¹ Pigo Isu va igoma kina wawaya ke eliya kina ngwa kega kamanapa oimitaye. ² Ageva piya utaye," Kaga alo gamana pindi aganda kinake parisi ginake Mosese siyala mala migage kava. ³ Pikava, nana ena gavaya ulimite piya viyoma, tigeva pindana vute gili agaluva iyoma, pipa nana viemaye, pi igewipa kamana ngamana utegini kamba agaluva kaga yema. ⁴ Yeya, igeva tavepe gunda vuwanda ena mema ayesaga uligaga yema, to igelova wawayaka oimigagaye tivota pi kundava mema ayesaga viyoma, pigoya igewipa kamba laka ka amana ngiyeva ndova malo aigayama mekiveye pi kunda enava. ⁵ Ige pi kaga ngeliya pugagepa, mo kaga kinami iyola tagaiyoma pugaga yema. Igeva iyutasa enava yakalo ndana mana pulite to atukai lova igava ulitema avovola amenda puma pugaga yema. ⁶ Igeva piya vulite giniva, igeva ivuwa gagaye paguta tave siyala tavepe gina mige miyeta misana gaga ivuwa gagaye, tave yagasa naninda nakena laka. Tave siyala miyekana wasanama ayavenema naime yanoma tave gina kayema. Juda ginaminda tave alotu nama pindiva. ⁷ Igeva ivuwa gagaye maketi gumati wandiniva wawaya mika avayaye, kagine, atamine, ulatama tave gina taye iyoma'Rabbi oma". ⁸ Pigoya piya ligiva a meiyo,Rabbi,' pipa nana viemaye, tigeva pavigo ka tisali mindiye. Piya vegili tige kagapa age anata vala mindaye. ⁹ Pigoya tigeva a to kegaye iyo navanemba omava ka mamba vindisa yagara gava, nana viemaye, pipa pavigo ka tivalimba lo mindiye inatisa gumativa. ¹⁰ Pigoya to tisa ye magi lova a ulimiyo," pipa nana viemaye, pipa pavigo ka tisa mindi kana pipa Kraisti ye. ¹¹ Pigoya tige tikapindi ka tave yagara ganda vundanaba,ageva tigenda eliya kinati kandama miyenoma. ¹² Kevaya agewa age mema inata pume kivipa, Anutu va agepa mema mala atakiye. Pigoya kevaya age mema mala atama mikivi kava, Anutu va age ageva mema inata potakiye. ¹³ Aogima kavi-iyo, tige kaga alo gamana aganda kina mitage Parisi gina mitageva, tigeva tara tiwamu ndaga kinataya! Tige akumba mieya inatisa gumatisa gaviba wawaya mindava, piya vute gili tigeli keva kamba laka igaki veya pipa tigeva toginapa kamba itegana wekana, ¹⁴ - ¹⁵ Aogima kavi-iyo tige alo gamana aganda kina mitage Parisi gina mitageva, tigeva tara tiwamu ndaga kinataya! Tigeva kayo wanipa uma tayelite wama wasana inda umema awe vugasi gagaya, inda uma awe vugaite gilipa, ivama yaku kuma ngoma ndagara ena voita gagaya kamasa puma tigeli keva. ¹⁶ Aogima kavi-iyo, tigeva aolike wanda kina kandama to ginaka ayaki kena tigeva piya ugagaya, kega tagaka piya ena vukuweva ugagane Anutu ndama pindiva,pipa ka enava kambaye. Pigoya ka yagarama golila malo alapuma tagaka pukuwe ikivi kava, Anutu ndama pindi pi kamana kapa aogima upeve vuma alakulo." ¹⁷ Tige kaga tiyo lika kinapa kamba aogi napi enalipa mindiye! Nana ena meva puma tave ena viye? Goli tave ena viya o tave alotu nama pindi mindi pi goli oma aogi lakapa pundiye? ¹⁸ Pigoya,' Aye ndagarama vugagaye tagane gamana alta lapa, pitova ka enava kambaye. Piya vipa kevaya tagambane ikivi ndanava inata esegi enawa pindi potandi kana, ageva pi ndagara mava aogima upeve venoma. ¹⁹ Tige pi tiyo likenda kinapa! Pi preseni ena meva puma tave ena vela o alta oma pi preseni vindi aogi laka pundiye? ²⁰ Piya viya aye ndagara maga taga kamaanane altala malo undanapa pavita malo uma inatapo, pavipindi kaga nana vaya minda kivita kema malo umagina taga kamana kapa esegivo ²¹ Pi kevaya piya vukuwema kamana esegi vugaindipa Anutu ndama pindi, ageva pavi promasila asima esegi vikiye