¹ Kindomu inatisa guma tisava aeva paviyama kamasa pumaye, yoga oma avawamba waini ugawa atate wagai kiye avaya laka eliya kinaka aguyo sagakena, waini uga pindi eliya piyoma. ² Aindiva aeva eliya kina ngwambige kamana ulite mo kana waini uga vindi eliya pikena ginamige ka yagasa ape ngoma kamana ikena, pigo igeva wataye waini ugawa vindi eliya pikena eliya kinapa. ³ Pigo ageva wataye 9 kiloki vuta ginava uma agakena, piya vutipa kaisa ginapa uga sugama mitaye maketi gumati. ⁴ Ageva piya oimitaye," Tigeva waini uga vindi wama gili eliya uma viyoma, nana vaya tige meyano ikive ndanava ika pulitaku wema. Piya utagini igeva eliyati wataye. ⁵ Paviyama kamasa putaye kegivaya 12 kiloki oma amendai pulite ite kinake 3 kiloki atami amba vute kina keva kamasa puma ika poitataye. ⁶ To katato paviyama 5 kiloki atami taka, to wataye eliya kinaka uma igakena, kaisava ugamba asima mitaye. Ageva piya uma oimitaye," Nanaga tigeva ugambapa asima miye yema mandagasa yagava? ⁷ Igeva piya omitaye agekava," kamba ka yagara mava eliya tapa tavabe gita vunema," Pigoya, ageva piya oimitaye," Tigegeva waini ugane pindi wama uma eliya piyoma. ⁸ Pigo atamipa, yoga oma ava wambava ayeva yagara wakava piya omitaye," kegaye yoma kaga eliya kinaka mengaki vigina ape ngwi imoma. Agovima ai kanai kina tasa wama mo amalu kane kinata ugema. ⁹ Pigo kaga eliya kina kana teganava, kegivaya 5 kiloki atamipa amba agovima vute kinapa, kagapa kamasa ngape metaye pavi ka yagasa ape ngwipa. ¹⁰ Pigo ige amalusa eliya pute kinapa kanama, igeva piyamba napilite kanataye. Tageva meva puma agigi mone mekunema, piya utepa kambaya igegeva kamasa ngape metaye pavi ka yagasa eliya kava. ¹¹ Pigo kaga ape ngwi meliteva, igeva agovima imo kasa utaye waini uga oma ava wamba kava. ¹² Igeva piya utaye," Ige pingeliya kina kegivaya ai taka kane kinapa, igeva ka awando amba veyema, piya vepa kaeva apepa kamasa ape tamenema. Tageva eliya pombepa pa tayala gita taise vama tavuki vaki eliya punema ma ivasa yagava. ¹³ Pigo kana waini uga oma ava wambava ige pindisa ka winaka piya omitaye," Nondagara, nageva kamba ka awava pugata uwema kaendava, kaeva kamba ka kaumava pembe nema piyama ka awa potamagi ape ndepa mekuwe mava pavi ka yaga? ¹⁴ Meyoma nana vaya kaenda enava pavigo kaendaya melite pavigoya woma. Nage kamana yopa pavigo ugasu wema, kevaya ai kanai kinake kamasa puma ika pugata uwema. ¹⁵ Aeva nageva tave nagiva kamba minda yagara mana nauma laka kamanapa uwa? Aeva tigeva kamba ka tiyu mava vendana gaga puwa nage vondana gava, nageva naumane taka puvondana vuwa? ¹⁶ Piya vikana wasana aindi laka kana kivi kinama amalu wakana, amalu taka kana kivembe kinapa aindi kana kivene. ¹⁷ Pigo Isu wati ndanava Jerusalemi, ageva 12 wa eliya kina ngwapa ivamete wati ndanava piya oimitaye. ¹⁸ Agaiyoma, tageva mapa imamuna Jerusalemi, ige kagapa wama ndagarava avama ano ngayambu prisi ginami ke alo gamana aganda kina mike iya pindi nata kiveya, pigo agepa kotimi votama ayegu gasigina puwakiya.' ¹⁹ Pigo igeva avamete wama Juda ginana to ginami iya pindi menatai gina igeva kamba laga kamana otama ayeguma yala ita ataki veyema. Piya vigina ageva aindiva kakaga yaga migai tegina, to mesu aogawa kiyema." ²⁰ Aindiva, isino wisimbage Sebedi ndagara lala misige kanataye," Ageva amba alaka vima Isu agola amba avigataye ka enaga. ²¹ Isu va omitaye," Kagepa nanaga kaviyema? " Pigo ageva piya utaye,," Kageva ala poisitoma ma masine tarava kage kindomu vindi eliya pikive meka kagege. Kawinava kaya takandi miye kana me kawina lova kaya kemasi mivisoma. ²² Pigoya Isu va omindana piya omitaye," Kageva kamba napiene omitaye, nanaga vaya aviga uwemava, tigeva kanara naki veyoma nage nakuwo kapu vindisava?" Igeva piya utaye," Tageva ago kanara nema." ²³ Isu va piya oimitaye ige kava," Kapune taka pindisava uga naki veyema. Pigoya naya takandi asu mala mite naya kemasi asu mala mite pikivenava nage ngeliya nane utaye, pigoya age navanemba ndaena gana ago ala potandiye utaye kegi paya imukuwe mava." ²⁴ Pigo ige 10 wa ngeliya kina milo pi kamana avite giniva, pipa tavela inda omapa kamba aogi vuwama ka isivilataye tara agana gava. ²⁵ Piya vutepa Isu va mata nagola kana iyoma oimitaye," Tigeva ago aganda yema piyamba kaga ano ngayambu ginami kaisa ginatapa kavi itagaga yema, piya vegana ige ano ngayambu ginami igeva inata migaga yema ayeva gina ngwimba tatova. ²⁶ Pigoya piya enava tige tika pindiva kamba miye noma. Pigoya kegavaya ano ngayambu miyeno undanapa tigeli tika pindi, yetamima agaiyo ageva uga eliya kina kanda vulindana vikiya. ²⁷ Pigoya kevaya ayeva yagara tige tika pindi miyeno undanava ageva tigenda eliya kina tikandama milindana vikiye. ²⁸ Pavi kamasa puma, wama ndagara mava kamba kana ndiye agewa ngeliya pikenava, pi age eliya pikena kanatipa kaga wawaya aumawa imikena kanataye ige iwima ivame kena. ²⁹ Pigo igeva Jeriko iva atate mo watepa, igoma kina taka agalu vata wataye. ³⁰ Pingau kwaiva tara aolika yagara lala keta mala mima mitase, pigo tara yagara lalava avitase piyama Isu kanama miye gamanapa, isigeva kegaya uma utase'' Tave, Deviti ndagara,kaeva kandara pulasi toma tasigepa,'' ³¹ Kaga wawaya miva ka isivilate tara gava piya oisimi taye, Tisigeva pakama tisiwamu akunisoma, piya utepa isigeva tavela aye uma kegaye ute piya utase,'' Tave yagara, Deviti ndagara , kaeva kandara pulasitoma. ³² Aindiva, Isu va asima mima kegaye uma piya utaye ,''Tisigeva nana vulasitoma esema?'' ³³ Isigeva piya utase , ''Tave yagara , tasigeva tasiyo aogi vulasitoma usema.'' ³⁴ Pigo Isu va tavela andara poistate, pigo aya isiyola malo atatagina , avaga ena laka isiyova aima ala wata ginisi, pavigo Isu agalu vata watase.