¹ Pingava lapa Isu va kamanapa kaga uma pagi vugaite, pigo Galili va atate, ageva kanataye to distriki lilo Judiya iva malo ngau kwai Jodeni wani ngomapa. ² Tave gin taka wawayapa agalu vata wataye Isu pa, piya vute gana ageva aiyena ginapa kava itataye. ³ Pigo kaga parisi gina kanataye Isu ta, igeva age ataka votakena, igeva piya amba utaye," Tagamba alo oma iyoma kanara kaga kinami waya agaluva kenava, isa kaema amitama iyumala agaluva kaiki veyemava?" ⁴ Isu va kamana ngwipa awema oimitine," Tigeva buku va isuma piyamba nemava aga veyoma. Agovima kaga kina Anutu vutipa, ageva wava ka potate wayapa paviyama ka potate vutayema. ⁵ Pigo Anutu va utine," Pina amika wamava ano avapa atate waya ngwa mbage uma atokaye kiyema, piya vute ginisi isigeva pavigo ka isundana uma vuwa kivesema. ⁶ Pipa isigeva to tara gina tova kamba mikive sema, kamba yema, pavigo isigeva ka kina ndana puwaki vesema. Piya vikibi kana nana vaya Anutu asegaiti ndanava ka yagara mava kamba igaluva kaiki yema. ⁷ Igeva Isu kava omitaye,"Nana viema Mosese va ulami tayema tage kava, piyamba isa kaema waya amitama wayawa enava apako votama agaluva kasigina wano mava? ⁸ Pigo Isu va oimitaye," Pipa nana viemaye, tige tinda omava tavela esegi vuwa tagina gana, pika Mosese va kanarane va ugai tayema. Tige isa kaetama wayawa enava apakoma aisa kasi yomava,piya vutipa kana agovi lasava piyambapa kamba gana tinema. ⁹ Nageva tigeka ulimu wema, pigo wayama kupiyo ena kamba vunda kili wama wayawa ena apakoma agalu vakai tegina,to we mekivipa pi ndagarava ago kupiyo ena pugasa yema, piya vekina pingwe to ka yagarama mekivipa ageva ago kupiyo ena pugai kiyema. ¹⁰ Pigoya ige eliya kina ngwambilo piya utaye Isu kava," Pigo piya vikibi kava, aogi vuwa kiya kaga kina wayawa ena kamba vikibe kava!" ¹¹ Pigo Isu va oimitine," Pi kamanapa kaga kina minda yanema, pipa aeva me ka ka kina mindayema kegivaya aogima mikive kina minda. ¹² Kaisa ginato mindaye kegivaya kamba waya mekena yagara ena vikena ginapa. Pigo kaisa ginatova paviyamba avola tandane anowamba. Kaisava pipa alo atu kasagai nda kana wayapa kamba megagaye. Pigoya kaisa ginatova igewi aku ngatama wayapa kamba menda inatisa kindomu ga napima uga mima eliya pugagaye Anutu nda, wasana kevaya ma kamana mema avikena vikibipa, atagana aogima aveno ma kamanapa." ¹³ Pigo aindiva kaga wawaya miva amana ndakara ndo ndo ivamete kanataye Isu aya atama pure oigasanoma, piya vute ganava eliya ndakara wambi ka ivilataye piya vuteka. ¹⁴ Piya vutepa Isu va piya oimitaye," A ilakuli yoma, itaigina amana ndakara ndo ndova nageta kana iyoma, kindomu inatisa gumapa piyama amana ndo ndo mikandama iyuma mema mala atama imatiti pikive kina mindagaya. ¹⁵ Pigo Isu va aya malo atama kaga yakara ndo ndova pure oigaite ginava, pingau kwai lova atate wataye. ¹⁶ Isu va wama mitagina ka masi mavi yagara amba pavo tataye aeva kanama piya utaye," Tisa, nana aogi enava vutegi aogama asi asima mikenanava mekuwema avigataye?" ¹⁷ Isu va piya omitaye." Nanaga kaeva aogi enagava amba naviga nema? Anutu age asaka aogi yagara viema. Pigoya kage asi asima mikenana mekena vundanapa ,pigoya agalu voma kaga Anutu nda alo gamana ngwa mindi." ¹⁸ Pi ndagara mava nana alo kavaya avigatipa ageva aogima agalu vanoma. Isu va piya omitaye," Wasana to yagarava a ayegu yoma, kupiyo enava a poma, kundanava apute kambari kamanapa ayoma kotila uma asindanapa. ¹⁹ Kageva kano-kava amenda puma miyoma, piya vutegina to gina kava kavuoma kaegaka kavu wambe sapuma. ²⁰ Pi kana masi mavi yagara mava Isu kava piya utaye," Nageva pipa ago agaluva kagauwema pi kaga Anutu ngalova. Pigoya tova nana alo to meva pumava pukuwema aogama asi asima mikenana mekenava? ²¹ Pigo Isu va to omitaye," Pigo kagega aogi yagara miyeno undanapa, mo kaga enaga uma aisa kasima mone mema gina kavona gina mikive iyopoma, piya viki vembe kava inatisa gumatisa igoma ndanagapa asu mekive nema, piya vugaite gina amba nagaluvo omitaye. ²² Piya omitipa masi mavi yagara mava pi Isu omiti kamana avite ginava, anda omapa esegi vuwama kunda ena melite wagaitaye, pipa nana viemaye ageva igoma mone ke kota ngwakeva minda yagara gana. ²³ Isu va eliya kina ngwambi kava piya oimitaye," Taga kamana taka ulimuwema, wasana igoma kuta ngwa minda kinapa inatisa gumati wakenava kunda ivuwaki yema, Anutu kindomu vindi." ²⁴ Nageva togema ulimuwema, kamba ayoma enandova pundiyema kemoli oma nangoma awando vindi ikenava, piyama gana kamba ayoma enando pundiye igoma ndanawa minda kinama asu ivindama ikenava Anutu kindomu vindi. ²⁵ Pigo eliya kina ngwambi pi kamana avite giniva inda omapa iga lumiga vugate piya utaye," Kegi laka kana aogima asi asima mikenanava meki veyema? ²⁶ Isu va igate gina piya oimitaye," Kaga wawaya miva kamba iyo pume gaiki veyema aogima mikenana mekena, Anutu ga imikiyema aogama mikena nava kaga wawayapa, pipa nana viema Anutu ga mo kaga enava pikivi kana. ²⁷ Pigo aindiva Pita va Isu kamanapa awema omitaye," Kageva ago aganda nema tageva kaga enalepa kaite kage amba kagalu vaunema, pigoya pikava kageva nana lamiki venema aindiva?" ²⁸ Isu va oimitaye," Taga kamana nageva ulimuwema, Pindaga Anutu aoso mba vunda kivi ndagava, pigo age wama ndagara siya kini wata mala minda kivita ka esegi enawa pindi mikivi ndagava, tige nage nagaluve kinapa 12 wa siyala asu mala mikiveye kaga 12 wa tu pindi yetami itakena Israeli gina. ²⁹ Kaga kina kevaya nama ngwa kaikivi kinape, agando pe, anando pe, amana pe, ano ava pe, yagara wape, mawape, nage nagelaka. Anutu va imikiye 100 wata avovola puma meva pugsima asi asima mikena nava. ³⁰ Pigoya igoma kina kegivaya amalu paitama wakivepa ai kanai gina, pigo kegivaya aindi kana kive kinapa uma paitama wakive yema.