¹ Pigo Isu va kaga kamana uma pagi vugaite ginava, pigo ageva eliya ndakara wakava piya oimitaye. ² Tigeva piyamba ago agaema, aindi tara yaga atawa gasa kanava, pasova yaga amba avola kivi kana pavi pindi wama ndagarava avama ayeguma yara itagikena kinami iyapi ataki venema. ³ Aindiva kaga ano ngayambu prisi ginake kaga ano ngayambu ginakeva amba aki vutaye, kaga wawayape tave nama pindi, ano ngayambu yagara agewapa kaiyapasi ndama pindi. ⁴ Kaga kinapa amba akima kamana uma asetama iyuma vindi alaku ulitaye Isu alakuma ayegu kenava. ⁵ Pigo igeva ka iyuma vulite gini kamana ngwi ute kava, pigo igeva piya utaye tave naninda oma aka pindiva piya enava kamba vukunema, pipa nana viemaye, ayugu wawayami akemba ndana pikive katayema. ⁶ Pigo Isu va ageva oimitine Betani Saimoni ndama pindi alepa aiyena kava atati ndagarama ndama pindi. ⁷ Ageva tebolila mala mima naninda nama mitagina, ka ngwe kanataye ka alabasita botole yaga aogi agunda unda wani kana ape ngwapa inata iwanda enaye, ageva mete kanama anoti amba tiatataye. ⁸ Piya vutagina, ige eliya ndakara miva pika agate giniva, inda vindiba yaku tawama piyamba imo kasava utaye,' Pipa nana oma amika male ape ngwa inata iwanda enava ati kasagina ugambapa ati wayema mavindiba? ⁹ Tageva kanara aisa atama kana botoleva tave mone metama, kana monepa kavona gina imikena yema." ¹⁰ Piya gamana iyoge utepa Isu ago ivigaite, ageva piya oimitaye, tigeva nana viye gamana umagili male ngwepa kunda enava ameyema kamanati yepindiva? Pipa nana viema ageva ka aogi ena laka piyema ma nage nauta pegili agaye ndanava. ¹¹ Pi kaga kavona ginapa mamba vindi tigege yakalota miki veyema, pigoya nageva kamba mikuwema tigegeva yakalo ndagava. ¹² Ma aogi agunda unda ena nauti linata gili agaye ndanava, ageva nage nalu vindi tumu kuwo ndana oma ndaga punata yema. ¹³ Taga kamana taka nageva ulimu wema tigekava, pigo ma kaga aogi kamana pagusama kaga aukwai oimita nasikive tiva, ma ngwema pindana gegava pagusama oimikive yema, piya vigina ageke gava napi kive kaye utaye. ¹⁴ Aindi pindana oma akaiva, ka 12 wa eliya ndakara vindiba, agewapa Judasi Isikerioti wataye ano ngayambu prisi gina minda uma igakena. ¹⁵ Ageva piya uma utaye," Tigeva nana namiki veyema Isu avama timekilipa?" Pigo igeva omitaye 30 wa siliva kamuku nema. ¹⁶ Pavi ndaga lakapa, Judasi va ke kuyena vutaye avama imikena agama ginami iyata. ¹⁷ Ivaba amalu ndaga amba avolataye tave ena vuma breti yisi kamba minda nagage ndaga, pigo kaga eliya ndakara wapa kanama Isu ka amba avigataye, kage kaumava ayetaka kaviyema pasova naninda nakena yoke pikenava? ¹⁸ Isu va oimitaye," Tigeva waiyoma male tave teseni gumati ka yagara uma agama piya omiyoma,' Tisa yagara mava piya iyema, naninda nakena yagane amba avolagi, pasova naninda kaema kage ndama pindi nakena vunema eliya kina nde ndaga. ¹⁹ Kaga eliya kina ngwapa wama Isu oimitisa puma uma vutaye, pavi oimitisa puma pasova nanindava yoke putaye. ²⁰ Pigo uma atami sata ginava, ageva pigo uma mala mimagina naninda 12 wa eliya ndakara wambige nakena vutaye. ²¹ Pavigo igeva naninda nama mitegana, ageva pigo piya oimitaye, Taga kamana taka nageva