¹ Pigo Isu ge eliya ndakara wakeva kanama amba wakala sataye Jerusalemi va ,igeva kanama kanataye Betipasi amuta olivei ,Pigo aindiva Isu va Tara eliya ndagara lala isisaga taye. ² Tara gava piya oisimi taye,'Tisigeva to mali waiso oisimitaye,wate gilisiva ka donki agaki vesema awalo yaga minda kivi pa igana ugu atanda .Tigeva pi ndonki va igaluva atama ava bute nageta kanaiso oisimitaye . ³ Pigoya kaisa ginami pika tisivigai gilisiva nana vikena vesema.Tisigeva piya oimisoma Tave yagara mati eliya minde gila vusema oimiso ma donki la ,''Piya isiginava pi ndagara mava tisita kilisa avamete kaisoma ." ⁴ Pigo pindaga vutipa profeti ginami ago pai pugainda ena vuma avolataye. Isu va piya utaye." ⁵ Omoma Saiyoni isa alaga weka," Agaiyoma kini li kanaika, ageva auma wapa mema mala kasima aga donki akavata kanaya." ⁶ Aindiva kaga eliya kina wama nanaye vaya Isu oimiti ndana uma vutaye. ⁷ Pigo donki va avamete kana tegana iyutisa enava akuvuma donki akavatapa igalopa atate gana Isu va mala milite wataye. ⁸ Igoma kina wawaya miva iyutasa enava akuvuma keti mome vuta wate ya amava apalema agute vute gana Isu va paviti wataye. ⁹ Aindiva kaga igoma kina wawayapa uma paitama wataye Isu ge, kaisa kinapa agalu vata kanataye. Igeva piyamba kegaye uta kanataye," Age mema inata piyoma Tave yagaraga, Deviti ndagara timu piyoma ageka nana viemaye age kanaipa Tave yagarama agelaka kana yema! Age mema inata piyoma Tave yagara ageva inata taka migagaya!" ¹⁰ Pigo Isu Jerusalemi kanatipa, wawaya pi tave teseni, guma pindi mite kina miva igoma kamana kiki sute ivigataye," Pipa ke aye ndagara kana yema?" ¹¹ Kaga tave gina agalu vate kina miva utene igeva, mapa Isu yema, pipa ageva ka profeti yagara yema Nasareti isa Galili isa aukwaisa." ¹² Aindiva Isu va watine tave alotu nama pindi, ageva wama uma agatine kaga wawaya maketi ena vuma mite alotu nama pindi,ageva uma asunu gaga vuma igaluva tine ige mone uma yetamite kavalapa aisagate siyave yogalisa enava aisagate vute gana." ¹³ Ageva piya oimitine," Anutu kamana ngomava piya iyema," Nama ndepa pure ikena nama nema," Piyamba mindipa tigeva kukinami ndama kanda pugasa yema." ¹⁴ Aindiva kaga iyo lika kinake igisa kamba laga vunda keva kanataye alotu namati, piya vute gana ageva aogi enalo poitataye. ¹⁵ Piya vutipa pavitapa kaisa prisi gina mindi ano ngayambu ginake alo gamana pindi aganda kinakeva agataye pi kaga aogi ena vuti kava, pigo igeva avitaye yakara ndo ndomi tave alotu nama pindisa kegaye uma piya utepa," Age mema inata piyoma Deviti ndagara," Ige inda omava tavela yaku tawa taye piya utekava. ¹⁶ Pigo kaga kina miva Isu kava piya omitaye, kageva ago avenoma kageka nanaye vaya ye kamanapa?" Isu va piya oimitaye." ye utaye! Piya vepa, tigeva kamba isuma kamana mindipa agaveyo utaye," Male ige iwamuta amana ndakara ndo ndo mike inamu me nono nama miyeke ige ageva mema inata pikive yemaTave yagara gava?" ¹⁷ Aindiva Isu va atate avei wataye tave teseni guma ngomapa. Ageva wama ka ngase uwitaye Betani. ¹⁸ Pindaga avaya lakapa, pigo to kanataye tave teseni gumati, pigo agepa agayena gava