¹ Pingava lapa Joni wani meimi kena yagaara asu avolataye, ageva pagusama mono kamana keva oimita nasitaye Judiyai wasana kamba minda aukwai umima, ageva piya utaye," ² Tinda awe viyoma, inatisa gumatisa kindomu amba wakala sawaya," ³ Pindagara aeva profeti Aisaiya piya kamana ugaindine aekava," Ka awamu kegaye ikivi nema wasana kamba minda aukwaisa,'Yoke potama ke iliyoma tave yagara manda keiatama aogima avuloto potaiyoma. ⁴ Joni autasa ena vulitipa kemoli alilasa puma landa autasa ena vulite abamu kandiva kaisa ginama alilasa puma landa pulitaye. Agaena nama mitipa aeva iloke walusi gava oma amuke nama mitaye. ⁵ Kaga wawayapa Jerusalemi ge, Judiya ige kaga aukwai Jodeni waniti uma agema. ⁶ Igeva kaga agunda ena wikava amba pagusa tegana aeva Jodeni wani pindi wanipa meitataye. ⁷ Piya vuma miti tisa aeva agatine igoma Parisi ginake Sadusi ginake kana gana vutepa aetasa wani mekena, ageva oimitine igekava,"Tige kaga kiyo kuya oma ndagara gauwema, ke ulime gili tiye gakapa wakena veyema kunda ena kana kivi ndagava? ⁸ Tigeva naninda oma ana ayesuma agunda ena likava pagusama tinda awe viyoma ayetaka puma. ⁹ Tigeva piya napienava a piyoma,"Abrahamu va tavalemba yemava tagenda. Nageva taga kamana ulimu wema tigekava, Anutu va aeva kanara ma kaga yabapa mema agewa ndagara ena vuma gai kivinema. ¹⁰ Tasume mindi nema ya ami pindi. Piya vikana ya oma aogi ana kamba ayekivi kava igeva ilaku gasima yaku pindi mome vugaiki veyema. ¹¹ Nageva wani pindi wani melitopa tige puliya kekili tigeva ayetaka puma tindava awema agunda enalipa kasiyoma. Pigoya ka yagara nage nakai kanakivi ndagarava aeva tave esegi enawa minda yagara kanakiye, ageva nagepa nagasima yagaraye, nageva kamba aogi yagara laka nadaga agenda agisali puligagai suwata igana kitakena yagara naye. Ageva tige wani melimi kivipa Holi Spiriti vindige yaku pindige melita kiye. ¹² Aeva poku umelite witi pagivuma ayatasa uga suga vunda keva mema aogima aki votama witi nama pindi meya vikena. Piya vutipa pi kamba aogima inisa wandapa aki votama kamba vagi vuwanda yaku pindi kaye gaikena vutine. ¹³ Isu va Galili va atate Jodeni waniti watine Joni wani metanoma. ¹⁴ Piya vutipa Joniva kamba yema akunite, piya utaye," Nagepa kage wanipa menatoma, pipa ayambaka kaeva nagetiva kana nema? ¹⁵ Isu va agekava awema omitine," Atagana aeva nagale noma kaga ena Anutu avu waisa puma," Pigo Joni va ayewa utisa puma paviya votataye. ¹⁶ Isu va wani pindi lumite mesu asitipa avaga enaga mandava awi watagina Spiriti Anutu ndava kavala kanda vulite tumima avota tumba lapanda taye. ¹⁷ Ka kigaye manda lisa tumite piya utaye, Memipa aeva wa yagara nenema nagenda. Nanda omava Nagenepa tavela namu puwagaga uwema ayekava."