¹ Inatasa kindomuva piyambane, 10 wa ngala tagawe alamu windaga wataye waya avama wala atakena yaga kanatagini. ² Piya vutepa 5 wa ngwepa napi enawipa kamba aogima mindane, pigoya 5 wa ngwepa napi enawipa ago ala wanda ngwe iyaye. ³ Pi 5 wa ngwe napi enawi kamba mindapa alamu wipa mete watepa kana kalasiniva kamba mete wataye. ⁴ Pigoya ige 5 wa ngwe napi enawi alanda ngwe iyava kalasini wipa ago mete wataye alamu windaga. ⁵ Piya vutegana kana iva ngwe mekena yagarava kamba avaga kanataye, piya vutagina igeva agava vugate iwi yewataye. ⁶ Pigo tave asekapa,ka kigaye kanataye piyamba, agayoma, pigo waya ngwa mekena yagarava pavigo kanainema! Wama ketisa uma gata puma avamete kana iyoma. ⁷ Kaga pi ngala tagawepa mesu asima alamu wipa yoke putaye. ⁸ Mo kamba napi ena yaga ngwe iyava mesu asima, mo aogi napi ena yaga ngwe iyaga piya utaye, kalasini natami yoma, nana viemaye alamule tuma kenaviya. ⁹ Ige piya utepa aogi napi ena yaga ngwe iya miva oimitaye, ivaba tageva kamba aogima ulundu nema tigeke tageke taopi kenava, piya viya tigeva wama gili situwa tiga uma agama ika piyoma. ¹⁰ Pigo igeva wagaitaye kalasini mekena, pavigo avaga enaga kanataye waya mekena yagarava, piya vutagina mo ngwe iyava pavigo wagaitaye, mo ndagarava uma pavuma avamete naninda nakena namati wataye,piyama pavigo avaga kave aku kaitaye. ¹¹ Aindiva pigo 5 wa ngwe napi enawi kamba minda ngwe iya wagaitepa, pigo kanate piya utaye,' oyapa o, oyapa o, kave aigo, kave aitatoma. ¹² Pigo ageva awema piya oimitaye ige kava, Nageva taga kamana taka ulimu wema, kamba liga ndau wema tigepa. ¹³ Piya enaya aogima kavi-iyoma, kamba agandaya pindagaye pindana laimi yemava. ¹⁴ Ka enalova piyambane, ka yagarama to kantri vindi wagai kena vundanava. Aeva eliya kina ngwa kava kegaye uma aki votama gina imikiye kaga agewa nda aogi ena manapa. ¹⁵ Pipa nana viemaye pindagara amitaye 5 wa siliva mone ambekigu. To ka yagara lova paviyama ka siliva mone ku ami vutaye, iyoka iyoka metaye kanara eliyapa pikiveya suma, ageva piya votate pagasa mali wagai taye. ¹⁶ Pigoya 5 wa siliva mone ku meti ndagarava wama uma maketi vuma, to ka 5 wa siliva mone kuto ilagitaye. ¹⁷ Pavi kamasa enalo tara siliva mone ku meti ndagarava uma maketi vuma tara siliva mone kuto ilagitaye. ¹⁸ Pigoya pi ka siliva gu meti ndagarava piya enava kamba vunda, ageva ka uma gu-atama mavindi kai tataye wayapa wamba ndava. ¹⁹ Aindiva pigo yaelo ndaga wagai tagina, wayapa wipa pigo kanate kaga eliya kina ngwaka amba igataya, piya vune kamana avikena mone imite watika. ²⁰ Pigo age 5 wa siliva mone gu meti ndagarava, to ka 5 wa siliva gu ndanalo vulite kanataye, pigo wayapa wakava omitaye, wayapa, kaeva 5 wa mone ku nami tambeka nageva eliya puma 5 wa mone kuto potama mete kanau wema. ²¹ Pigo wayapa wambava omitaye," Kaeva aogi ena laka penema, aogi eliya ndagara nekayema, kaeva aogima amana ndo ndo lakeva kavi natanema. Piya vembaka kaga enava kayapi atakana kavi kivenema, kanama nagege ambima kamu poma wayapa gamba nage. ²² Eliya ndagara tara siliva mone ku meti ndagarava kanate piya amba utaye.' wayapa, kaeva tara siliva mone ku nami tanema. Pigoya agoma, ago tara siliva mone kundanalo mamba votama mete kanauwema. ²³ Wayapa wambava omitaye aekava, kaeva kanara aogi eliya ndagara neka yema, kaeva amana ndana lakeva aogima kavi natanema, piya vembeka kaga enalapa kaviyo ugame kana kavi kivenema. Kanama nagege amba kamu poma wayapa gamba nage. ²⁴ Pigo ka siliva mone ku meti ndagara kanama piya amba utaye, wayapa, nageva ago kaganduwe, kaeva kamo ndagara gayema. Kaeva nanindava yoka vuma menda vugagane towina vuma landatisa, kaeva uma yoka vuma yekagane towina aindanava asigi malai tasa. ²⁵ Nageva tavela naekuru vuwa magi kaeka siliva mone ku kapa uma kaka kaitu wema