ulimiwema, ka winaga tige pindisa navama nagama ginami iya pindiva nata kiveyema. ²² Kagapa indara ena oma pume watagini iyoka, iyoka avigataye piyamba,' Tagamba nema nageva kamba yema? ²³ Ageva awema piya oimitaye," Pindagarava nage iwale vindi naya mo ata kanava paviyama aya ageva mo ata kiyema, pimba pi ndagarama navama nagama ginami iya pindiva nata kiyema. ²⁴ Wama ndagara wakiyema, paviyama ago kamana kaye gaindisa puma paitaka, piya vipa tavela nandara pota uwema pindagara kevaya navama nagama ginami iya pindi natai kava." Pipa aogi vuwasine ano wamba kana yagara kamba ma atati nalisa gana." ²⁵ Judasi, kevaya kutalu ena vuti ndagara mava, ageva piyamba avigataye," Tisa, napi yopa pavigo nage vaya yema?" Isu va pigo piya omitaye,"Pavigo kagega ugasa nema." ²⁶ Paviyama naninda nama mite ganava, Isu va breti mema, pure ugaite apakoma male imi ma imi vugaite gina ageva piya utaye,"Mema naiyoma, mapa nau aliya." ²⁷ Pigo ageva waini kapulo mema avawambaka aisa otama imite piya utaye," Tige kaga mema naiyoma. ²⁸ Pipa nana viemaye nagenda kora ndenema aoso kontraki gura ati atauwema agunda ena kaga wawaya minda meigai kena. ²⁹ Piya vopa, Tagamba aogi gamana ulimu wema tigeka, Nageva to ma wainiva kamba nakuwema waini ya oma anapa wama pindaga aoso waini tigege uma naku nombeta uma agema navanemba kindomu vindi." ³⁰ Pigo kaga igeva ka ini otate giniva pavigo avei tumima wataye Olive amuti. ³¹ Aindiva, Isu va piya oimitaye," Pama nage nasa taka natate, tige kagapa waye gaiki venema ivasa asekapa, pipa nana viemaye kamana ago mindi kagana, nage nauta kamba aogi ena kanakiniva, sipsipi ta kavina kinapa, sipsipi pa itate iyegaka ivala vuwa kiveyema." ³² Piya vikibepa aindiva nalu vindisa mesu naogalite gipa tigepa uma paitama Galili wagaka puku wema." ³³ Piya utaginava age Pita va awema piya omitaye," Ayelana atoma kaga wale yewaigipa nana vaya kage kauta kana kivi ndana gava, nageva kamba laka nakava kamu kuwema." ³⁴ Isu va piya omitine agekava," Taga kamana taka ugamu wema, pama ivasa asekapa, kokore omava kamba aga unda kana, kageva iki venema, nageva agepa kamba aganduwema kagala ikivenema." ³⁵ Pita lova Isu kava piya omitaye," Ayelana atoma nageva kagege puluku okava, nageva kage kageva kamba laka kaka kuwema," Piya utaginiva mo kagapa paviyama kamasa kamana utaye. ³⁶ Pigo aindiva, Isu va wataye eliya kina ngwake ka mbala Getsemani, pigo ageva piya oimitaye igekava, ," Tigeva mata mala mima mindi yoma, nageva maloti wama pure uma ukuwa." ³⁷ Pigo ageva Pita avabu ndana tara yagara lala Sebedi ndage ivamete wataye, pigo ageva tavela andara enava vute tave gunda lakaya metindana avuki vaki vuwa tagina." ³⁸ Aindiva ageva piya oimitaye," Nanda omapa tavela kunda vuwayema puwa kena mamba. Piya viya tigeva mata mima agavebe vugasima nautapa kavi igita yoma." ³⁹ Ageva to amana ando wata meva puma lo wataye, ageva wama aowalisa uma yabata ivalatama purepa utaye, ageva piya utaye, " Navanemba, pavigo kanara pikivi kava kage kauma oma, pigoya megaso ma kunda kapu oma kunda navipa, pipa nage nauma yane, kambaye, atagana kageka kauma kanano utaye. ⁴⁰ Ageva kanataye kaga eliya kina