¹ Kaga Parisi ginake Sadusi ginake kanataye Isu ataka votakena, igeva amba avigataye kaisa alandana vegata aganoma mandali. ² Piya utegana Isu va awema piya oimitaye," Pigo agegana mandali tete vuwa kilipa, pikava tigeva piya ugaga yema, aogi yaga avola kiyema aiva. ³ Pigo avayalo amba avola kilipa, tigeva piya ugaga yema, pavigo kaye kiyema, pipa nana viemaye, mandali tete vuwaipa ilagi oma ilalike wama kaga aukwai ,' Tigeva inati mandali malo agate gili yetami gagaye, napi-iyo aiva nana yaga vaya avola kiyema aga-gagaye, Pigoya tigeva piya ugagepa tigeva kamba gakiveye ma iva avola kivi ndana oma pagusa kiye nanavaya aindi avola kivi ndana oma kava. ⁴ Kaga wawaya kamba laga ena vute kupiyo ena pikive kinapa, igeva ala ndanaga agaki veya ka ala ndana avola kivipa, Jona ndaga avola kiye," Piya ute Isu va itate wataye. ⁵ Pigo kaga eliya kina ngwapa malo ngau kwailo wataye, igeva igeguwa vuwataye breti mekenava. ⁶ Isu va oimitaye aogima kavi-iyoma ayugu kaisa parisi gina mike Sadusi gina mikenda yisi mekiveya. ⁷ Kaga eliya kina ngwa mbiva igewi kamanapa ulite gini igewi ika pindi piya utaye," Napi yombepa tageva breti va kamba mete kanokana ma kamanapa iyema." ⁸ Pigoya Isu va piya kamana utepa ago avigaite ageva piya utaye," Tigetiva timatiti pendanava amana ando laka nema, nana viema tigeli tika pindiva piya gamanapa yeyema," Isu piya ipa tage breti kamba menda kano mbeka iyoma? ⁹ Napi yopa tigeva kamba napi yeyema 5 wa breti nage 5,000 kina imitopa, piya vute ayaki wanugu tigeva ilagi taema atu natu nanindava? ¹⁰ O 7 wa breti lo 4,000 wa kinato imutu oma, pindagava ayaki wanuguto ilagi tayema atu natu nanindava? ¹¹ Ayambato tigeva kamba alaye nageva piyama breti gaya suwe mava? Mevi tigeva aogima kavi-iyoma yisi gava Parisi gina mike Sadusi gina mindage gava." ¹² Pigo aindiva eliya kina ngwa mbiva kamana ngwa utina amingwapa pigo melite napitaye age i kamanapa yisi breti vindi gaya siyema, Pigoya ageva tageka aogima mi-iyoma ulami yema ayugu uga suga gamana puliya kisiyema Parisi gina mige Sadusi gina mige. ¹³ Pigo Isu va wakala kataye ka mbala Sisiriya wakala taka pilipai va, ageva ivigataye eliya kina ngwa kavapiyamba," Wama ndagara agate giniva, igeva keyema napi veyema? ¹⁴ Kaga eliya kina ngwa mbiva utaye," Kaisa gina miva Joni wani meimina ndagara yema, to kaisa milova yeyema Jeremaiya ye yeyema, o ka profeti ginami ika pindisa yagara yema yeye omitaye." ¹⁵ Isu va omitine," pigoya tigeva nagekava kegayema napi yeyema ivigataye? ¹⁶ Pigo Saimoni Pita va awema omitine piyamba," Kageva Kkraisti gayema, Anutu ndagara kaogama asi asima miyembe ndagara gayema. ¹⁷ Isu va awema omitine," Saimoni Joni ndagara,kaeva kamu pikivena, pipa nana viemaye wasana miva pindapi enava kamba kameya, navanemba inati mindi kana pindapi enava mema ala gatagina yene utaye. ¹⁸ Piyamba to ugamuwe , kageva Pita gaya,nageva alotu nama ndepa yaba avovoli kikuwe, pulikena omanda esegi ena wambava kamba mema malapa kataye. ¹⁹ Pigo nageva ki va kamu kuwa kindomu lasa inatisa guma tisava, piya vekana mamba vindi kage nana vaya takuli kivembe kava Anutu va inatisa gumatisa enava takuli yema, kage mamba vindisa ena iteta gaiki vembe kava, Anutu va paviyama inatisa guma tisa enava iteta gaikiye." ²⁰ Pigo Isu va eliya kina ngwa kava oimitaye, tigeva a oimiyoma ka yagara gava nage kava Kraisti yemava. ²¹ Pingava lapa Isu va agovima oimitaye eliya kina ngwa kava, piyama ageva Jerusalemi wakiyema, ageva igoma kunda enava mete avuki vaki enava ume kiyema anonga yambu ginamike hetprisi ginamike alo omatisa ginamike iya pindisa, igeva ayegu igina puwa kiyema, piya vikibepa ageva puwa kivi pindisava kakaga yaga migaite to mesu asikiyema. ²² Piya utaginava Pita va avamete awali metama esegi gamana omitaye Isu kava, Tave yagara, pi kaga yembe ndanava kage kautapa kamba ganate kamba kautapa avolanoma kambaye utaye. ²³ Piya utagi nava, Isu va awema Pita kava omitaye," Satani! Kageva ayewa natoma nage tasava, kageva nagenda ke aku ndagasana, kageva aogi napi enava kamba vena Anutu nda ena gava, kagenda tave napi enava wasanami ndapi ena venema." ²⁴ Pigo Isu va eliya kina ngwa kava piya oimitaye," Pigoya ka yagarama nage nagalu vakena vundanava, agewa aumava mema mala atate gina, ageva alapa yawapa ayesaga mete amba nagalu vano nage. ²⁵ Ka yagarama tave auma waka napi wakivi kava aumawa aogima miwa nomava, pipa aumawapa uma iteta gaikiye. Pigoya age nage ngeliya taka aumawa megai kivipa, pipa auma wapa membe kiyema. ²⁶ Pigoya ka yagarama igomata napi wakivipa kaga mamba vindaisa enaga, nana aogi enava mekiye? Nana aogi enava mindiye aumawa me ika pumeke nava? ²⁷ Wama ndagara tave esegi yaku ngwa pindi me kana kivi ndagava avawamba nda angelo gina ngwake. pindagava ageva imikiye ape ngwipa kaga wawaya kanara puma eliya ngwi pute kanara ugema. ²⁸ Taga kamana taka ulimu wema, kaisa mata asima mindepa, kamba puyewa ndigina wama ndagara kana kivipa aga kiveye kini gandama.