Anutu ndama pindi geva. ²² Pigoya to kevaya inatisa gumaka malo promasi vugainda kivi kava, pipa ageva Anutu siyaga malo ala puma promasi potandiye pi ka siyala mala mindi ndagara geva. ²³ Aogima kavi-iyo, tige alo vindi aganda kina mitage Parisi gina mitageva, tigeva tara tiwamu ndaga kina taya! Tigva 10 wa ngaukwai amigage tiva uga tigeva agunda enava amana ngai ndana ndo ndo pusu vugagaya, aindana sayo gandama pute kamba aogima agalu vakagaya aogi ena vikenanava, aumama enawake amatiti pikenana vindi geva. ²⁴ Tigeva tiyo likenda kinataya, to gina ke iyaki kena vepa kambaya,amana kava gina naninda vindisa megasa noma vembepa kemoli nama mindi nakinda gasana! ²⁵ Aogima kavi-iyo, tige alo gamana aganda kina mitage parisi kina mitageva, tigeva tara tiwamu ndaga kina taya! Tigeva kapu ge pleti geva avei mana wani nge gagaya, piya vepa tinda vindiba tigelika napi wake nanage tigeli timu ndana vikena gaga puwa gagaya. ²⁶ Tigeva tiyolika parisi ginapa, tigeva aogima kapu like pleti likeva aogima anda vindiba wani nge gaite iyoma, piya vigina avei geva aogima yewasa venoma. ²⁷ Aogima kavi-iyo, tige alo gamana aganda kina mitage parisi gina mitageva, tigeva tara tiwamu ndaga kinataya! Tigeva paguta amba avola gagaya tave lave peni paika gagesa puma, wasana aluli pipa aogi laka puwa gagaye, pigoya anda vindiba ayambu ge kike kamba lataga enage pumewa gagaye. ²⁸ Kamasa pumaye, Tigepa aogi gina tigasu vugagaye wawayami iyolapa, piya vepa tinda vindiba pume wagagaye igoma kambari kamana ugageke kana tige alo kamba aogima agaluva kage ndana likegava. ²⁹ Aogima kavi-iyo, Tige alo gamana aganda kina mitage parisi gina mitageva, tigeva tara tiwamu ndaga kinataya! Tigeva profeti gina minda ilu ena votama aogi awaena vugasi gagaya aogi gina mindaga. ³⁰ Tigeva piya yeya, paviyama tava valagi miteta mitombe nalisa, tageva kamba laka tayapa profeti ginatapa aigayama korapa kamba atigi tombe sinema. ³¹ Piya viya tigeli kava piyamba pagusama iyo, tige mo yagara wambi tava kaga kegivaya kana profeti ginapa iyegutaya suma. ³² Tigeva kaga enava paviyamba amba nagale yema tiva valagi vutesa ndanalo amba veyema kamba laga enava. ³³ Tigeva kuya oma ndagara laye mo kamba laga kiyo kuya omanda, nana viemaye pi yaku pindi wandi kipa tigeva agaite uvagasa wakiveya? ³⁴ Piya viya tigeva agaiyo, nageva profeti gina aisaga uwa, piya vuwa wasana maga aogi napi enaga minda kanapa, mo alo gamana aganda kinake, kaisa ige pindisage, tigeva iyeguma gili itagi kiveyema, pigoya kaisava iyegu kiveya Juda ginami ngalota nama pindisa, pigoya kaisava pi teseni vindisava igalu vaigina to teseni vindilo wakive yema. ³⁵ Pavigo pina amika, kaga aogi ginami kurapa ati wataye mamba vindiba. Agovima Aeboli kura tasa kanama Sekaraiya kurata amba agema Baraka ndagara, kevaya tige ayegute Anutu ndama aka pindi alta omava tige tivovoli ikiye ka yagava. ³⁶ Taga kamana taka ulimuwe tige kava, kaga pi ndanava to kanakiye kaga kina wawayata ma ndaga mekana kivita. ³⁷ Jerusalemi, Jerusalemi, Tigeva kaga profeti kina tave yaba kasutasa mevuma eliya kepaya aisaga togana kanati kinapa tigeti! Igoma ndagava nageva yagara mema akivi kena pugaga uwe paviyama kokore oma awalo ndo ndo mema agaga pindi aki vugagaisa puma, piyavo ndanava tigepa kamba liviye. ³⁸ Agaiyo, nama tipa uga nama taka mindiya. ³⁹ piya vegi nageva ulimuwe, ma ivaba tigeva kamba naga kiveye wama pingava lapa tigeva piya ikveye, Tamu pune malo ndagara kanaika tave yagarama agelaka."