¹ Kaga nanata-vara, kamba igoma yakara mava kanara avolakiye posenda kina Anutu kamana poiyaki kenava. Taga agaune piyama, Anuntu va aigitikiye tage kaga posenda kina mitepameva puma ige kaisa ginamipa age koti lapa, nana viemaye taga poiyaki gagambeka age kamana ige wawaya mita. ² Tage pugagaune paga pama ena igoma kitasa.bPigo ka yagarama paga pama ena kamba pikivi kava ageva aogima kaga autapa eva vumekiye. ³ Tageva aini atu hose oma awamu pindi ata gagombe tage tauma agaruva noma. Pigo tageva kaga au agokae venoma hose oma nda tage tauma agaruva noma. ⁴ Napima age sipi omaka. Sipiva tave ena gana yesegi iguguya ngoma avavulite wagaipa, pigo kepteni ginama agokae pugagaye awema agokaena ndana wa tasa sipiva awe votama wagagaye. ⁵ Piya vikana, tandevuva tau ngoma nda wena ena ndoye, pigo ageva age mema inata puligagaye. Tageva agano piyamawena yaku ando tagagaipa pigo ageva tavepe ya nanama kaegagaye. ⁶ Tandevuva yaku kanda vundiye. Ageva ka tau atu kanda vundiye to ena lo ena kamba aogi ena avola gagai kamba aogi kuma pindisa yaku kandama. ⁷ Ige wasanami kavu gina nema gini kigagaye ige kamana avima agaruva iyoma. kaga kavara ke mavindi nasi kina wani pindi mi kina keke. ⁸ Pigo tandevu, kamba ka yagara mava poyaki kiye kamana ikenava age. Age wasuga tage kamba eva vota kuna. , pigo ageva wasuga ena oma awagita wandiye wasana aegu kena . ⁹ Tage tandevu omage, tageva age mema inata puligagaune Tave yagara Anutu Tavelemba, Pigo pavi tandevu lasa lo kamba aogi kamana uma kaisa wawaya Anutu agewa aogi poitate. ¹⁰ Pi ka yawamu ando vindisa tageva Anutu pa age mema inata pute gita kamba aogi kamana ugagaune. to kaisa gina kava. Tige naga gava, piya enava a avolano. ¹¹ Ka kavindisa wani ngomava aogi wani avolate to sole wanipa avola gagaya katapa? ¹² Nage nanata-vara mitava, Kanara fiki ya omava olivi ana torova aegagaya? Pigo waini ya omava fiki anapa aegagaya? Pavi kamasa puma sole wani ngomava aogi wani ndanava pikiye. ¹³ Kevaya tige tika pindisa aogi napi ena ulindiye? Atagana pi aogi ena poiyakeno yeliya ngwa pindiva mema melu mala pumeyano aogi napi ena lasa. ¹⁴ Pigo tige kamba aogi tinda kaisaga pute tigeli tindaga napili kive kava , pigo tigeli kava a mesuva pulite a kambari sumeiyo taga kamana tasava. ¹⁵ Pipa kamba aogi napi ena kana ye hevenisava. Kambaye, pipa paisa anda omanda enage wasuga spiriti ge Satani ke ndaye. ¹⁶ Ige kaisa ginami to ginami ndanaga kamba aogi inada pugagaepa, napi ena wipa aisigi puwa gagagini kamba aogi ena pugagaye. ¹⁷ Pigo aogi napi ena hevenisa gagaipa ageva amaru ena kandage kalini puwama aogi ena laka , ageva aogima aumama ena awagitama aogi ana aete yesegima ovuloto puwandane. ¹⁸ Ige tanda akusa kena ginapa aogipa aogi agepa aindana kukagaye ovuloto puwanda ena inda vindiva.