeva papa atagina tagagaye tige wawaya ngwampa titake kamba aogi gina takeva, pigoya ka lova paviyama aisa kagagaye aogi ginami take kamba aogi ginami takema. ⁴⁶ Pigoya tigeka ivuwa kive kina ngamana kalo tivuwa kivepa, pipa tigeva aya vunda apeto asu mekiveye? Ige kaga takisi mena kinami lova pavi kamasa enalo pugagaya? ⁴⁷ Tige tiyo kina ngamanaka tivu wakiveka, ago kaisa ginapa agasune ikiveya a? Ige aveisa gina mige kela paviya enava kamasa puma pugagaye. ⁴⁸ Tivalimba inatisa gumati mindi ndagara va aogi yagara ya, paviyama tige geva aogi ena mana piyo.