¹ Nageti kamana mindiye tige kaga mone kina mitinda. Tigeva aye uma kuwe ataiyo, nana viemaye kaga kamba aogi ena avolakiye tigeta. ² Kaga aogi ena lipa ago magiwama kavagina ngoma kaga tiutasa enava ago naegasaye. ³ Kaga goli ge siliva likeva ago yawasawaye. Pi kaga yawasai ndana limbava omikiye Anutu tige aigiti kivi ndagava. Pi yawasa wanda ena limbava tige tivanakiye yaku kandama. tige kaga kota tipa aki vuma miyo aingago yaga saga Anutu tige aigigtita kivi tasaga. ⁴ Tigeva aogima napigasima nana vaya tige pugagaepa. Ape tige kaga yeliya kniami tindava kegae ugagaye Anutu ti. Tige kamba aogima ape ngwipa ika poitateka yeliya kina kevaya nainda aki pulitati yoga vindisa, kuwe ngipa yeliya kinaminda Tave yagarama age vindi waye age Anutu ige tave gina ami. ⁵ Tigeva mamba vindi aogima laka miyo igoma ndana awagitama meva puma laka. Tigeva igoma naida nama tigaepa tave vuwa gina tiyegu kena yagava ago wakarasa waye. ⁶ Tigeva kambari kamana otama ige ovuloto kina uwamba iyeguyeye, Pigo ige pi kinapa kamba kamana tipa eguma maka ulitama tigasigagaye tigepa. ⁷ Piya vika nanata vara, tigeva ayoma mima agawa piyo Tave yagara kana kivi ndagaga. Agaiyo, ige yaga wi minda kina miva agawa pugagaye agoi nainda wika mavindisa. Ageva ayoma mima agawa pugagaye nainda amarusa ka ete gina alasi ka egagaipa nainda anosate gina nagari gagai yoka vikena. ⁸ Tigeva ayoma mitegili tigeva tinda omapa mema yesegima miyo, nana viemaye Tave yagara kana kena yagava ago wakarasa waye. ⁹ Kaga nanata-vara, tigeva igoma kamanapa a iyo tigeli tika pindiva piyama Tave yagara mava kamba tagepa koti enava pulitano mava. Agaiyo, Tave yagarava agewapa jasiye aigiti kena ageva asindiye kavela. ¹⁰ Kagag nanata-vara mitava, tigeva napiyo ige profeti ginamiva tave kunda ena aesagavitaye Tave yagarama age laka kamana mema pagusata nasite ngavala, piya vutepa pigo igeva ayomando mitaye. ¹¹ Agaiyo, tageva piyama Anutu va aogi ena ige wawaya mita yesegima mima kunda ena esagaviyoma. Tigeva jobupa ago agandaye, ageva igoma kunda ena aesagaviti mbapa ageva ayomando mita gina Tave yagara mava aogi votataye. Tageva agaune piyama, Tave yagara Anutu va agenda andara enage aumama enageva. ¹² Nage nanata-vara, tave ena lakapa piyamaye,tigeva inatisa ena oma age yo mamba vindisa ena oma ageva a uma taga kamanapa ute yesegi kamanapa iyo kaisa ena oma kava. Pigo tige ikive kava ," Ye " pigoya atagana kamanapa miyeno," Ye " pigo tige ikive kava, Kambaye " pigo tigeva piya viyotigeva kamba amenda pindi mikiveye Anutu koti omapa. ¹³ Pigo kawinama tige tika pindisa tave kunda ena aesagama miye kilipa , pigo ageva pure yeno Anutu ti aopenoma age. ¹⁴ Pigo ka tige tika pindisa amu ena oma awita wakinava, pigo ageva ini uma Anutu age mema inata peno. Pigo ka tige tika pindisa siki ena ave kinava, pigo ageva alotu namatisa anongayabu ginama pure ogasano age. Igeva auti weli paiatama pure ogai kivi kava Tave yagarama agelaka pipa Anutu va siki ena wapa aogi potakiye. ¹⁵ Ige imatiti kinami purepa siki ginapa anono poitagagaye. Pigo agunda ena pugagaika pagusa kivi kava, Anutu va megagaikiye agenada agunda ena wapa. ¹⁶ Pigo piya vika tigeva tiyoka liyoka pagusaiyo agunda enalika kaisa to kaisa ginata to igege pure igina Anutu va kanara pulitakiye. Ovuloto yagarama purepa yesegi ena wa mindiye wasana kanara poita kenava. ¹⁷ Elaija ageva kamasa puma tage kanda yagaraye. Pigo ageva yesegima pure utine kava kamba aeyanoma pigo piya vuta gina kava kamba aetaye kakaga yiala 6 wa ngu pindi. ¹⁸ Pigo aindi lo Elaijava pure uma Anutu ka avigata gina ka aisaga gana kananoma, pigo Anutu va ka aisagata gina tumima kaga naindava avolataye mavundisava. ¹⁹ Kaga nanata-vara, pigo ka tige tika pindisa Anutu nda taga kamana kaikivi kava, pigo ka anando avavumete mekana kivi kava. ²⁰ Tigeva pigo piyama agaiyo pi anando yeliya pikivi sini gina iyopi kena kamba kamba pulenoma pigo Anutu va megagaikiye igoma agundaena wapa agenda.