¹ Kayeva nage ndagara gandama mindane. Pika nageva kaunana vuwe Anutu atagana esegi vugatakina pi atuti Kraisti Isu aogiena pugatano. ² ugaminda kamana kauma kamatiti puma to kaisa gina poiya kikivembe nagetisa metambe ndanage kaisa gina mitisage metambe keva paviyamba to pagusama oimikivena ³ Pavipindi miyo nage putosa puma navuki vaki Kraisti Isu ka metosa puma, Paviyama ile ginama pavipindi mima ivuki vaki vesa puma, ⁴ pi ile yagarama tavewa amundana potakena pisapuma, pigoya me kaisa ginama keti nasima piya pukuse ikivitiviba a katapo. ⁵ Paviyamalo, tave teteyena vindi wakusa kano yekanapa pikeva a avima wo, kamba piyavo ikivi kamba agaluvama mekivi ndanagaya. ⁶ Paviyama yoga oma avawamba esegi eliya puma yoga pumala kivi kanara ago naninda wapa yokavikiye. ⁷ pika napiyo nage ivando kayeto ngisaka, pipa, kaye vikibembepa, Tave yagara mava kaopekina napima pi kaga enagava napima vikibena. ⁸ Paviyama kayeva kavuki vakima tave gunda mewaki vembepa, napiyo Isu Kraisti ka, atawa mbake kini Deviti kega. Anutu aogatataye puwanda pindisa, pavi nage yogana mono kamana pindi avembesa puma. ⁹ Pavi mono kamana taka nage navuki vakima igana vindi kamba aogi yagara mana vusu posapuma. Piyavipa kamanapa Anutu ndava kamba igana vindiba mindiya. ¹⁰ Pikaga nage nauma gasima pavipindiva navuki vaki enava Anutu ala potanda kina iyopi kenaga vuwe. Piya vekana Kraisti Isu va iwime yanoma, piyavekina igeva asiasima esegi gani minda pindi asumi-iyoma. ¹¹ Kayeva kamana kaisa yaga ugaitome pavita asiyo: Tasige ago puwatome nalisa Isu ge, pavi tasigege miyo mesine ayege. ¹² Pavipindi tasigege itome nalisa, mapa tasigegeva ayeva miyosine. Pigo tasige kakata kusome kava, ayelova paviyama kakata sitakiye. ¹³ Tasige tasimatiti pukusome kava Isu ka, tasige evi evima tasimatiti pukusome kava; ayeva kamba kaka wakiye. ¹⁴ Mokaisa kaye ala poitatambe Anutu nda taga kamana poiya kiyoma, pikava aogi pilage poito mo ugamito sapuma. Iyunana kamanapa esegima oimo Anutu aolapa a akemba kamanapa iyoma aivo navo kamana tasava, piya kamana ngomava kamba ka enava pikiya aogi kamana avekinato ugasuga poitakiveya. ¹⁵ Kayeva pikenanava esegima Anutu ndaenava eliya kinanda yema poiyako a kanipuma, kevaya poiyakiye Anutu kamana aogimava, pavi kaga kinamiva taga kamanata ageveya. ¹⁶ Pagasala miyo mevi kaisa ginami Anutu ka kamba aogi kamana iginape, piya kamana ngamava Anutu ka kamba napima amendapi kinama meva meva kamana siya. ¹⁷ Piya kamana ngamava maleta mata vuta nasima kamba laga aiyena ivusu pugagaya. Himeniyasige Piletasige pi tara misi piya kamanapa uta nasesa. ¹⁸ Pi tarama wasana amatiti pikinapa ilaku lita nasesa. Isigeva piya ese pulinda pindisa aogane nanava ago pai puwandi nema. pingau kwaisa kambari kamana mete nasima alotu gina ilakuleye Kraisti ka imatiti pekina. ¹⁹ Pipa ayaviye, taga kamana Anutu ndava uga mindiya. Pi kana kamanapa nama ngamanda ayemu yabe gandama mindiye, pavina avovolapa kaisa ginami isa kaye tandaye: " piyavegina tave yagarama ago agandiye kevaya aye kinapa mindaya suma," Pigoya," kaga kevaya tayeva ayendalaye ikivepa kamba aogiena pikivepa itetagasiyo." ²⁰ Pi tave nama pindiva goli lasayo siliva lasayoma puma landapa ayeva aota yaga lasaga pumalate, pi yalasage aulasage puma landapa uga yaga migage ndaga lasaga puma landane. ²¹ Pikagana,kevaya aumawa pindi aogima mikivi kinapa tave yagara manda aogi eliya potakiye. Pipa igeva mo goli lasage siliva lasage puma landa kandama mikiveye. Paviyama igeva nana eliyapa uga kanara ngeliya pikena kina mikiveye. Igeva kaga yagava oyapa wimbanda aogi eliya aotapuma gina aogieliya potakena gina mikiveka. ²² Kaga yagava a pilagevo me masi mavi yakarami agunda ena vikena iyogema migage pindiva. pikava, atakama kaumaga Anutu pindi atama aogiena manapo. Atakama kaumagapa mala atama miyo. Pipindi miyo kaga wawaya inatisa yagaraga age mema inata puma mikive pindi. ²³ A naso me kevaya aivo kamana uta nasima maka uta nasikive kinamigeva pipa tave enagaya sikiveya. A kamanapa oito, pipa kayeva ago agandane aivo kamana uta nase kinapa, igeva maka enala nasigagaya. ²⁴ Piyaviya mo kevaya inatisa yagarama ngeliya puwe ikivinava maka kamanapa a yeno. Pikagana, igeva kaga kina kava aogiena voitaiyo, igeva poiyakiyo Anutu nda taga kamana ngaka, piya vundini akusama enaga piyo wasana vindiva. ²⁵ Pipa, igeva yumava mema mala atama keka iyakiyo wawaya maka ndaka oitata nase kina kaga. Ayugu Anutu tige kanakena pikive ndanaga indaoma awema taga kamana amba avikena. ²⁶ Piya vikivetiga taga ndapienava puma wawayapa iwime kiveye satani oma ku vindisava. Pipa aye satani pugagaye kambari kamana uma piya viyo maya viyoma igokaye pugagai ndanava.