¹ Kaga nanata vala, tigeva timatiti enava Tave yagara Isu Kraisti ke kaisa ginaka tivuwa kena enava vindiba upeve vuwaiyo. ² Pigo ka yagarama goli lasa pumalanda arinige aogi autasa enage pulite aki ena gumata kanakiye, pigo ka kavona yagarama uga suga autasa ena pulite kana vikibeye. ³ Pigo kagaeva aogi autasa ena pulite kana kivi ndgagra agate ikivene," Namu pugatawa kageva mata akusama aogi siala amba mala miyoma," pigo kavona yagara gava," kageva malota asima mikena yo mavindi mala miyoma,". ⁴ Pigo tigeva kamba pilageveya wasana aigiti kena gina kandama mima tigeva aigimba tigeli ke uga suga napi ena visiye? ⁵ Aviyo nanata vala laka nedmbita, pigo Anutu va kamba ala poitata vayaye ige mamba vindisa kavona ginapa esegima imatiti enava puta waiyoma aogi kuma ngwa pindi age imu kuwema otandi ige kegivaya ageka ivuwa kive kinaka? ⁶ Pigo tigeva ani ndanala aeta gagaye pi kavona ginapa! Napi-iyo. Ige igoma ndana wi minda kinami uga suga ena pulita gagaya. Ige pi kinami mema uga suga pulitama gini koti lapa malo tita gagaye. ⁷ Igeva akayasu gagaye aogi agi tage Tavelemba ka Isu Kraisti. ⁸ Pigo tige aovuloto puma laka Anutu ngalo agalu vama pikive kava buku vindi mindi sapuma pigo ageva piya utaye," pigo tigeva tivuwaiyo to gina kava tigelika tivuwe sapuma ," pigo tigeva aogi ena vute. ⁹ Tige kaisa gina tiyuma imi kive kava, pigo kaisa ginaka kamba livuwa kivekava tigeva agunda ena peye, pipa ago alo ngomava koti ena pulitaye piyama alo akayona kina kandama. ¹⁰ Pigo ka yagarama kaga Anutu ngalo agaluva kaga kivi kava, pigo ka ngalo wapa akayo gagaye, pigo pi ndagara mava kaga ngalo akayota gagaye. ¹¹ Anutu va iye," kupiyo enava a poma," pigo kupiyo ena kamba vute gina wasana aegu kivembepa pigo alo akayona ndagara ena puwa kivenema. ¹² Piya vika tigeva kamana titapa pi alo ngoma amenda pindi puma mi-iyoma . Anutu va aigitikiye kaga pi ndanage alo keva agunda ena omanda esegi ena wapa akayo gasima mema fari pulatakiye. ¹³ Anutu tage aigiti kivi ndagava, ageva kamba anda valu enava poitakiye ige wawayami iyumama ena kamba kaisa ginaka pugagaye kava. Pigo kaisa ginaka andara potagagai ndagarava, ageva kotiva agaikiye. ¹⁴ Tige nanata vala, pigo ka yagarama ikikye," nageva namatiti puwema Tave yagara Isu Kraisti ta ," pigo kamba aogi eliya pikivi kava pipa pi ndagarama amatiti ena wapa ayamba avabumekiye? ¹⁵ Pigo ka kanando yo kamana ando kamba aogi autasa ena pulite gina nainnda wa kamba minda kivi kava ka ka yaga. ¹⁶ Pigo ka timba tige pindisa piya ikiye ageka," kageva a napi napa vuwoma, kautasa ena mete nanindaga uma aguyosama gina nagana kandava kagaepa noma," pigo pi kamana ngomava ayamba agepa aopikiye pigo tigeli autasa enage nanindage kamba imi kive kava. ¹⁷ Pipa pigo kamatiti ena vembe ndanava uga suga ena ganda puwakiye. ¹⁸ Pigo ka yagarama ikiye," kageva kamatiti puga gambeka, nageva aogi ena mana puga gauwema," Nayako kage kamatiti ena puga gambepa kamba aogi eliya ngwa pugagaika nage kayaki kuwe nage namatiti enage kaga aogi eliya ngwa ke. ¹⁹ Napiyo. Kage kamatiti pikivembe piyamba ka Anutu mindiyema. Pi kamatiti enava aovuloto puwa kiye. Pigo kamba aogi awamusa keva paviyama imatiti pute gini, igeva iyekuru pugagaye tavela. ²⁰ Kage pindi kamba aogi napi ena minda kivi kava. kageva kamba agandane , pigo kage kamatiti ena mana pute to kaga kamba aogi ena pikivembe kava, pigo pipa kamatiti enava uga suga ena puwakiye. ²¹ Anutu omitatye Abramu tage atalembaka aovuloto yagara gayema age eliya putika yagara wa Aisaki amitika ofa gandama altala. ²² Kage va agao, Abramu amititi puma aogi eliya putika, pi aogi eliya ngwa ngoma agenda nagali wataye age amatiti ena wambava. ²³ Anutu buku oma va piya iye," Abramu Anutu ka amatiti puta gina Anutu va aovuloto yagara gayema omitine," pigo Anutu va omitaye," Nage nao ndagara gayema. ²⁴ Ivaba agane kage, pigo aogi ena manaka Anutu va omigagaye ka yagarama age aovuloto yagara gayemava, pigo kamba amatiti ena mana kava ugagaya. ²⁵ Piya vika, Anutu va Rehabi kava omitaye pi kupiyo we ka aovuloto we kayema aogi eliya age putika eliya kina ngwa ivabuma to giti isagatika. ²⁶ Pigo piya vutipa pipa au ali omava aumava kamba amikiye age pindiva, pipa au aliva puwa tasine. Kamasa puma wasanama amatiti pute gina kamba aogi eliya pikivipa age amatiti ena wapa puwaye.