ngwambiti, amba igatipa kagapa iwita mitaye, pigo ageva Pita kava piya omitaye," Nanaga kamba kaogama mima kavi yenema nage kava ka auwa vindiba?" ⁴¹ Kavima gina pure yo omitaye ataka ena vindiba kamba walewa kivena. Pipa nana viemaye Spiriti omava auma vuwaipa kau ngomava, akasiya vuwama kamba esegi viyema." ⁴² Piya uteginava tarala to pure ikena wate ageva piya utaye, navanemba, pigo mandana oma kamba anu nagai kivi kava alagaya, pi kapuva nataga nanoma, piya vute atagana kaeka kaumala kanoma." ⁴³ Ageva to kanama amba igatipa tavela kunda ivuwama iwita mitaye. ⁴⁴ Pigo ageva uma igatate ginava to wataye kakagala uma pure ikena, pi watipa pamo amalu utisa pure to uma utaye kamasa puma. ⁴⁵ Aindiva, Isu va eliya kina ngwa miteti kanama amba oimitaye," T igeva uga-ga tiwi tamima minama miye yoma a? Agaiyoma, nana vaya manga seka pikena nava ago kanagasa yema, wama ndagara avama mamba vindisa agunda ginami iyapindi nata kenava. ⁴⁶ Pavigoya mesu asi igita wanoma paviti, agaiyoma, navama nagama ginami iyapindi nata kena yagarava memigo amba wakala sayema. ⁴⁷ Ageva kamanapa ivabi uma mitagina, Judasi, kangwi 12 wa ngeliya kina pindisa kanataye igoma kina taka ivamete, ano ngayambu prisi ginake tave ano ngayambu gina wawaya minda gema. Kagapa bainati yogike kaisa enageva iyativa melite kanataye. ⁴⁸ Pavigo, pinda gara kevaya Isu avama imikena agama ginami iyapindi ageva piya oimitaye, nage agola wama uma wakala samagi kaisa ama ndana vekilipa pimbaya wama uma takuli yoma, pigo ageva piya oimite gina," Ama ndana vukuopa ka yagara uma amona kuwo pimbaya pi alakuma, amiyo piyoma oimitaye. ⁴⁹ Avaga enaga kanama Isu kava piya amba oimitaye." Asekane Tisa!" piya amba utegina malo amona taye Isu pa. ⁵⁰ Isu va piya omitaye," Nao-ndagara, pavigoya kana ena vo omitaye nana vaya vikena kanambe ndanava," Piya utaginiva avaga enaga kaga kanama auta amba alakuli taye Isu pa. ⁵¹ Piya vute ganava avaga enaga ka ngwi Isu ge mite pindisa bainati yogi mesu paivulima inatasa prisi yagara manda eliya ndagarama age gasa gaitagina mavindi lumitaye. ⁵² Piya vutagina, Isu va omitaye," Bainatiga mema ana ngwa pindi moto omitaye, pipa nana viemaye, kegavaya bainati yogi ulembe ndana omava , pavi bainati yogi pindi kamba aogi ena bainati vindisa mekive nema." ⁵³ Kageva napi yenoma piyambapa, navanemba tiva kamba kegaye yekana ageva igoma kina taka angelo ginapa isaga kana amba naopi kiveye mava? ⁵⁴ Pigoya, aye ngakwaisa gitasa Anutu kamanapa amba tagamba ndana viki yema nage nautapa, pi ndanava kanamaga ikiyoma?" ⁵⁵ Pingava lapa, Isu va igoma kina kava piyamba kamanapa oimitaye," Tigeva kana yoma bainati yogi ndaga akemba ndana vikena nayaga nava vikena kundagara ava vikena vusuma? Nageva kaga yagava tigege migaga uwema tave alotu nama pindi puliya kima ma aogi gamanapa, pitapa kamba nalaku kaga yema tigeva. ⁵⁶ Pigoya, mangawa ena kanai ndanava nana viemaye, kaga kamana profeti ginami ugaite ndanava, amba tagamba ndana vikiyema," Piya vekana kaga eliya kina ngwapa kaga iyegaka waga kana vuwa kiveyema ugaindene. ⁵⁷ Kaga kina kegivaya Isu takulite kina miva avamete tave ano ngayambu prisi yagarama ndama pindi