avutaye. ¹⁹ Piya vutagina ageva agataye ka fiki ya miti ke awali, ageva wama uma wakala puma agatipa kamba anapa minda ya agataye aye ngamana kutali puma mima. Pigo Isu va ka kamana utaye kana ya gava," Kageva aindiva kamba ganapa aye kivenema," Piya utagina avaga enaga kana yava asa wataye ²⁰ Pigo kaga eliya kina ngwambiva agate, iyuma omapa iga luga vute utaye," Nana oma vegina mandava avagapa asa wayema?" ²¹ Isu va awema oimitaye." Taga kamana taka ulimu wema tigekava, pigoya tige kamba timatiti punda tara napiena vikibe kava, tigeva kamba viki veyema male fiki ya oma auta pindanava, piya vipa tigeva kanara tavepe enava piyambapa uga viki veyema," Male ngamu ngoma kava ikive yema,"Asilite gina pitasava mo ngaukwai kayo wani pindi takulite wo omiginava paviya vki yema. ²² Nana gavaya tige pure uma avigama mekenava, tigeva timatiti pulindili iyoma, tige piya vikibe kava mekiveya. ²³ Isu va kana gagaye tave alotu nama pindiva, age kanate ginava wawaya amba poiyaki gagaye, piya veginaba ige ano ngayambu prisi ginamiva kaga wawaya minda ano ngayambu gina keva kana gagaye ageti, pigo igeva amba avigagaye. Kaeva nana aogi ena minde gina kaga ngeliyapa penema ke kanara kana pindanava pikivene gamanapa ugame gina penema?" ²⁴ Pigo Isu va igekava awema oimtaye," Nage lova ka kamana tiviga kena vuwema. Pigoya tigeka tiviga kuwo kamana awema unami kivekava, pigo nageva ulimu kuwema kevaya pingesegi enava namegi puwe mava. ²⁵ Pigo Joni wani wawaya meimitipa, ageva ayetasa pingesegi enava melite vutayema? Inatisa gumatisa vela mamba vindisa melite vutaye?" Pigo igeva igewi ika pindi akima ulite, piya omitaye,"Inatisa guma tisaye uku nombepa, ageva ulami kiyema," Nana viema tigeva kamba timatiti putayema Joni uti kamana kava? ²⁶ Pigoya tage piya uku nombe kava, pipa wasanami tisa yema, pigo tagelepa tayekuru vuwaune ma kaga tavepe gina wawaya kava nana viemaye kaga kina miva Joni kava ka profeti yagara ye ugage kana. ²⁷ Aindiva igeva pigo awema Isu kava omitaye, 'Tageva kamba agandu nema ," Pigo Isu va oimitaye, Nage lova kamba ulimu kuwema nana nagivaya mindegi puwe mava ma kaga ena vogili agaye kava. ²⁸ Piya viya tigeva ayamba napi yeyema? ka yagarama tara yagara lalawa minda kana," Ageva wama gina amalusa yagara waka uma omiki yema,' Yagara nemba, pavigo wama gina waini uga vindi eliya ena uma voma. ²⁹ Amalusa yagara wambava awema piya utaye,' Nageva nakasiya viema eliya pusana gava, piya utipa aindilo napigate to wama eliyapa uma vutaye waini uga vindi. ³⁰ Aindi lova kana yagarava to pitasa yagara wamba tilo wama pavi kamasa kamana to uma utaye, piya vuta ginava pitasa yagara wambava omitaye, ye, pavigo waku wema, Tave yagara,' piya utipa kamba watine waini uga vindiba. ³¹ Pi tara yagara lalami isika pindiva, ke isiva wisimba kamanapa avima agalu vatase?" Pigo igeva awema utaye, amalusa yagara wamba yema." Pigo Isu va oimitine," Taga kamana ulimu wema kaga kina takisi megage kinake mo kupiyo ena pugage ngwe mige Anutu kindomu vindiba uma paitama waki venema." ³² Nana viemaye, Joni kanatipa tige ambema aogi vulita kena kanata