¹ Nanaga tieva maka uma akemba ndanava pugagaye tigeli tika pindiva? Napiyo kava pi kamba aogi enava tigeli tinda oma auma laka kanai ndanaye. Piya vuma tigeva wawayami nda imatiti ena omava kamba imu pugagaye. ² Tigeva tavera kaisa ena gava tivu wagagaipa tigeva kamba megagaye. Piya vika tigeva time ndana gava tivu wategili iyegu kena vugagaye, pigo tigeva kamba mekiveye. Tigeva maka ute akemba ndana pikiveye. Tigeva kamba ka eneva mekive nana viemaye tigeva kamba avi gagaeka. ³ Tigeva avigate gili tige kamba ka ena mekive kava pipa nana viema tigeva kamba napi enava veka. Nana viemaye, pigo tige mekive kagava tigeva kamba aogi ena pikive ka tigeli tiuma laka tindali pindi. ⁴ 5Tigeva piyama ka kupiyo we kandama! Tigeva kamba agayepiyama Anutu va kamba avugagaye ige wawayami mamaba vindisa ena pugagaepa. Piya vika wawaya kegivaya mamaba vindisa ena agaruva gagaepa igwi Anutu agama gina ndana pumegagaye. ⁵ Napiyo kava tige pilageveye piyama pi kamanapa Anutu uwamba iyema piyama," Anutu nda Awamusa ngoma tage pindi mindipa anda akusa wagagaye?" ⁶ Pigo Anutut nda aumama ena wapa meva pundika, piyama Anutu kamana ngoma undika ," Anutu va melungava pugagaye ige kegivaya igewi inata pume gagepa pigo ageva poitagagaye kevaya melungava pumegagaipa." ⁷ Piya vika tigeva Anutu amenda pindi vuma miyo. Tigeva Satani pa agaruvai gina ageva aegaka wakiye tige tapa. ⁸ Tigeva anutu agola kanai gina, pigo ageva tigola kanakiye. Tige agunda ena pugagae kina mitava, tigeva tiya ndanana pugaite gili pigo tigeva napi ena, tinda mema aogi viyo. ⁹ Tigevava napinapima, tindala pute kuwe ataiyo kamba aogi enalika. tigeva a kagi vute, tindala ena viyo. tigeva a timu pute, tindala ena viyo kamba aogi enalika tige. ¹⁰ Melu ngava pulite tigeli amenda piyo Tave yagara mata, pigo inata pulita kiye tigepa. ¹¹ Kaga nanata-vara, tigeva wasuga kamanapa a tigeli kava iyo. Kevaya wasuga kamana anandka otakiye kaisa ginami pikive ndana aigiti kivi kava pigo, pi ndagarama alo aigiti kivi, pigo alo aigitina ndagara mikivembe kava, pigo alopa kamba agaruvane, pigo pipa jasi kina kandama mindane. ¹² Anutu age asa alova tamitine kana age jasi yagara kandama mindiye. age wasanava aopute gina wasanava mema wasuga vikiye. Pigo, tige kegitava aigiti gagae ige kaisa ginami pugagae ndanaga? ¹³ Aviyo ivava, tige pi kina mita piya ugagae," Ivayo aiyo tave taunili wagasima, ka iya umi gaikune paviti, pigo bisinisi ena uma vuma tave ena vukunema. ¹⁴ Ke agagaye aiva nana avolakiye mava, Pigo tigeva tiyo agama mikiveye? tige tiumava piyama wena ilagi kandama alo ndaga ndo kigate gina pagivuwai sapuma. ¹⁵ Pigo tigeva piyama kamba ikiveye," Pigo tave yagarama aumaye ikivi kava, tageva mima pi ndanava pukune." ¹⁶ Pigo ivava tige meme inata pumeyaye tigelika kaga yeliya tige pikena veka. Kaga piya ena tige tige mema inata pume kena enava, pipa kamba aogi enaye. ¹⁷ Piya vika pigo ka yagarama aogi enamana aganda kivi kava ageva pi ndana kamba vikiye, pigo pi ndagara mava ago agunda ena pugagaye.