mavindi, mambaye agao, mone kapa. ²⁶ Pigo wayapa wambava awema omitaye, kaeva aogi eliyapa kamba vutanema pipa kaeva kakasiya yagara gayema, kaeva piyamba aganda noma towina vuma landa tisa yoka enava uma vute, towina asigi malanda tisa uma yekaga uwoma. ²⁷ Piya vembe kana kaeva kanara mone ndepa benki vindi meta kenaye eliya pekinami iyata, pigo nage mekana ndapa, pipa mone ndepa ambe kenayema kaisa ama mbone ndaga. ²⁸ Piya viya tigeva ma ka yagara matisa siliva mone kupa apama mo ka yagara 10 wa mbone siliva gu ulindi nagara me-ami yoma. ²⁹ Aye ndagara mavaya igoma ndanawa minda kivipa, pindagarava meva puma igoma ndana amuku wema, pigoya kevaya igoma ndanawa kamba minda kivi kava, pipa apama mo igoma ndanawa minda yagara amuku wema. ³⁰ Asaga yoma pi kavona eliya ndagarava avei mome vugasi yoma tunu suwanda ena vindi, pipindi tumba kuwe atama awalasa kinani suma mikiya. ³¹ Pigo wama ndagara esegi yaku ngwa pindige angelo gina ngwambage mekana kivi ndagava, aindiva aeva malami kiye esegi yaku ngwa pindi siya kini wata. ³² Aindi age kanakiya kava, kaga wawaya minde kantri vindi kanama amba akivi gina age aola, ageva yetami itakiye iyoka iyoka ginapa, paviyama sipsipi ta kavi ikinama pugagaisa puma sipsipi aota atate aigimba meme aota atate pugagaisa puma. ³³ Ageva yetami ndanava sipsipi aya takandi atate meme pa aigimba aya kemasi atakiye. ³⁴ Pigo aindiva, kini va igekava oimikiye, kegivaya aya takandi mikive kinakava, navanemba andara puma au mama vulitatine. Ageva ago yoke pulitatina agewa kindomu va tigendaga mamba agovilasa kanama. ³⁵ Nageva naga yenaga navuma mitogili naninda namitene, nageva wanika pulitogili wanipa namitene, nageva to malisa yagara nagili navamete nama titi watene. ³⁶ Nageva nautasa enava kamba kili tige nautasa enava namitene, nagepa aiyena navu watagili aogima kavi natatene, nageva kalabusi vindi mitogili wama uma nagateye. ³⁷ Pigo kaga aogi ginamiva awema piya omikveye, Tave yagara, ayandaga tageva kaga tunema kaga enaga kavuma mita katava megamu tunema? O kavema asa tagitava wanipa megamu tunema? ³⁸ Ayandaga tageva kaga tegita tomalisa yagara gaye mava kavamete nama tetiva watunema? O kautasa ena kamba mitagita tageva kamu tunema? ³⁹ Nana yaga amba kagatu nema aiyena kavu tagita yo kalabusi vindi mita katava amba kaga tunoma? ⁴⁰ Aindiva kini va awema piya ikiye," Taga kamana taka nageva ulimu wema, nana vaya tige vute ma kaga amana nanata vala ndo ndo mita, pipa tigeva nageta putayema. ⁴¹ Pigo aindiva oimikiye mo kaisa aya kemasi mikive kina kava, ma nage naolasava ayewa iyoma, tigeva wakiveya tave yaku kamba tuma kagai ndaku pindi, ige ago vumalanda yema satani ge angelo gina ngwake wano mava. ⁴² Pipa nana viemaye, nageva naga enaga navuma mitogilipa kamba nanindava namita yema, wanika navuma mitogilipa kamba wanipa namita yema. ⁴³ Nageva tomalisa yagara mitogilipa kamba navamete nama titiva wata yema, nageva nautasa enaga kavona vutogilipa kamba nautasa enava nanami tayema, aiyena navutagi mitogilipa kamba uma naga tayema, nage kalabusi vindi mitogilipa kamba uma nagata yema. ⁴⁴ Pigo aindiva igeva piyamba ikiveyema, Tave yagaara, kaeva nana yaga kaga enagava kavu tagita kamba uma kaga tunema? O wani kava kavu watagita kamba kaga tunema? O tomalasa yagara gayema yo, O kautasa enaga kavona vuta kata kamba kaga tunoma, O ayena kavuta gita kamba uma kaga tunoma, O kalabusi vindi mitakata kamba uma kaga tunoma? ⁴⁵ Aindiva ageva kamanapa piyamba awema oimiki yema," Taga kamana taka ulimu wema, pingawa ena vute kava tigeva kamba vunda yema ige kamba minda kina kandama,pipa tigeva nagetapa kamba vutayema. ⁴⁶ Tigeva wakive yema yaku kamba tuma wanda yaku pindi uma puye wakive yema, piya vikibepa kaga aogi ginapa igeva wakive yema aogima asi asima mikena gumati.