agewapa Kaiyapasi ti, kana pipindiva tavepe ginake ano ngayambu ginake akima mite pindi. ⁵⁸ Pigo Pita va igaluvata wataye pavi ngasekapa, pigo ageva pavi ndama ngoma akai umitaye,ageva migate kago pindi itaye asu agakena Isu pa aya vaya votama miye kanda yema, kaisa ginake ile ginake mite pindi. ⁵⁹ Pigo ige, kaga ano ngayambu prisi ginamige kaga kansole ginami geva kaisa kambari kika aguyosa atama ayegu kunema, kaisa ginaka aguyosa gataye, piya votama ayeguma yalapa itagi kunema. ⁶⁰ Piya vutepa kamba aguyosa gataye kana agenda pagapama enawapa,aindiva tara yagara lala kanama amba utase," ⁶¹ Ma ndaga mava piya utinema tave alotu nama akasa vakasima kaga yaga vindi asgaikuwe utinema." ⁶² Pigo ano ngayambu prisi yagara mava mesu asima Isu kava piya omitaye."Kaeva kaeka ye kamanapa awema oimi kive pela kamba yema a? Pipa nana gamana ugata yema? ⁶³ Piya omitipa Isu va ka kamanapa kamba utaye, piya vutagina ano ngayambu prisi yagara mava piya omitaye," Nageva yege gamana ugamu wema kage kava Anutu age laka, ulamoma kageva taga Kraisti nayema, kageva wa yagara Anutu ndagara gavela o kamba yema?" ⁶⁴ Pigo Isu va awema piya omitaye," Pavigo kagega ago ugasa nema, pigoya piya vipa, nageva ugamu wema, ma iva agovima aga kivembepa wama ndagara asu mala mima aya takandi asu mikibi kana esegi enawa pindi, aindiva agaki venema ilagi vindi inatasa gumatisa tumi kivipa." ⁶⁵ Pigo ano ngayambu prisi yagarama avite ginava, amopuma autasa enawapa atu kaite gina piya utaye," Pipa tavela akaya kamana ikata! to nana galoya meva pumava iguguya kamana ikena gina kava aguyo saga kunema? Agaiyoma mamba tigeli avegana akaya kamana siya. ⁶⁶ Tigeva nana viema napi yeyema?" Igeva piyamba awema utaye," Ageva ago pulikena avala mindi yema." ⁶⁷ Piya utegini isa tipo tataye aovindi, piya vute aowa vindiba iyangamu kasu ayegute vutaye kaga. ⁶⁸ Piga kaga kina miva piya utaye," Kageva alama ulamoma, nana viemaye, kageva Kraisti gaya, pipa ke kayegu yema ayegute giniva piyamba amiyo sunataye. ⁶⁹ Pigo Pita va mila mima mitaye avei nama komali pi anda vindiba kago pugainda kana, pavi pindisa ka eliya ngwe kanate piya utaye," Kageva ka eliya kina ngwa kaema Galili nasi gagega tiga vonema. ⁷⁰ Piya utepa ageva kambaye utaye kaga kinami iyolapa,' Nageva kamba agandu wema tige nana gavaya yeye mava. ⁷¹ Kago ngama kaveli avei lumiti ndanava ka eliya ngweto lumima tumba utaye, mo kaga mite kinami iyola," Ma ndagarava Isu ge nasi gagagi agavo nema Nasareti." ⁷² Ageva to kakate kambari utaye yege gamana uma," Nageva kamba agandu wema pi ndagarava!" ⁷³ Aindi amana ngava lapa, kaga kinapa kana ganama amba utaye Pita kava, tagamba nema, kaeva ka ngwika yema igege nasi gagambe nema, nana viemaye kamana ka yembe ndana omava pavigo tagamba nema." ⁷⁴ Aindiva ageva iyomana suma ka ivikaite piya utaye," Nageva kamba aganduwe ulimu wema pi ndagarava, piya utagina avaga taka kokore aga utaye. ⁷⁵ Pigo Pita va napi taye mo kaga kamana Isu omigagai kava," pingava lapa kokore omava kamba aga unda kina kakaga lapa, kageva ikivenema agepa kamba agandu wema," Aindiva Pita va napi tate avei lumima tavela auki wama kuwa tumba atataye.