¹ Isu va tave alotu nama pindisa ilosa mete avei lumima keti wataye, kaga eliya ndakara wapa kanama amba ayakitaye tavepe alotu namaka. ² Piya vutepa Isu va awema oimiti ndana piya utaye," Tigeva kamba agayoma kaga pindana geva? Taga kamana taka ulimu wema tigekava, kamba ka yaba ngoma avovoliba kambalo asumi kiyema ago kamba ivako vuma wale wakena yaba minda kivikava. ³ Paviyama Isu mala mima mitipa malo olive isa amuti, kaga eliya ndakara wapa kakama kanama gini amba omitaye," Ulamoma tageka, nana ena vekata agakana atuti ainga gogo yagava amba avola kiyema? Tova nana ena vuma taya kegata agate pigo kage kanakena vekana mamba omava atuti kanaye mava ukunema?" ⁴ Isu va awema oimite piya utaye," Tigeva aogima kavima mi-iyoma, a ataigina ka yagara mava kambari uligasima to kamba laga gitiva tivamete wanoma. ⁵ Pipa nana viemaye igoma kinapa nage nagelaka kanama. Igeva piya ikivenema ,' Nageva Kraisti nayema,' piya amba uma igoma kina wawaya ivamete uma walewa kivenema. ⁶ Tigeva avikiveya kama ena peye gasava piyama tavepe kama enava pimbala peyema iguguya kamanapa aviki veyema. Tigeva piya gamana aviteba a napi napi vuwaiyo, nana viemaye pindanava kana kivine. piya vikibipa mamba omanda atungapa kamba kananda kiya. ⁷ Ka kantri omava mesu asima to kantri ayegu yekana, ka kindomu omava paviya vekana, naninda gava kavona enava tavela pekana, ka aukwaiva imimapa tavela pekana. ⁸ Piya vekana kaga pimba ndana omava tavela avuki vaki enava pikiye, agaye ngwema yagara mekena avuki vaki visa puma. ⁹ Aindiva pindana omava tiva mete tave gunda vindi wama tiyegu kena vikibe yema, kaga kantri omava kamba laga vulitama tigaluva kaiki venema nage nagelaka. ¹⁰ Piya viki vekana igoma wawayapa imatiti enava uma itate gaiki veyema, piya vigina me kawinapa avama to gina ayapi meta mengatama kamba lataga ena voita iyoma pikivene toginapa. ¹¹ Igoma kambari profeti va mesu asima igoma kina wawayapa ivamete kamba laga uma vuwakena ki pindi igokaye vikibenema. ¹² Pipa nana viemaye, kamba laga ena omava tavela meva puma kamba aogi laka amba vuwakiye, piya vekana igoma imatiti kinapa amba lani puwakiyema imatiti enava. ¹³ Piya vikibi kana kevaya asima esegima mita wama pi atutisa yaga uma agema mikibe kinapa, Anutu va iwima ivamekiye. ¹⁴ Pi aogi gamanapa inatisa kindomu gava imatiti kina miva pagusama uta waigina kaga aukwaisa kantri vindi, aindi amana ngava ndola mava pagi vikiyema. ¹⁵ Piya vikiya aga gana kamba aogi enalaka pikivi ke kamba aogima uga suga ena mete gana kanapa, pipa mo profeti Denieli ugaindi ndana vikiye, pi kamba laga ena aogi laka puwanda maluta amba asi yekanapa,"( Atagana aogima isuma agano). ¹⁶ Atagana kevaya kaga kina Judiyai minda kive kinapa iyegaka avaga enaga waiyoma amuti. ¹⁷ Atagana kevaya inati nama atoli minda kivi kina mava kamba nama atolisava mavindi lova tumeno autasa ena nama ngwa pindisa mekenava ¹⁸ Atagana kevaya iguguya siotiwa mekenava a wano, A atagana yogali sava wayeliva wano. ¹⁹ Piya vikibipa nandara puwe kegivaya inamu ndakara ndo ndo nono nama mikiveke igaye ngwe mikive kegava pindaga! ²⁰ Tigeva pure uma mi-iyoma pindagava kamba mava amba lani pute sabati yagava kamba avo lanoma. ²¹ Pipa nana viemaye pindagava tavela avuki vaki enage auki sanageva kana kiyema,kaga toma toma kunda enava kanakiye amalu mamba vulasa kanama ma iva amba agemava, paipa kamba mindisa kunda ena, to piya kunda enava kamba gana kiyema aindiva. ²² Pigo Anutu kamba nambapa kasama alosa atandi nalisa kaga mandaga omanda, kamba ka iyogama mindapa mindesine. Piya vikana kaisa gina Anutu ala pugaindi kinaka, pilage vugate Anutu va nambava amba gasama alosa kaikiye ige iwime kenaga. ²³ Aindiva, pigo kaisa ginami piya ugami kiveye," Agoma, Kraisti va mati mindiya!" o Kraisti va maleti mindi yema," Kaeva akapa kamatiti pese pi kinami kamanapa. ²⁴ Pipa nana viemaye igeva kambari kraisti ge kambari profeti ge kana magini tavepe ena amba vikibene mirakoli enava, piya vikibepa wawaya ivamete kamba aogi ena vindi wakena pikiveye,pike Anutu ala pugaiti kina keva. ²⁵ Agaiyo, nageva ago ulimi gaitone pindana yagava kana kivinema. ²⁶ Piya vikibi kana, pigo piya