¹ Isu va to ama kamana pindisa ka kamana to utindana, piya utaye," ² Kindomu inatisa guma tisava piyamba nema ka kini yoke pikiye tave naninda yagara wata waya aka atakena. ³ Piya vutindana ageva isagataye kaga eliya kina ngwapa ige waga kanama wawaya ago piya ena avola kiyema kamana oimindata uma oimigini kaiyoma, yagara nembava pigo wayapa mema atokaye kena viyema, piya viya tave nanindali kanaiyoma, eliya kinami piya oimita nasitepa kamba ganataye. ⁴ Kini va to kaisa eliya kina ngwato isagataye, tigeva wama uma oimiyoma mo kegi kavaya kana iyoma oimito kinaka piyamba nema," Agaiyoma, nageva iva ndaninda ago yoke pugasu wema, ago bulumakapa ayegute aga bulumakapa ayegutema, kaga enava ago yoke pugasuwa naninda nakena gina kanaiyoma." ⁵ Piya oimitipa kamba avinda atate waga kana vutaye, kaisava yoga witi wategana, kaisava mone ngeliya ngwiti wate gana vuwataye. ⁶ Ige kaisa ginamiva ilakuma eliya kinapa kini ndava kamba laga voitama ini ndanala ayeitate kaisava iyegute gana puwataye. ⁷ Kinipa anda omapa yaku tawama kaisa ami ile gina isagataye pi kinapa uma iyegu iyoma pi kegivaya eliya kina ngwa iyegu yekinapa, igeva wama kuma ngwi pela tavepe teseni gumapa uma kamba laga vugasi yoma. ⁸ Aindiva pigo eliya kina ngwa kava oimitine," Pavigo waya iva ndaninda nakenava ago yoke puwainema, piya vipa kana naninda nakena ginaka kegaye yokinapa, kamba kana ndayema, pipa nana viemaya igeva aogi gina nakini veyema. ⁹ Piya veya tigeva waiyoma kaga tave giti agakive kanapa igegaye uma ivamete kanai gina ma iva ndaninda amba naiyoma. ¹⁰ Pigo kaga eliya kinapa wataye tave giti uma agate kina ivama aki voitama kaga aogi ginape kamba laga ginape ivamete kanai yoma iva ndaninda amba nakena, piya utina ami ngwaka igoma kina taka malupa amba vume wataye iva ndama pindiva. ¹¹ Pigo kini va kanama wawayaka amba agatipa igeva naninda nakena amba aki vutaye, ageva agatipa ka yagarava autasa ena iva ndaninda la pulikenava kamba vulinda kanataye. ¹² Pigo kini va kana yagara gava piya omitaye," Nondagara, kaeva kamba iva kautasa enava vulinda kana nema, piya vena pipa kaeva ayamba kanambe nema?" Piya utipa ageva kambaka kamanapa utine." ¹³ Piya vutagina kini va eliya kina ngwaka oimitine, pi ndagarava agisa lalage aya tarage atokaema igana kilokaye tama mome vugasi yoma tunu suwanda ka vindi laka. Piya vigina kaga kinapa ivuki vaki enava mete kuwepa atate iwala upava viki veyema,' ¹⁴ Pipa nana viemaye, kegayeva igoma kina wawayaka utipa, pipa Anutu va ka ka kinaka ivabi kiyema agewa auma nagali kena gana. ¹⁵ Pi aindiva, kaga parisi ginapa kamana kivi nataye kamana ikivi pindi kaisa gamana paga pasanaga, piya vekiniba alakuma kalabusi vindi atakena. ¹⁶ Piya vutagini igeva kaisa eliya kina ngwike kaisa Heroti kinake isagate gini wataye uma agakena. Kaga ige pi kina mige Isu kava piya utaye," Tisa, tageva ago agandu nema kaga yagava taga kamana ngamana ugaga nema, kaeva poiyaki gaganema kaga kinapa taga kita ivamete wama, kaeva kaisa ginami iyumava kamba agaluva kaga nema, piya vute kamba kaisa ginapa yetami itagaga nema, kaeva kamasa ena mana kaga kinapa poita gaganema. ¹⁷ Kanara kaeva ulami kivenoma kauma gamanapa, ma kaviga gamana yombe tapa? Pipa kanara noma tage alo agalu vama takisi va Sisa pa amuku pela o kamba yema? ¹⁸ Piya utepa Isu va ago kamba laga napi enawi pindi ago igagai tegina piya oimitaye," Tige kagapa kambari kinata yema, nana viema tigeva ataka vunata kena veye utaye? ¹⁹ Naya kiyo utaye ka takisi vikena mone ," Igeva metaye ka mone