¹ Nageva pindanaga aogima agoma ugamuwe: Atutisa yaga vindiva aindiva tave yagarava kanakiya suma, pipindiva kamba laka aogi puwaki vine. ² Wasamiva igewika ivuwate me kaisa ginakava kamba aogi poita kivene. tave enava moneka ivuwaki veye. piya vundini igewipa mema inata pumekiveye. Tavela inata nasikiveye. Me to kaisa ginakava tavela ikaya sikiveye. Igeva kamba inogi ivagi kamanapa kamba avikiveye. kamba aisa kamanapa kaisa ginakava kamba oitakiveye. igeva kamba Anutu kava napi kiveye. ³ Pavi igewitu kava kama laka ivuwaki veye. Igeva ka yumalapa kamba migaki veye wasana migeva. Igeva kamba aogienaga poitakiveye. Igewipa kamba aogima kavima nasikiveye. Igeva togina kava kamba laga kamanapa oitakiveye. Igeva aogi enagava kamba ivuwakiveye. ⁴ Igeva imupu wakiveye, me igewi imupu wakenana gaga agakiveye Anutu pa ika amigaite. ⁵ Igeva kambari ena vikiveye Anutu kava, igeva ika amigaikiveye Anutu va taga kamana nga pindi esegiena imikena pikivipa. Pagasama miyo piya ginamage atokaye sanagava. ⁶ Pikinamiva me kupiyo ena vuma aivo puta nasinkweka kanoma nankwi pindi. kambari ena penkwe mige igokayema kambari puta nase. Pinkwe iyava agundaenava kaga yaga vuta nase nkwe iyaye, pavi kina a agaluva agaluva vuta nasima toma toma ndana tavela imupu wama aogiena vunema. ⁷ Paviyama kanawe iyava kaga yagava aoso aoso ena atakama pugagaye, igeva kamba taga ndanagava atakama aga gagaye aye takapa. ⁸ Pavi kamasa puma Janesige Jambrisige atakama Mosese ka piyaenava apoma alakulitase, to ma ivaloba paviyamba to atakama ilakuleye aogi kamana avikena veganaba. Pi ndakarava eliya ayegukena napienala nasigagaye igewi ndapienala asima. Igeva piyavepa imatiti enawi mema ugasuga pugaikena pugagaye. ⁹ Pipa ayelana ato, igeva kamba asima esegi pikiveya piya pikive tasava, kaisa ginamilova etamima igakiveya alama kamba aogima napima ena peyema. Pipa paviyama ayamavaya Israeli ginamiva agataya kana Janisige Jambrisige aivo putame ndanava. ¹⁰ Timoti, kayeva ago agaluvatane nage nanavaya pugayakito ndanava. Kayeva ago nagatana nage ayamavaya mitopa. Kayeva agolo nagatana ayamalo vaya Anutu ngeliya putopa. Agolo agate vutana ayamavaya naumane aye pindi age vute vutopa. togema agogapa nagate vutane nauma mema akusa atama navuki vaki ena metopa. agogapa nagate vutane ayamavaya Anutu ka navuwate imatiti kinaka navuwate vutopa. tova ago nagate vutane Anutu ngeliya pikenava tavela esegi vuwati pindi vutopa. ¹¹ kayeva agolo agate vutana ayamavaya wasanami nayegute vutepa. kayeva agolo nagate vutana ayama aye nkakwai navuki vaki vutopa Antiyoku ige, Aikoniya ige, Listra igema. Nayeva tavela navuki vaki vuwataye pinkawa mavindiva, Piyavutipa tave yagara nawime taya pinkawa enavindisava. ¹² Tagambane, Igeva aukisanala ayegata kivipa kaga kina Kraisti Isu agaluva kivembe kina. ¹³ Kamba laga gina evi evima kamba aogiena pikive kinapa. Igeva ivamete kamba laga giti wakena pikiveye taga kamana pindisa, Igewikeva paviyama kamba aogiena vindi ivamelite wagaikena pikveye. ¹⁴ Pigoya kayendava, evi evima vutawo nanavaya metambe ndanava, piyavute kaye kanama amba kamatiti putambepa taga ndanaya. Pilagevo nageka, kana nage pugaya kito ndanaga pinkawaena. ¹⁵ To pilage vutevo pinkavala kaye inamu mitambeta, kayeva ago agalitambene nana Anutu uti ndanava kamana nkwa pindi. pindana omava pugaya kikiye ayamavaya Kraisti Isu tawimeti kava, tage taumale ayeti age vutombeka. ¹⁶ Kaga mono kamanapa Anutu Spiriti vindisa kanaye, piyavika tayeva isuma agate poiyaki kune taga kamana Anutu nddava. Tagegeva paviyama isuma agalindata iyaki kune wasanaga timatiti piyoma taga kamana takana. paviyamage mema aogi poitama pindanava agunda enaya a piyoma. paviyamage poiyakima wasana gava pindava pipa kanara kana uga pikivena suma. ¹⁷ Tage piya ena poiyake kanava Anutu va ayelova poiya kikiye imatiti kinapa nanaga vaya kavona pikive ndanava aogi poitama imikiye.