yema piya vutipa tigeva kamba timatiti putenema ayekava, piya vutepa kaga ige takisi megage kina mige kupiyo ena pugage kina migeva, Joni kamana kava imatiti putayema. Piya vutaya ayelana ataiyo tigeva pindanava ago agatena, tige tindava kamba awema timatiti putena agekava. ³³ Aviyo ka ama kamana to, ka yagara lo mitaye ma oma avawamba waini ugava potama gina, ageva kagisa enava pugasima gina, pigo aliva kenanava potatema, namapa yaelo ndama kitataye ayeva vuma wikenava. Pigo ageva eliya kinapa ala potate waini ugala kavi- iyoma, agewapa pagasa mavindi wagaitaye. ³⁴ Pigo naninda yoka vikena ganava kanataye, pigo ageva kana tegina ayeva gina ngwa aisagataye eliya kinaka uma oimima kaisa wainiva mete kana iyoma agewa ndaga. ³⁵ Piya vutipa kaga eliya kinami yogala kavima migage kinami agate giniva alakuma eliya ndagara wapa, igeva ayegu taye, To ka yagara lo kanatipa paviyama ayegu tataye, to kato kanatipa yaba kasu ayegutaye. ³⁶ Aindiva ma oma ava wambava to ka yagara lo aisaga taye waini uga wati wanoma. Pipa igoma takane amalu isagatipa. piya vutipa kaga eliya kina yogala ayevama kavi gage kina miva kamasa ena vuma kaga iyegu yegaitaye. ³⁷ Aindi pina akaiva, ma oma ava wambava agewa ndagara aisaga taye to igetilo, ageva piya ute aisaga taye, pigo igeva agavebema agaki veyema agewa ndagara aisaga yema. ³⁸ Piya vutipa ige waini ugala kavi gage kinami agate giniva agewa ndagara kana yemava, igewi ika pindiva piya utaye,' Pi ndagarava ava wamba kutata kavi-i ndagara kana yema, ayelana kata, ayegu gasima ava wamba kutapa kaga meli kunema. ³⁹ Piya otama gini igeva alaku atama paivulite yoga oma awali metama ayegu gaite gana puwataye. ⁴⁰ Ivaba pigo waini uga oma ava wamba kanate ginava, ageva nana amba voita kiye waini ugala kavi gage kina tapa?" ⁴¹ Igeva piya omitene," ageva kanate kamba laga amba voita kiyema, piya voitate waini ugawapa aisa kaiki yema toginamita, piya vekina togina milo kavi kiveyema, piya vigina igeva kanara nanindava yokama yoga oma ava wamba aogima amikive yema. ⁴² Isu va piya oimitine," Pilage viyoma tigeva kamba Anutu kamanapa isuma agaya,' Pi ndavapa kamba laga yaba nema kapenda ginami iyolapa igeva ikasiyama awale gaite gana toginami kona yala titi penoma namata. Pindana vutipa Tave yagarama auma laka vuma avola tikana, pindana omava to ena vuma avolataye ma tage taolapa. ⁴³ Piya vika nageva ulimiwe tige kava, Anutu va megai kiye kindomu wapa tige pindisava, ageva togina imikiye piya vekina ige pindi naninda anapa piti uma ayekiyema. ⁴⁴ Kegivaya wawaya uma walewa kive pi ndava ngoma avovoli igeva uma ivako vuma awate nate taka puwa kiyema. Pigoya pi ndava uma walewa kivipa wawayami ivovoli pi ngwa wava kamba laga vuwaki veyema kaga. ⁴⁵ Pigo ige kaga prisi gina minda ano ngayambu gina mige parisi gina mige pi kamana avite giniva ama kamana Isu oimiti, pigo igewipa napitaye pi kamanapa tageka ulami yemava. ⁴⁶ Igeva pigo ke kuyena vutaye age alakuli kenava, piya vutepa tavela iyekuru vutaye tave gina taka wawayapa miteka, pipa nana viemaye kaga wawaya miva Isu kava ka profeti yagara yema agate kana.