¹ Pigo pingava lapa kaga eliya kina ngwapa kanama Isu ka amba avigataye, ke age tave vusumava mindi yema inatisa kindomu vindiba?" ² Pigo Isu va kegaye utaye ka amana ndagara ndoga, ageva pigo avama ika pindi asitataye. ³ Ageva asitama oimitaye," Taga kamana taka ulimu wema tigekava, tige tiyuma kamba mema mala tumiki vekaba ma ndagara ndo gandama, kamba laka iga kiveyema tave tigi asume kenava Anutu kindomu vindisava. ⁴ Piyamba kana ka yagarama auma mema mala atama amana ndagara ndo ganda pikivi kava ageva tave agiva mekiye, Anutu kindomu vindiba. ⁵ Piya vikibi kana nage nagela, ka yagarama aogi ena kawina potakivipa kaga kinapa ma amana ndagara ndo ganda pikiveye,pipa nage aogi vunatama nava mekiye. ⁶ Pigoya wasanama kaga yakara ndo ndo kegivaya nageka imatiti pigina ivamalo kamba laga agunda ena vindi awale gaikive kava, pipa aogi vikibika inamula igana ugu atama kayo wani pindi mome vugasi gina tumba naisu wanoma. ⁷ Tave lataka nandava puwe kaga wawaya mamba vindisa ginaka ataka ena kanakivi ndagaga! Pipa aogi enaya ataka enava kana kivikana, pigoya tavela nandara puwa kevaya pi ataka ena votama wasana agunda ena vindi awale yegai kivi kina kava, pipa ageva tavela kamba aogi laka puwakiye. ⁸ Pigo kaya ngoma yo kagisa oma kavama agunda ena vindi wale gata kinapa, pipa alisa kasima mevu gasoma. pipa aogi vuwakiya asi asima mikenana mekena omandaga ka kaye ngomage ka kagisa omage. pipa kamba aogi vikiye tara yaga kayeke tara yaga kagisage kaga yaku pindi wasana gava. ⁹ Pigoya kao oma vekana agunda ena vindi wale wate ginapa, pipa akiyona kasima mevu gasoma. pipa kanara pikiya asi asima mikenana mekana omandaga, piya vugaite ka kau yaga miki vembe kava. Pigoya pipa kamba aogi enaya tara yaga kau mindakana yaku pindi wasana gava. ¹⁰ Pigoya aogima kavima mindili amana ndakara ndo ndo gava memiya tiyuva a me agaiyo. Taga kamana nageva ulimuwe tigekava, manda gumativa kaga angelo wimbava navanemba aoli amba asigagaye kevaya inatisa gumati migagai ¹¹ ndagarama. ¹² Kayeva ayamba napiene pikava? pigoya ka yagarama 100 wa sipisip minda kanava, pipindisa ka sipisip tavangwa kiye, pavita 99 wa sipisip atate gina amuti ageva uma aguyo sagaki vela o kambaye? ¹³ Taga kamana nageva ulimuwe, pigo age aguyosa atate ginava pi sipisip, pikava ageva tavela amu puwakiye mo 99 wa itate uma aguyo sama avabiki vikava, pi ka sipisip wagainda avabiki vikava. ¹⁴ Pavi kamasa ena vuma, tivalimba inatisa gumati mindi ndagara mava kamba aviye ka pi amana ndakara ndo ndo vindisa wagai sanagava. ¹⁵ Pigoya ka kanando agunda ena vugata kinapa, pigoya pipa ayoma awali ayakana umete wama uma iyoge iso tisige lisi mima, piya vegana kamana avekanapa kage ikivembe, pigoya pipa pavigo ka agana enalo amba pikivese. ¹⁶ Pigoya to kage ikivembe kamana kamba aviki vikaba, pipa pavita atate kawina no tara yomalo ivamete wo, pigo piya enaye ikivembe kamana tova igeva avisiyama kana gamana mema aogi viginaba kunda enava kamba misiya vikiye. ¹⁷ Pigo pingawa ginami kamana avisanaga akasiya vuwa kanapa, pigoya pi kamanapa melite alotu namati waiyo. Pi alotu nama tisa gamana kamba ave kanapa, pipa