enaye mava ulimi kiveye, ' Agaiyoma, Kraisti va wasana kamba minda aukwai mindiyema,' pitaiva a waiyo tigeva pi wasana kamba minda aukwaiva o ,'Agaiyoma, aeva male ndama kaleso vindi mindiyema,"Pi kamana kava a timatiti piyo. ²⁷ Paviyama kamasa puma andaru uma apaki vulite pa mo vasiti tumi gagaisa puma, paviyamba kape wama ndagara mekana kenanava avola kiyema. ²⁸ Pigo aye ngaukwai vaya ka kina puwi yeginava, pavi ngaukwaiva kekepa ngomava mekalale pugagaye. ²⁹ Avaga ena aindiva kaga pindagava kunda enage avuki vaki enage kana kanava, pa ngomava amba asema tunuse kana, ongamava kamba lakana, noliva tutuvu vekana manda lisava, pigo inatisa esegi enava imima pikiye. ³⁰ Piya vuta kaga enava wakana wama mandaliva, piya vekana kaga kina mamba vindisa kinapa andara pute kuwe atata wakiveye. Piya vigina kaga kinapa agaki veye wama ndagara inati mandala kana kivipa ilagi vindi glori esegi enawa vindi. ³¹ Ageva isaga kiye angelo gina ngwapa bikuli tavela aga ulite wanoma, igeva kaga aukwai wama wawayapa uma aki votama, Anutu ala ponda kinapa kaga 4 wa ngaukwaisa ka atuti wama to atuti uma agema ivabikiye. ³² Tigeva kaisa pilage ena piki ya omatisa meiyo, pigo amali agaki vembepa anombama aoso ngaye mesu atakiye, piya vundana mesu ivila puta waipa aye ngwapa agaveye, piya vegilipa tigeva agaveye pavigo pa takena yagava amba wakala sayema. ³³ Piya vugagaya tigeva agaiyo pindana yaga kana kilipa, tigeva agavama agaiyo wama ndagara kana kena yagava pavigo amba wakala sayema, pavigo kavela taka kana gasayema. ³⁴ Taga kamana taka ulimiwe, ma iva miye wawayapa kamba puye wandigina ma yondanava puma avola kiya. ³⁵ Inati mandage mamba geva pagi vuwakiye, piya vikibipa ma kamana ndepa kamba laka pagi vuwakiye ³⁶ Pigoya pindaga ye pa ngomava pindana vekana yemava wasana miva kamba avindaye, kaga angelo gina migeva kamba avindaye, pigoya kana wama ndagara magekepa kamba avindiye, Tavalemba asa ando uwulindiye auma vindi. ³⁷ Kamasa puma nowa ndaga vutisa puma avola kiye. Paviya malo kamasa ndana vikiye wama ndagarama tawima tava vikena kanakivi ndagava age wakina. ³⁸ Paviyama nowa ndagava igeva kamba napitaye piya ena vikiye mava, igeva naninda nandini wani nandini, waya mema ika ena vundini vuma kamba napitaye asuwanda vuwama nowa sip vindi itita uma age vuma. ³⁹ Paviya vuma mite gana wanike kage vuma ipasitaye__kamasa ndana vikiye wama ndagara kanakivi ndagava. ⁴⁰ Paviyama tara yagara lala yogari mikivese, kapa mesu iyekana, kapa mikiye. ⁴¹ Tara we taralova witi ana pulama mikive metasa kapa iyekana, katova mikiye. ⁴² Piya vikiya tigeva aogima agagasima yoke puma mi-iyo, pipa nana viemaye, tigeve kamba napikive ngavala tave yagara lipa mekana kiye. ⁴³ Pigoya pikava tigeva aogima agaiyo, ka woyapa yagarama ivasa asekapa kukinapa kana kiyema napi ndanava, ageva kavima mima kukinapa kamba atakana nama ngwa pindiva akasa vamete ikiye. ⁴⁴ Piya vikiya kagegeva aogima kavima miyo,' Pipa nana viemaye, wama ndagara kana kivipa paviyamba kanakiye kamba napi kivembe ngava ndola ⁴⁵ Piya vikiya kevaya eliya ndagara mava ageva ago napi yagara gana kamanapa avima agaluva kagai kana, ageva wayapa wamba ala potama kaviyoma nama ngwata, pipa nana viemaye pi ngeliya ndagarava naninda wapa yoka vikena gana, kana yaga amba avola kanava? ⁴⁶ Auma wapa akusa wakiye pi ngeliya ndagarava wayapa wa mekana kanava, ageva amba agakiye mo kaga ena aogi ena mana puma mikivi kava. ⁴⁷ Taga kamana taka ulimuwe tige kava, paviyama wayapa wambava eliya ndagara wapa ala pondiye kaga enawa mindita kavi yenoma. ⁴⁸ Piya vekana ka kamba laga eliya ndagarama ikiye anda vindisa, wayapa nepa avaga enagava kamba kana kiyema. ⁴⁹ Piya utegina kana eliya ndagarava ageva kaisa eliya ndakarava uma iyeguta nasindana wanipa uma nama sipaki vuta nasikiye kaisa sipaki yakara mige. ⁵⁰ Pigo aindiva wayapa wapa mekana kiye mo ngeliya ndagara mava kamba napi kivita ka yaga, kamba pindaga kana kuwe mava omitita. ⁵¹ Pigo wayapa wambava kana tandana au aliva kasa kasa puma avaleta gaikiyema kamasa puma awamu ngwani pagita nasi ndagara pugage sapuma, piya ginapa ka yagava iwala upavasama kinani sute tave guwe atakive yema.