¹ Sikisi wa ndaga atawa gaita ginava Isu va eliya kina ngwa ivamete Pita na Jemisi na Joni na agando Jemisi na suma, pavi ige mana itaye ka inatisa amu pindi laka. ² Isu va asu awema to auga puwataye, aowa vindisava yewasa vuwama pa ngoma aowa liganda vuwataye, autasa enaliva asa vuwama kane yaku tasu vuwate vutaye. ³ Piya vutagina avaga enaga Mosese ge Ilaija ge amba asima kamana utaye Isu ge. ⁴ Pita va piya vute agate ginava Isu kava omitaye," Tave yagara, aogi laka puwaye mata mindo mbepa. Kaye kaviki vikava, mata kakaga iguguya ndama kilita noma, kaenda ve, Mosese ndave Ilaija ndavema." ⁵ Pavi Pita kamanapa uga uma mitagina, ka ilagi yewasa vuma kane tasu vuwanda ilagi kanama amba ilalike itataye, pavi ilagi vindisaba ka awamu kegaye kanama piya utaye ," Mevipa nage ndagara yema, nagepa navu wagagai ndagara nenema ageva nagene nauma agalu vakaga yema utaye, age ikivi kamana avoma. ⁶ pigo eliya kina ngwambi pi kamana avite giniva, kaga igeva iyekuru vuma gini iyowava mavindi laka palo kaye wataye. ⁷ Pigo Isu va amba ipage puma asi itataye ," Tigeva a tiyekuru viyo oimitaye. ⁸ Igeva mesu asima agatepa pitapa ka yagarava kamba mitaye, Isu asa andowa asima mitaye. ⁹ Pavigo amutisa lumima mitegana, Isu va esegi gamana oimitaye," Tigeva ka yagara gava a oimiyoma ma iva agaye ndanagava, Pindaga aindi wama ndagara puwanda kinami mba vindisa asilite kana kivita uma agema. ¹⁰ Pi kaga eliya kina ngwambiva Isu nda avigataye piyamba, pipa nanaga alo vindi agaga-ge kina miva ugaga yema Ilaija va paitama kana kiyemava?" ¹¹ Isu kamana awema piya utaye," Ilaija va kanate kaga enava ambema aogi vuma ami-ilili vikiyema. ¹² Pigoya nageva ulimu wema, Ilaija va ago kanagai tayema, piya vutipa ano ngayambu gina miva kamba aogima agavebe vutaye. Kambaye, Igeva kamba aogi enaga potataye. Pavi kamasa puma wama ndagara mapa tavela kamba laga vota kiveye iya ngwi pindisa. ¹³ Ige eliya kina ngwambiva napima agatepa Isu va kamana oimima mitipa Joni wani meimi gagai ndagaraga iyema agataye. ¹⁴ Igeva wama wasana igoma kina miteta wate ganava, ka yagara Isu agisa vindi amba alaka vima piya utaye. ¹⁵ Tave yagara, kaumama votoma masi yagara neka, ageva amanani aiyena avuwandi kana tavela kamba laga vuwa gagayema, igomata taka yaku pindi yo wani pindiva walewa gaga yema. ¹⁶ Nageva avamete eliya kina kata woginiva, igeva kamba aogi vota yema. ¹⁷ Pigo Isu va awema piya utaye," Tige pi kinapa kamba aogi ena vuna kina tagili kamba timatiti enava pugaga yema, aya kita nageva tigegeva miku wema? Ayakita kamanapa ulimu kuwema? Pi kana yagara avamete ma nagola kano omitaye." ¹⁸ Isu va ka avilataye pi kamba laga spiriti kava, piya vutagina pi kamba laga spiriti va atate wataye masi mavi yagarama anda vindi sava. Pavi ngava ndola kana masiva aseyo vuwama asiwa taye. ¹⁹ Aindiva, kaga eliya kina ngwa ndakara kanama piya amba utaye, nana viema tageva kamba laga spiriti va agalu vakunema? ^{20- 21} Isu va piya oimitaye, nana viema timatiti enava amana ando lakapa peyema, tigekega ulimu wema taga kamana, piyama tige timatiti pikive ndana amana ando lakane ikivi kava masteti ai kandama, tigeva oimiki veye male ngamu ngoma gava," Takulite malo ngaukwai wo iginava, kamba ka ena omava akutita kiyema tige tapa. ²² Galili kaga umite tapa, Isu va eliya kina ngwa kava piya oimitaye, wama ndagarava avamema kaga wawayami iyapi ataki veyema. ²³ Igeva ayegu igina puwa kiyema,piya vigina aeva kakaga yaga umigaite to mesu aoga kiyema," Piya utagini eliya kina ngwambiva avite giniva igeva iyuma wipindiva kunda ena mete napi napi vuwataye. ²⁴ Pigo kaga to Kapeneyamu kanataye, takisi mena ndagara Pita ta kanama amba omitaye,'' Tisa limbava takisi va pagaga vela kamba yema?" ²⁵ Pita va omitaye,"Yea ,"Pigo Pita nama pindi itaginava, Isu va piyamba avigataye," Saimoni kaeva ayamba napi enema? Kini mamba vindi miyepa aye kinami pindisa takisi va megaga yema? Pavi igewi kinami pindisa vela to ginami pindisa megagga yema? ²⁶ Pigo Pita va utine, pavigo mo kaga kinami pindisa yema." Isu va omitaye," pigo piyambane yekanava, pigoya kaga igewi kinamiva takisi va kamba pakena yema. ²⁷ Pavigo ya to ka kamanapa kamba oita kunema ayugu igelo agunda ena vindi wale wakive kata. Pigoya kageva tumima gina kayo waniti uku melumbe votama ka pisi meyo omitaye,ukimi votama gina igoma pindisa ka pisi amalu kanakivi awamu atala tama siliva mone meyo omitaye. Pi mbone mema takisi mena kina nageke kaekake ndaga imo omitaye.