me aveisa takisi mena kina agasuma agandili mo Juda gina nanema agaiyo. ¹⁸ Taga kamana nageva ulimuwe, nana vaya mamba vindi alakuli kive ndanava Anutu va paviyama inatisa gumativa alakuli kiyema, pigoya tige mamba vindi iteta gaikive kava Anutu va paviyama inatisa guma tisava iteta gaikiyema. ¹⁹ Nageva togema ulimu wema, mamba vindiba, pigo tara yagara lalama ka isuma vuma ka enaga aviga kiveme ndanava, pipa nava nembava inati mindi ndagara mava isimikiye nana gavaya ikiveme ndanava. ²⁰ Ayeta piya tara yo kakaga yoma akima mikivepa nage nagelaka, pipa pavi ika pindiva mikuwema. ²¹ Aindiva Pita kanama amba avigatine Isu ka, tave yagara, ayakita nanando agunda ena vunata kipa nageva ayakita agunda enawapa megai kuwema? 7 wata megai kuwoma? ²² Isu va piya omitine, nageva piyambapa kamba ugami nduwema 7 wa tanemava, kambaya, kageva megasoma agunda ena pugata kinapa 70 wata seveni lanema. ²³ Piyamba kana kindomu wa Anutu ndava kamasa puma ka kini ngeliya kina ngwambi nda dina mema aogi vota kenava. ²⁴ Pipa aeva agovima dina ena aogi votakena vundanava ageva avamete kana kiye ka eliya ndagara, 10,000 wa siliva mone ku dina amikena kini. ²⁵ Piya vekina pingavala mone ngwa kamba miye kanava dinawa amikena, pigo woyapa wambava esegi gamana ikye aisaga iyoma pi eliya ndagara wake analimba ke yakara ndo ndo wake kaga ena wakeva, pi dinawa mindi ami kenava. ²⁶ Piya yekanava pi eliya ndagara wambava melu alaka vima aowava mavindi laka ivalatama woyapa wamba agisa vindi ageva piya ikiye," Woyapa, kandara punatoma kaga dinava kamu kuwa kaga enaga ndaga." ²⁷ Piya utaginava woyapa wambava andara potama eliya ndagara wakava, aeva megai taye agunda enawapa, piya votama iteta atataye kanarana woma. ²⁸ Piya vutipa kana eliya ndagarava wama to eliya ndagara 100 kina dinawa minda yagaraga uma agataye. Ageva wama uma paivumete kanataye anamu gana umete kanama piya utaye," Kageva pavigo avaga enaga dinaga namoma." ²⁹ piya uta ginava pi eliya ndagara mava aowalisa mavindi melu palo kaema agisa vindi piya utaye aumava mema mala taka atama," Kandara punatoma dina enagapa kamu kuwa nageti mindipa. ³⁰ Piya vutipa pi amalusa eliya ndagara mava kamana utipa kamba avitaye. Aeva kalabusi vindi avabute metataye dinaga nami gasaga kane omima. ³¹ Pigo ige kata eliya pugage eliya ndakarami piya vuti agate giniva, kamba imu putaye. Kaga igeva kanama woyapa wika amba omitaye kaga ena avola tikava. ³² Aindiva woyapa wambava pi eliya ndagara wakava kegaye utagina kanataye, pigo aeva omitaye aekava," kaeva kamba laga eliya ndagara gayema, kaeva kaumava mema mala atama naviga taka nageva nandara pugata magi agunda enagapa megaga sima iteta gatatu wema. ³³ Nana viema kaeva kamba kandara potanema eliya kina kame kava nage kaye pugato sapumava? ³⁴ Woyapa wambava tavela amo potama eliya ndagara wapa kaisa gina iya pindi atataye avuki vaki enala ayetai gina mita wamagina dina wapa uma pagivu gasanoma. ³⁵ Piya ena omapa navanemba inatisa gumati mindipa ageva pavi kamasa ndana vikiye tige tapa, tige agunda ena vulita kive kamba meigai nda uga napi itama mikive kava nana vaya vulita tekava.