denarias mone ngoma age kamasa puma 20t gana ma amitaye. ²⁰ Pigo Isu va ivigataye," Agege ama keva kenda mindiyema mone tiva? ²¹ Igeva piya omitaye," Agege ama keva Sisa ndayema," Pigo Isu va oimitaye," Pigoya, Sisa nda enava Sisa amiyoma, pigoya Anutu nda enava, pavi Anutu malo amiyoma. ²² Pigo pi kamana avite giniva, igeva inda omapa kamba aogi vuwata gini pavigo atate wataye. ²³ Pindaga lova, kaisa Sandusi gina kanatye wasana vuwanda pindi sava kamba aogalite gana kiye ugage kina kana, pi kina kanate Isu ka amba avigataye. ²⁴ Piyama, " Tisa, alo Mosese nda omava piya iyema, ka yagara waya ngwa minda kana yagara kamba atanda puwakana, to anandolo metama yagara enalo kamba votanda puwakiye, to agandolo mekiye. ²⁵ Pigoya kana pipindisava 7wa ngagana mindaya. Pigo amalusa yagarava kamba yagara enava vunda pulitaya,pigoya to anando tato mo atataya. ²⁶ Piya vutagina anandolo metipa to yagara enava kamba vunda pulitaya. To kakaga yagara malo metipa, paviya vuta 7wata, watipa kagapa kamba yagara enava punda puye wataye. ²⁷ Pigo kaga ngagana puye wategana, kana waya keva puwataye aindi. ²⁸ Pindaga kaga kina puwanda pindisa mesu iyoga kive tapa. Pingagana ndagana ika pindiva ke ngwe ndana vikiyema kana wepa? Pipa nana viemaye kaga ngaganami ngwe nema. ²⁹ Piya utegana Isu va oimitaye," Tigeva kunda gamana ugasaye oimitaye kamana tipindiva, nana viema tigeva kamba agandaye oimitaye Anutu kamana pindige,esegi enawa pindigeva. ³⁰ Kaga kina mesu iyoga kive ndanava, kamba waya wa enava pikive yema, pipa kamba wayo waya noma mikena nava kamba mikiyema, pipa nana viemaye igeva kamasa puma angelo gina miyesa puma mikiveye inatisa gumativa. ³¹ Pigoya puwanda pindisa mesu iyoga kivepa, napi yopa tigeva kamba isuma agaye Anutu kamana ngoma ikamanapa. ³² Nageva Anutu naye Abrahamu nda, Anutu naye Aisaki nda, Nageva Anutu naye Jekopi nda?" Anutu va puwanda kinami Anutu va kamba mindiye, kambaye. Anutu va mo wasana aogama mikenana omandaye. ³³ Pigo kaga kina wawayapa avitaye ute poiya kite vuti kamanapa, igeva iyuma omapa iga lumiga vuma pilatage vuwa tene igomata. ³⁴ Piya utika, ige parisi ginamiva Isu iwamu aku kaita giniva ka aukwai uma akima iyoge utaye aya vuku nema ³⁵ I ge aka pindiva ka alo gamana pindi aganda yagara mitikana Isu ka avigataye ka kamana age ataka votakena. ³⁶ Tisa, teni wa alo vindiba, nana alo oma tave amalu enava pundiyema kaisa alo agasi mava?" ³⁷ Isu va pindagara gava piya omitaye," Kaeva kavu oma Anutu tave yagara gava kaga kanda vindisa mesu gasima, kaga esegi enagake kage napi enaga kema." ³⁸ Pimba yema amalusa tave alo ga yembepa kaga kaisa alo agasima. ³⁹ Pigoya pitasa alopa piyama yema,"Kageva kaga kina kava kavu oma kageka kavu wambesa puma. ⁴⁰ Kaga alo ge profeti gamana keva pavi tara alota itagindi yema ⁴¹ Pigo kaga parisi gina akima mitegana. Isu va ka kamana ivigataye. ⁴² Ageva piya utaye," Tigeva ayamba napi yeyema Kraisti kava? Ageva ke ndagara yema?" Igeva utene ageva Deviti ndagara yema." ⁴³ Isu va piyamba ivigataye, pigoya Anutu Spiriti Deviti pindi mitaki nava, pigoya nanaga ageva utaye tave nene utipa. ⁴⁴ Tave yagara mava tave neka piya utayema," Mala miyoma naya taka ndisa aukwai, mita wama kagama gina mema kagisa amenda pindi mengata kuwota uma agema. ⁴⁵ Pigoya Deviti kegaye uma ageka tave nene utakivi kava," Pigoya pipa ayamalo Deviti ndagara enava vikiye?" ⁴⁶ Pigo piya gamana ivigata giniva, kamba ka yagara malova piya gamanaka iyemava kamba laka awema omigataye pindaga vela to yaga vela sumava.